Un tempo pa pordon

Petrus a bisa Yesus: Señor, cuanto biaha mi mester laga mi ruman peka contra mi y mi mester pordon ‘e? Te siete biaha? Yesus a bisa: Mi ta bisa bo, no te siete biaha, ma setentishete biaha.

(Mateo 18:21-22)

Durante Pasco Grandi nos ta celebra e resureccion di Hesus Cristo, un simbolo di speransa y liberacion. Pasco Grandi ta un momento pa reflexiona y reconciliacion, pero tambe pa pordona. Cada biaha mi ta spera pa por pordona. Mi tawata spera cu mi por hasi esey, pero despues tawata tin momentonan di furia y venganza. Pero cu tempo esei a cambia. Furia y venganza a bira menos y a laga luga pa aceptacion di e pasado. Con bo por sa cien porciento sigur cu bo por pordona un persona? Mi ta cla pa pordona cada persona cu a hasi ami y mi famia dolor? Pasco Grandi ta un bon momento pa pordona y mi ta spera cu awe mes e prome stap a cuminsa pa por pordona. Mi ta keda resa y pidi ayudo di Dios.

Pordon ta un tema importante den Cristianismo, y Pasco Grandi ta duna nos e oportunidad pa pensa riba con nos por aplica esey den nos mes propio bida. Hesus Cristo a educa nos cu nos mester pordona otro, manera Dios tambe ta pordona nos. Pero kiko esey ta nifica?

E ta cuminsa cu reflexiona riba nos mes y cu pa tuma responsabilidad pa nos mes emocionnan. E nifica cu mester tin e curashi pa pordona otro, ora cu nos ta sinti nos mes lastima. Pordon no ta facil. E nifica cu mester trata di compronde e persona cu a lastima nos, y compronde e motibo di nan accion. E ta nifica cu mester trata di laga nos furia y concentra riba nos relacion y propio bienestar.

Pero pordona no ta nifica cu mester somete nos mes na abuso of injusticia. E no ta nifica cu mester lubida kiko a sosode of cu mester hasi manera si e comportacion di e otro persona tabata aceptabel. E no ta nifica cu no mester pone limite of no proteha nos mes.

En lugar di esaki, ta trata di habri nos curason y ta concentra riba loke nos por hasi pa restablese nos relacion nan y pa promove nos propio bienestar. E ta nifica cu mester traha riba construi confiansa y empatia, y mester trata di mira otro como si ta humano cu nan propio miedo, dolor y defectonan.

Den un situacion ideal, e personanan cu a hasi bo mal tambe lo mustra remordimento y lo trata pa repara nan fayonan. Pero esaki no mester depende di bo propio sanacion. Bo mester por pordona independientemente di nan actitud. Nan pecadonan ta entre nan y Dios. Ta bon si hende realisa e consecuencia nan di nan accion nan y ta duna responsabilidad pa nan accion nan na mundo aki. Y un dia nan lo para dilanti di Dios pa duna cuenta di nan accion nan. Dios ta husto riba tur cos, pero venganza ta pertenese solamente na Dios.

Ta pordon ta un regalo cu nos por duna na nos mes. Ta un parti importante di nos biaha espiritual. E ta duna nos e posibilidad pa laga nos pasado bek y concentra riba nos presente y futuro. E por yuda nos libera di rabia y resentimento y permiti nos pa conecta atrobe cu otro di un manera mas saludabel.

Durante Pasco Grandi nos ta recorda e resureccion di Hesus Cristo y nos ta celebra un comienso nobo. Laga nos usa e tempo aki pa habri nos curason y traha riba reflexion, pordon y reconciliacion, pa nos por crese y evoluciona manera ser humano y haña un sentido di paz y libertad mas profundo.