Un number obteni ta mas importante cu e cantidad di voto.

E lista di tur partido politico ta conoci. Ultimo dianan lider di partido hunto cu e comision di candidato a prepara nan lista di concepto di candidato. E rada di partido a considera esaki y durante e congreso di partido ainda a haci cambionan. Si miembro di candidato bieu a haya un posicion mas abou prome cu e congreso di partido, lider di partido por a tuma contacto cu nan. Aki a puntra si e lo ta di acuerdo cu su posicion. Ultimo momento e candidatonan nobo a haya sa nan number di lista. Cuanto mas abou bo ta riba e lista aki, mas duro bo mester lucha pa por yega parlamento.

Riba 7 di mei 2021, e candidatonan di partido a entrega nan lista di candidato. RAIZ, como unico partido, a opta pa entrega nan lista digital debí na e pandemia aki cu nos ta pasando aden ainda. Un desishon seif den e tempu aki di progreso digital. Bo no lo ke como partido ta comparti e responsabilidat pa subi e casonan di coronavirus, pa entrega bo lista di candidato cu un gran grupo di hende? Bo ta warda cu ansiedat pa sa cua personanan ta riba e lista di candidato i cua posishon nan a haña. E proseduranan pa compila e lista aki ta diferente pa cada partido, pero ora nan ta cla, esaki por causa hopi descontento. Candidatonan por ta satisfecho of no cu e posishon cu nan a haña. Loke a pasa e biaha aki tambe. Algun biaha hende no ta satisfecho cu un posishon halto i orguyo ta yega prome cu e cai.

Si bo ta mira bon, e numero ku bo a haña ta mas importante cu e cantidat di voto cu bo como candidato lo haña. Mester ta al contrario? Parlamento ta representashon di pueblo. Lo ta mihó si nan ta mira e mensahe i confiansa cu un persona ta duna. Asina pueblo por hasi nan eleccion pensa bon, cu programa di partido den man. Ki ta dunando garantia cu si bo ta den parlamento of como minister lo sigui bai adilanti cu un gran cantidat di voto? Manera na Hulanda, e partidonan Arubano ta eligi nan candidato segun e lista di candidato, cu algun esepshon. Naturalmente tambe ta bo propio eleccion si bo como miembro di parlamento of como minister lo desea di desempeña bo tarea den e proksimo cuater añanan.

Como uniko partido, MAS a hala nan candidatonan pa firma un documento. Aki nan ta consentí pa laga e orden di candidatonan den nan partido ta determiná pa e votonan cu nan ta haña. Den historia politico Arubano, esaki no ta un sistema normal. No ta stipula den lei i ta mas un acuerdo entre cabayero. Tambe otro partidonan politiko a duna atenshon na esaki durante e campaña di e ultimo eleccionan na 2017, pero despues cu eleccion a keda determiná, nan no a bolbe duna atenshon na esaki. Lo e ta un inisio di un tendensia nobo awor tambe? Of ta un promesa bala?

Ocho partido, manera A21, PPA, PP, UPP, CURPA, MAS, RAIZ i HTC ta tin tempo te 18 di mei pa sustené nan lista cu un porsentahe di uno di e total di votadó - 587 firma. E partidonan aki no a haña ningun asiento na e ultimo eleccionan of ta completamente nobo i ta participa pa promé biaha. Lo ta interesante pa mira ken lo ta partisipando realmente den e eleccionan ademas di partidonan RED, POR, MEP i AVP.

Sea bo ta eligi un persona of un posishon riba lista cu el a haña den un partido. Semper mira promé cu bo bai vota e programa di partido i no bo tradishon di famia. Compará i evaluá bo hallazgonan. Unda nan ta pará awor? Kiko ta nan planes pa e próksimo añanan pa Aruba. Si tin un guia di voto disponibel, purba di yena esaki i wak unda bo voto ta sali. Lamentablemente mi a nota kc e programanan di partido ainda no a wordo públikamente duna pa tur partido. Algun ta riba internet, pero esaki ta pa e período 2017-2021. Spera ku e programanan lo sali pronto. Ora nan sali, lesa nan tur bon i hasi bo eleccion consiente. Ta un trabou pa hasi, pero asina bo sa kiko e partidonan ta para p’e i bo por confrontá of elogia nan riba nan contenido asina: rápido, cla i directo.