Un kompas den bida

Historia ta manera un maestro sin tempo cu no solamente ta mustra nos e suceso nan di pasado, pero tambe ta duna nos lesnan valioso pa e presente y futuro. Un maestro sin tempo manera por compara cu Indiana Jones, kende den e ultimo pelicula ta retira como un profesor di arkeologia. Unda su studiantenan den "Raiders of the lost ark" di 1981 y "The last crusade" di 1989, den e klas tin entusiasmo, interes y cu e damas nan ta scucha cu admiracion.

Historia ta funciona manera un guia, un kompas cu ta yuda nos nabega den e retonan y posibilidad cu ta dilanti di nos. Den e historia mundial nos ta mira e suceso nan, decision nan y cambio nan cu a forma e rumbo di nacionnan y cultura nan. Loke pa algun nacionnan y cultura nan seguramente no a resulta bon, pasobra storia ta skirbi generalmente dor di e ganador.

Studia historia ta duna nos perspectiva riba e causa nan y consecuencia nan di comportacion humano, y ta recorda nos cu nos decision nan awe ta forma e mundo di mainta. Cada decision ta cambia e rumbo di historia. Si bo ta tuma un decision grandi of chikito den bo bida personal, tur cos tin su consecuensia nan. E triunfo nan di pasado ta inspira nos, mientras cu e fayo y tragedia ta avisa nos pa e trampa cu mester evita. Desafortunadamente, nos no semper scucha aki y cada biaha nos cay bek den un trampa. Dor di compronde for di unda nos ta bin, nos por determina nos caminda miho na unda nos kier bay.

Si e desinteres ta manifesta intenciona of sin intension pa partinan cu a traha e pelicula di Indiana Jones, ta posibel pa nota e falta di interes entre e studiantenan den e ultimo pelicula di Indiana Jones, "Dial of Destiny". Basta evidentemente ta hunga den mundo di pelicula tambe e idea cu hobennan di awe no tin mas interes den lesnan na scol y sigur no den historia. Sinembargo, ainda asina, nan ta trata di yega un di e studiante real cu posiblemente mas despues kier bay hasi algo cu ne.

Den mi bida personal, historia a transforma su mes den un fuente di comprendemento y inspiracion. Un fuente cu mi ta desea pasa aden na e siguiente generacion, sea dor di mi website, publicacion nan y/of den enseñansa. Na nivel personal, historia tin e significado di descubrimento di mi mes y formacion di identidad. E investigacion di mi transcendencia familiar y antepasadonan a yuda mi comprende mi raiz y aprecia e contexto den cual mi a crece.

Asina mi a nace na Hulanda, unda mi a biba cu mi mayornan Arubiano den un bario serca di Utrecht pa un parti grandi di mi bida. Un bario chikito unda tur hende sa ken ta ken y unda tur hende ta trankilamente cu otro. Na algun momento, mi por a haya e impresion cu nan ta hasi diferencia riba bo origen y nan ta mira bo como un hende for di afo. Ta posibel cu esaki a cousa un conviccion personal fuerte y cu un cierto orguyo Arubiano, pa durante presentacion nan na scol, mi mester di papia tocante di Aruba. Na unda mi compañeronan di klas, sigur tambe e maestronan por a siña algo. Pasobra berdaderamente, hopi cos nan no tabata sa tocante e isla di Aruba of e Antianan Hulandes.



Na Aruba, esaki ta cambia hopi. Hopi hende aki lo no mira mi como un Arubiano berdadero. Con bon mi ta purba papia Papiamento, den wowo di algun Arubiano, mi ta keda un Hulandes. Talbes dies aña ta hopi cortico ainda pa sa berdaderamente con bida ta aki. Awor bo por bisa cu dor di esaki, mi no por sinti mi na cas ni unda cu mi ta. Cu ta segur den e mayoria di momento nan no ta asina, y mas cu tur cos, mi mira esaki como un enrikesemento cu a forma mi te awe cu mi ta. Mi ta realisa cu mi storia tin contexto cu e suceso historico mas grandi, pero tambe cu mi desaroyonan personal y social. E realisacion aki a duna mi hasi decision nan mas consciente y sigui mi mes caminda, tene cuenta cu e lesnan cu a keda na pasado.

Geschiedenis ta fungi tambe como un spil, den cua nos kier mira nos naturalesa humano y busca e caminda pa progresa constante. Patronan ta repiti su mes den historia, tanto na nivel mundial como den nos bida personal. Comprension di e siglo aki por yuda nos evita caminda destrui y anhela pa un futuro mehor.

Sinembargo, ora nos ta papia tocante e significa di historia, nos mester tambe reconoce cu esaki por bira un fuente di conflict y division. Puntonan di diferente bista tocante di mesun suceso por causa desacuerdo y falta di comprension. Mi ta bira mas consciente cu tur hende ta biba na su propio manera. E manera cu nan a hanja dor di nan educacion y nan experencia nan personal ta hunga un rol hopi grandi. Cua no semper ta wordo presenta na e manera adecua. Pero, kiko ta e manera adecua cu ta bon? Otro ta mira e mundo hopi diferente y ta comporta nan mes di un manera cu otro no por of no kier compronde.

E ta di importancia vital cu nos adopta un enfoke di historia caminda nos ta scuchando varios stem pa un comprendemento amplio di pasado. Historia no ta solamente tocante di entretene factor y fecha, pero tambe tocante di mantene compasion y un comprendemento mas profundo di e experencia humano. Dor di siña tocante di e desafio y triunfa di hende for di diferente epoca y cultura, nos ta na mehor condicion pa komprende e emocion nan y motivacion nan cu a guia nan. E compasion aki ta traspasa tempo y espacio y ta enrikece e conexion personal cu e comunidad humano.

Bo por bisa cu historia ta tanto un guia pa mundo como un kompas pa bo mes un bida. E ta recorda nos cu nos ta e wardador nan di un biaha continua, un biaha cu a keda forma pa esnan cu a pasa prome cu nos. Ta nos deber pa registra e storia manera nan a sosode y pa continua conta e storia na e siguiente generacion tocante di hende cu tristemente no por a hasi esaki mas. Asina e bon recuerdo nan ta keda bibo y nos por pensa bek riba nan cu orguyo y cu un sonrisa na nos cara. Dor di abraso e significado di historia, nos por enfrenta nos futuro cu sabiduria y energia. Pero no warda mucho, tempo por pasa pronto y bo por keda cu nada y bo ta perde e pasado.