Un carta pa e ministro di Husticia (Parti 2)

Dia 5 di juli 2022 mi a publica un articulo, cu ta trata un carta na minister di Husticia, cu mi a entrega na B.I.D. (Bureau Interne Diensten) dia 13 di juni di aña pasa. E articulo i e carta aki por wordo lesa riba mi website. Den e carta aki mi a describi un incidente cu a tuma luga i ainda tin algun observashon pa hasi.

45 dia despues di e fecha di e carta na B.I.D. i te awe nan no a duna ningun reaccion. Asina mi a yama B.I.D. algun biaha cu e numero di telefon cu mi a haña for di Bureau di Husticia. Despues mi a haña e numeronan di telefon di secretaria di Bureau di Husticia, pero despues di algun yamada te ainda no a duna mi ningun reaccion. Nan no a ni contesta. Despues di hopi yamada finalmente mi a logra contact cu secretaria i/o Human Resource. Nan a promete di yama mi bek, pero lamentablemente nan no a cumpli cu nan promesa of ta posibel cu nan a lubida mi intencionalmente? Tambe tabata durante e gran vakacion, pues nan tabata pasando duru cu falta di personal. Mi mester a manda nan un mail cu e carta como attachment. Asina mi a hasi mesora mi a manda e mail. Sinembargo, nan no a risibi e mail, asina a resulta despues di un otro yamada. El a manda mi un mail pa mi por manda mi mail i carta bek pa e manera aki. Algun dia despues mi a yama bek, pero lamentablemente nan no a duna contesta. Semana pasa, dia 24 i 26 di augustus mi a intenta atrobe, na cua dia 24 di augustus e contact a kibra i dia 26 di augustus, alrededor di 11 or, ningun hende por a contesta. Atrobe un aparato di funshonario cu no ta funshona corecto.

Bureau di Husticia no ta funshona manera mester, òf nan ta kier no yama atenshon riba un carta na cual mi ta pidi splikashon i e pasonan siguiente? Minister di Husticia ta consiente di esaki? Bureau ta kier protehe su persona contra di e carta aki? E mester a risibi mi carta? Of el a scohe pa no duna atenshon na esaki? Mi sa cu el ta bon conosi cu persona A i talbes el ta conose e polis encuestiona tambe. Ta protehe hende asina? Ta descubrí e termino "friends i family" bou di gabinete di Evelyn-Wever Croes II?

Loke hende tur ta hasi pa logra nan propio felisidad. Algun hende ta pasa riba otro pa ocupa posishonnan cu nan no a gana hustamente. I atrobe, mi no ta bisa nomber pero e hendenan sa bon ken nan ta. Ken nan ta tambe no ta importante. Ken conose e storia, nan sa. Si e situashon aki tuma luga atrobe i e hendenan hasi mescos, mi spera sinceramente cu otro hende tambe lo para i tuma accion contra di esaki.

Loke otro hende a bisa mi ta bira berdad. Aparentemente nan sa con gobierno ta maneha den situaccionan manera esaki. Transparensia i comunicacion bon ta aparentemente masha dificil pa haña. Bureau di Husticia lo kier evita di duna atencion na esaki. Nan ta wak e gravidad di e incidente como no importante. Bo por bisa: "Ach Michel, riba kiko bo ta preocupa?" E tin sentido? Mi ta kere ainda cu no mester ta asina cu algun hende ta pensa cu nan por keda riba lei pa motibo di nan posicion como polis òf miembro di famia di minister-president. I mi ta puntra mi mes atrobe! Ta midi aki bao di e termino "Friends i Family?

Apesar cu mi confiansa a wordo dañá, mi no ke pa mi speransa kita. Bo mester duna tur hende un segundo chèns, asina tambe pa gobierno. Mi ta considera como mi deber pa informa e sociedad riba e manera aki. Mi ta kere cu ta hopi importante pa Bureau di Husticia mustra nan banda corecto tambe den e aspecto aki. Hende mester sa loke a pasa i conclui cu esaki simplemente no ta aceptabel. Hende mester lucha contra di esaki tur biaha, pa tur di nos por tin un bida digno i pa yuda e victimanan den e manera aki. Sperando cu pronto lo tin un reaccion riba esaki.

Talbes insistensia i repitishon ta hunga un rol grandi aki. Repiti ta necesario pa logra e meta aki. Mi siguiente pasonan ta, ademas di sigui yama, entrega un carta, cu e carta di 13 di juni como attachment, na B.I.D. for di e siman aki. Atrobe cu mi preguntanan pa splicashon:

• Con un polis por tuma asunto den su mes man pa bishita algo cu no ta di su competencia, sin cu e bureau di polis na San Nicolaas sa? Pa intimida i no duna e persona un chèns pa splica su banda di e storia. Bo pensamentu riba esaki? Por hasi esaki asina lihe?
• Kiko persoon A ta hasi pa un polis por tuma un accion asina sin consenshi? Pa agi manera un hues propio.
• Ta con un situaccion manera esaki ta pasa regularmente den bo ministerio, òf tabata un caso unico?
• Pesei persoon B nunca a risibi disculpa for di bureau di polis of e polis encuestiona?
• Segun bo, kiko persoon B por hasi den e caso aki?

Talbes un di dos, di tres of di cuater carta lo por condusi na un reaccion. Lo gana e persona cu ta insisti tambe e biaha aki?

Aparentemente e contienda ta sigui!