Un elogio pa Censo Dependance

Mi Arubano identidad (ID) ta expira den un par di dia y esaki a duna mi e oportunidad pa solicita uno nobo. Por haci esaki via e website di Censo, un instituto gobernamental pa Registro Civil y Registro di Poblacion. Riba nan website nan ta indica cu por haci cita facil, lihe y online. Esey no a bira mentira.

Bo lo pensa cu ta dificil pa haci un cita online, pero e website ta demostra lo contrario. Den un par di minuut bo ta cla cu bo cita. Prome cu tur cos bo ta indica kico documento of tratamento di informacion bo ta desea. Despues bo por specifica na kual lugar, fecha y ora bo ta desea haci un cita. Riba lugar bo tin e opcion pa escogi entre sede principal of e oficina na L.G. Smith boulevard 66, cu ta funciona como dependencia di Censo. Na e lugar aki, ademas di un Arubano identidad, por solicita tambe un rijbewijs of paspoort. Resto di e servicionan manera cambio di adres, registracion, extractonan y declaracionnan mester wordo haci via sede principal. Despues di a duna mi informacion personal, mi a logra haci un cita pa un identidad nobo. Afortunadamente tambe nan ta dedica atencion special na nos ciudadanan di 65 aña of mas, cu por haci cita via un number di telefono of por drenta liberamente, si nan no tin posibilidad digital. Despues di mi cita mi a logra haci uno tambe pa mi mayornan.

Mi mester a bai mas tempran cu mi mayornan. Mi a yega un par di minute prome i na loket 3 mi a recistra mi mes. Despues mi mester a warda un ratu i lo a yamami. No ni mes cu 5 minute nan a yamami i mi por a bai loket 2 pa pidi mi carta di identificacion. Nan a pidi pa mi hasi un firma digital i sinta riba un silla pa tuma un potret di mi. Despues di paga mi por a warda dos minute pa risibi mi carta di identificacion. Mi a keda sorprende, mi a tende bon? E tabata rapido i bon organisa. Mi tabata pensa cu mi mester a bolbe dia despues pa busca mi carta. Pero no, mi a sali for di e luga cu mi carta nobo den man den 15 minute.

Tambe e cita di mi mayornan a bai bon. Riba e website di Censo bo por lesa kiko nan meta ta. Entre otro nan ke duna un servicio optimal na e ciudadanonan i clientenan door di consentra riba cliente i ser amigabel cu clientenan. Aki no ta mentira. Mi mayornan i mi mes por a sinti e consentracion riba e cliente i amigabilidad cu clientenan. E atenshon extra na Censo Dependance tabata ekselente. Specialmente pa mi mayornan, cu ta den un edad respetabel, e personal tabata masha atenshoso i a tuma nan tempu pa yuda mi mayornan cu hopi paciencia i comprencion. Un aplauso pa e personal. Un complimento pa Censo Dependance ta na luga. Tambe e proseso di tramite a bai perfecto. Mi mayornan a sali rapido for di e luga cu nan carta di identificacion nobo den man.

Na cierto momento ta papia abusivamente tocante e forma di traha i e forma cu e asuntunan ta bai riba e islanan den Reino Hulandes. Algun biaha ta husto, pero algun biaha tambe ta totalmente desapropia. Mi no ta nega cu na Aruba tin corupcion, politica di amigo i mal maneho financiero. Tin na tur parti. Sí na Hulanda tambe, pa ehempel. Ta posibel cu ta mas facil wak esaki na Aruba pasobra ta un isla chikito. Of ta pasobra mi ta biba aki pa un tempo i sa un tiki mas? Of ta pasobra turistanan ta bai Aruba sin preocupa como un "One happy Island"?

Ta hopi cos na Aruba cu ta bai masha bon organisa, manera na e instansia gobernamental Censo of na e hopi atraccion turistico i restaurantnan famoso caminda cliente ta importante. Ta cuadra pa menshona esaki hopi biaha. Ta logico, pero tambe na algun luga na Aruba por duna mas atencion na esaki. Specialmente na un cantidad di tiendanan i instansianan caminda mayoria biaha e poblashon lokal ta haña servicio i unda aki e cliente no semper ta rey.