Un carta scirbi na man

Un carta scirbi na man

Un carta scirbi cu man.

Durante e dianan aki mi a mira cu admiracion y interes Stef Biemans - "Brieven aan Andalusie". Un serie cu na 2020 el a ricibi e premio di plata "Nipkowschijf". Awor el a haya un serie nobo "Entre las Americas", cu tambe ta algo pa sigui.

Mi a conoce Stef caba pa medio di su episodionan tocante America Latina (“Americanos” & “Over de rug van de Andes”). Cada biaha Stef ta lleva bo den bida diario di diferente hende. Su simplicidad, pero tambe su habilidad pa papia Spaño cu diferente hende tocante diferente topiconan manera fe, amor, papelnan den pareha y situacionnan cu ta pasa den e pais cu e ta bishitando ta haci'e interesante. Un Hulandes cu na mi punto di bista ta papia Spaño hopi bon y cu su preguntanan critico ta haci e hendenan y su mes pensa riba mundo cu nos ta biba aden. Durante mi estudio pa docente di Historia y Ordenamento di Estado mi a sigui un curso tocante Mentalidad y Historia, caminda ta trata e forma di pensa y sinti di grupo y periodo. E curso aki tempo tabata hopi interesante y quizas mi mester tuma na cuenta esaki awor tambe.

Durante e situacion na Nicaragua bou di liderazgo di Daniel Ortega, ku for di 2007 ta regla manera un dictadura, na 2021 a bira inseguro pa keda i Stef a tuma desicion cu su famia Nicaraguense pa bula pa Nederland. Pero nan a elijí di bai Andalucía na Spaña. Den seis episodio bo por a siguie nan bida den un pais nobo, cu tambe tabata trese hopi preocupashon den e famia. Den su prome episodio el a skibi un karta manera pa su casa, pa asina e por a splica su sentimientonan i preguntanan ora nan no ta compronde otro. Mi ta kere cu e gesto aki tabata hopi bon. Ta algo uniko den e situacion akí? Of tin hopi hende cu ta hasi esaki te ainda? Mi por compronde esaki, pasobra den e forma aki bo kier comunica algo na bo ser keri de un forma personal i intimo. Cu den e forma akí bo por duna mas balor na bo fuerza, alegría, determinashon, pregunta, problema i amor.

Den e mundo aki cu ta biba awendia ta desaroya hopi rapido cu tecnologia, ta bunita pa tuma e ritmo bieu di skibi un carta na man atrobe. Un carta scirbi na man ta bisa mas cu un carta skirbi cu computado i scirbi pa correo electronico cu den un par di segundo lo ta den bo casilla di post. Un carta cu a bai correo i a hasi un biahe pa yega especialmente na bo ta algo di special. E ta hasi e carta mas personal, ainda cu e mensahe por ta mescos. Na mi opinion esaki ta un demostrashon di amor pa skibi bo sentimientonan i preocupashonnan riba papel i laga esaki pa esun cu bo ta stima hopi. Cu bo a pensa riba dje den bo bida ocupa i a tuma e tempo pa laga un otro sa cu e no ta so. Mi mes a pensa riba mi situacion un par di aña pasa.

Tambe mi ta pensa riba e cartanan cu mi a ricibi for di mi primo, primanan, tanta y omonan, ora ainda no tabatin internet y mi tabata biba na Hulanda. Mi ta kere cu mi tin algun di nan ainda y nan tabata bisa algo cu ta cla. Un carta skirbi a man tin un valor emocional extra, y mi ta gusta conserva nan y lesa nan bek na cierto momento. Den e episodionan despues, Stef a pidi habitantenan di Andalusia via carta skirbi a man pa duna nan opinion riba topiconan di migracion, famia, amor, fe, nan historia propio durante e tempo di e dictador Franco y e futuro. Asina a sali na cla storianan personal y opinionnan cu, na mi opinion, seguramente no lo a yega na ta conoci si nan no a wordo haci na un manera personal.

Mi ta kere cu ta bon pa, na momentonan determina, scirbi un carta manuscribi y manda esaki via post. Asina nos ta tuma tempo extra pa otro y asina fortalece nos contacto. Mi mes lo mester haci esaki na momentonan. Con lo reaccion di e destinatario lo ta? Talvez, manera cu a pasa cu Stef, esaki lo yuda nos yega mas cerca otro. Talvez ta bon pa duna esaki un oportunidad y mira kico ta e resultado. Hopi exito!