Un momento di reflexion

Den pasado diaweps tabata e momento pa catoliconan haya un cruz di pastoor. Carnaval diadumingo a pasa ya awor ta e momento pa abstene te na Pasco. E cuarenta dianan di abstenementu ta duna un periodo di reflexion. Desde tempo di Cristiandad katoliconan a abstene te na or di solo. Principalmente pa buska yudansa y sosten di Dios. Tambe Hesus a abstene pa kuarenta dia despues di su bautismo.

Iglesia katolico ta spera ku riba diaweps Santu i Bierna Santo bo no mag di kome dushi, karni òf alkohòl. E dianan aki mester ta di sobriedad, ya ku e crusificashon i morto di Hesus ta ser comemora aki. Durante e tempu di abstenementu ta trata di amor pa prohimo i dedica mas na palabra di Dios. Durante e tempo di Middeleeuwen reglanan pa abstenementu tabata estricto, pero a lo largo di siglonan nan a bira mas permisivo pa iglesia katolico.

Ta hopi katolico cu no ta tuma abstenementu masha seriamente. Carnaval tabata un fiesta amigabel, pero abstenementu no ta necesario i ni sikiera haya un cruz. Sin embargo, tin hopi katolico cu awendia ta hasi nan dianan di abstenementu na nan manera. Nan ta skohe diferente forma di castigo manera trabou caritativo òf limita den cuminda, bebe, huma, mira televishon i otro gustonan. E plaka cu nan tin pa esaki por destina pa hende cu ta pasando hamber.

Na mi skol katolico tur a haya un cruz diaweps. Naturalmente tin studiantenan cu no ta katolico òf cu no ta kere den dje. Aunke nos ta un skol katolico, no ta obligatorio pa skohe un cruz. Na skol por cumpra pan di carni for di diaweps te na diadumingo na cantina. Ta parce cu no ta tene cuenta cu e tempo di abstenementu aki. Pero esei no ta e caso. Especialmente pa e periodo aki awor tambe por cumpra un pan di pisca.

Diaweps tabata e momento pa mi tambe haya un cruz for di pastoor. Pa mi tabata un comienso pa, despues di tur loke mi a pasa aden, un tempo di reflexion. E sentimiento aki a bini mas na sali ora mi a mira un poster den klas. Un poster tocante e siete reglanan di bida, caminda mi lo duna mas atenshon den e periodo akí. E siete reglanan ta:

1. Haci paz cu bo pasado. Sigura cu esaki no ta pone obstaculo.
2. Loke otro hende ta pensa di bo no ta bo problema.
3. Tempu ta yuda casi tur kos. Duna e cosnan tempo.
4. No kompara bo bida cu esun di otro i no yu'i. Bo no sa cual viahe nan ta hasi (i cual desafionan nan ta topa riba e caminda).
5. No pensa muchu. Bo no mester tin un contesta pa tur cos. I lo bo mira cu contestanan ta presenta na momentonan inespera.
6. Ningun hende ta responsabel pa bo felisidad, salvo bo mes.
7. Risibi. E problema den mundu no ta tur di bo.

Si ta trata di reflexion, mi mester pensa riba Charlie Chaplin, un persona cu mi a cuminsa apresia mas tempo pasa. Un persona cu na mi opinion tabata mucho adelanta pa su tempo. Algo cu den su tempo ya a mira cosnan tuma luga cu el a tin un opinion di dje i caminda nos ainda ta topa cune. Un figura sin tempo. Den su pelicula "The great dictator" di 1940 Charlie Chaplin ta cuminsa na final di e pelicula cu un discurso cu te ainda por ta uza pa nos tempo.

Un parti di e diskurso ta bisa:

“Greed has poisoned men’s souls, has barricaded the world with hate, has goose-stepped us into misery and bloodshed. We have developed speed, but we have shut ourselves in. Machinery that gives abundance has left us in want. Our knowledge has made us cynical. Our cleverness, hard and unkind. We think too much and feel too little. More than machinery we need humanity. More than cleverness we need kindness and gentleness. Without these qualities, life will be violent and all will be lost….” (Charlie Chaplin – The Great Dictator 1940).

Aunke tabata un discurso di 1940, caminda un segundo guera mundial a cuminsa, mi ta kere cu esaki por ta usa como discurso te ainda. Talbes ta un idea pa specialmente den e periodo aki por para keto pa e hopi asuntonan cu ta tuma luga den mundo i cu por tin influencia indirecto òf directo riba nos mes manera di funshona den e comunidad den cua nos ta biba. Talbes abstenementu ta ofrese un momento pa reflexiona riba nos mes manera di actua. Nos ta riba e bon caminda? Òf humanidad tambe den e tempo aki completamente a bai for di caminda? Algo pa pensa riba dje.