Un pais den problema

Proksimamente lo instala un mastil di bandera na mi cas pa hisa e bandera di Aruba na ocashonnan special, manera dia di Betico i dia di bandera i himno (18 di maart). Tambe na dia di Rey lo gusta hisa e bandera Hulandes i durante dia di morto lo hisa e bandera di Aruba of Hulandes na mita.

Den e tempo akí e pais ta den problema i no tin nada pa celebra. No tin ningun rason pa hisa e bandera. Cua pais ta den problema? Aruba? Hulanda? Mi por bisa cu tur dos pais ta pasando den dificultat i den problema.

Na Hulanda den e tempo aki nan ta hisa e bandera den diferente gemeenten robes. "Pakiko?", lo bo pensa. Ta pasobra e plan nobo di stikstof di gobierno, unda cu e campesinonan ta contra i ta haya sosten di un parti di e poblashon Hulandes. Como simbolo di e protesta nan ta hisa e bandera Hulandes cu e cara bèk. No ta e promé biaha cu ta pasa esaki na Hulanda òf den e resto di mundo. Asina a sosode den siglo 19 den transporte di barco, ora un hende ta cay for di barco i durante e medidanan di coronavirus na Hulanda i na Alemania. Tambe na Merca durante e protestanan di Black Lives Matter i den e tempo di guera di Vietnam. No tin un lei di bandera na Hulanda contra e uso aki, pero cierto gemeenten ta kita e banderanan aki for di propiedat di gemeente i Rijkswaterstaat ta kita nan for di e camindanan di rijks pa garantisa seguridad di trafico.

"Ta un forma di protesta i mi tin cu acepta esei", segun minister-president Rutte a bisa. Mi ta kere cu ta permití pa demonstra na diferente forma. Tambe mi ta apoya e campesinonan, pero personalmente mi ta considera e forma aki di protesta un tiki hopi. Na mi opinion ta desrespecto i ofensivo. Un bandera ta un simbolo nacional, pa cual mester tin hopi respet tur tempo. Un bandera pa cua hopi hende a lucha durante Segunda Guerra Mundial. Durante e ocupashon di 1940-1945 e bandera Hulandes tabata prohibi na Hulanda, pero e bandera aki a sigui biaha den Antia Hulandes i Surinam.

Lo e bandera Arubano den tempo di problema i crisis tambe wordo hisa cu e cara bek pa e poblashon di Aruba? Mi ta kere cu esaki, sin importa e situashon, no lo sosode lihe. Tin hopi amor patria cu ta haci e forma di protesta aki inimaginabel. Tin hopi insatisfacion. Empleadonan di gobierno cu talvez lo no haña 5% di nan salario fin di luna, e trahadonan di bus cu ta exigi un subida di tarifa. E prijsnan di azet creciente i e prijnan hopi halto pa cuminda. I ademas ora ta sinti cu politica ta leu di e mundu di experiencia di e pueblo i ta pensa solamente riba ganashi personal. Pueblo no semper ta na prome luga. "Nos ta stima Aruba", bo ta haña esaki hopi biaha di nan. Pero semper ta haña e impreshon cu nan ta stima nan mes portemonnee mas cu e pueblo cu a vota pa nan cu confiansa. Además, tambe nan no semper ta di acuerdo cu Hulanda, cu hopi biaha ta guia nos manera un ruman grandi. Pero nunca e pueblo Arubano lo no trata ningun bandera nacional desrespecto.

Den aña 2015, un investigacion a tuma luga entre mas cu 2000 Hulandes, cu e pregunta si Hulanda mester kibra tur lasonan cu e islanan completamente. 61% di e personanan entrevista tabata di acuerdo cu esaki. Debi na problema financiero regular, corupcion i mala administracion, segun nan, mester a bira tempo pa un fin. Si nan ke independensia, nan mester bisa esei. Hulanda mes por scohe pa sali for di Reino di Hulanda, pero e islanan lo keda cu e titulo aki so. No, solamente e islanan por a scohe pa esaki.

Hulanda a kere di kibra cu e islanan hopi tempo prome. Despues di e rebeldia na Corsou dia 30 di mei 1969, Hulanda a suplica pa un independencia rapido di e islanan. Na 1986, Aruba a haña su Status Aparte, pero como condishon di Hulanda cu despues di diez aña Aruba lo bira independiente. Despues di negoshashon, esaki a keda kita. Afortunadamente, pasobra manera Surinam, cu a haña su independencia na 1975, Aruba tambe por a cai den hopi pobresa i inseguridat.

Hulanda kier mantera e contacto. Hulanda kier deshanca e islanan aki? Ta bini esaki pasobra e islanan ta situa den un posishon geológico masha adecua i seif? Den teranan di Sur America pa hasi asunto economico facilmente cu nan? Òf ta bini pasobra e dos toronan di buscamento cu a construí den awa di Aruba durante e período di gabinete Eman II, unda no a haña gas ainda?

Con ta cos awor? Awor cu tin problema cu CAft. Con ta mira e relashon entre Hulanda i e islanan Caribense den Reino awor? Ta wordo e islanan ainda mira como igual? Hulanda sa masha bon cu Aruba, pa motibo di supervicion financiero pa CAft, e período di Corona i e situacion di preisnan halto cu ta wordo duna na e guera na Ucrania, ta muriendo. Asina Hulanda ta pone Aruba contra muraya i Aruba por keda na mercado so. Pasobra bisa berdad: "Esei cu ta paga, ta determina"! Ta castiga Hulanda nos cu un desiscion Real? Ta maneha bo cu bo ruman chikito asina?

"Hulanda mester sa cu durante nan momentonan dificil, e islanan semper tabata yuda. Manera durante Segundo Guerra Mundial, unda 80% di e total di gasolin pa e avionan a bin di Antias Hulandes. E heroismo di e resistentenan Antiano George Maduro i Boy Ecury. Pero tambe durante e desaster di awa di 1953 na Hulanda, unda a tene accion di coleccion. 1% di salario mensual pa un aña pa personal di enseñansa na Aruba a ser retene i un maestro di Aruba mes a entrega 5% di su salario mensual pa un aña pa yuda Hulanda den tempo dificil. Tambe nos no por laga afo cu hopi Hulandes tin practicamente nada of nada di sa di nan mes parti den Reino Hulandes. Den 2016 casi tres cuart di Bonairianonan ta kere cu tin hopi Hulandes bibando na Bonaire. Conosemento di cultura local ta poco i e politiconan local ta maneha hopi biaha na nan mes interes enbes di e interes di e pueblo.

Mi ta sigur tambe di mi opinion cu mi por compronde cu despues di tanto aña Hulanda ta cansa. Tur biaha a goberna na e islanan i Aruba bou di mal gobernacion, corupcion, problema financiero i factornan ecsterno cu nan mes no por a hasi nada. Sigur hopi cos a bai bon tambe, pero malgre esei lamentablemente nos mester hasi e partidonan geel i berde responsabel tambe pa nan mal gobernacion, cu a tuma luga for di 1989. I mi no kier defende e partido geel, pero tabata e partido aki tin e oportunidad pa goberna mescos i no mester a limpi tur loke e partido berde a laga atras? Pero loke e partido geel a hasi pa e pueblo? Bo por bisa hopi, pero lo nos a haja un infrastructura miho bou di e partido geel?

Ta hopi pa bisa tocante e dos partidonan aki, pero e pueblo ta cansa. Lo e partidonan aki ta mescos tempo pasa awor? Lo e partidonan bieu aki realmente cambia? Of nos lo eligi e proksimo biaha atrobe e partido berde? Of nan lo duna espasio na partidonan nobo? Talbes esaki lo bira finalmente e motibo corecto pa hisa bandera Arubano cu orguyo atrobe den futuro.