Blog Layout
Un cambio lo bin
Carlos Michel Nicolaas • 15 september 2021
Un cambio lo bin
Hay momentos na bida cu ta haci bo sinti tristo. Pa motibonan personal of pa e sucesonan cu ta tumando lugar den mundo awendia. Durante e momentonan aki, mi ta gusta scucha e cancion di Sam Cooke - "A Change Is Gonna Come" y mi ta sinti calmo y fortaleza pa sigui aden y sa cu tur cos lo sali bon na final. Sam Cooke ta un di mi favoritonan ora ta trata cancionnan bon di anjanan '50 y '60. Sam a influencia hopi musico manera The Temptations, The Rolling Stones, The Beatles, Otis Redding, Marvin Gaye y John Mayer. Ademas di cu Sam Cooke tabata un bon cantante, e tambe tabata un activista pa derechonan di ciudadano. E a topa cu Malcolm X y Mohammed Ali y e tabata e prome artista cu no kier a presenta den un sala segrega.
Rosa Parks, nase na Tuskegee, Alabama cu a pasa gran parti di su bida trahando como costurera, a bira conoci pa su resistencia na 1955 ora cu e a nenga di duna su sitionan un pasaxero blanco. Na e tempo ey, tabatin un parti reserva na patras di e bus pa hendenan di color. E parti dilanti di e bus tabata pa hendenan blanco y tabata yen. Rosa Parks mester a para, pa un pasaxero blanco por a sinta na patras di e bus. E no a kier y e polis a dune un multa di 10 dollar mas gastonan adicional di 4 dollar. Parks a nenga di paga e multa y a wordo deteni.
Nelson Mandela tabata contra di e regimen di apartheid na Sur Africa desde 1944 y como lider di Congreso Nacional Africano el a wordo bana pa Robbeneiland entre 1964 te 1990. Nelson Mandela a bira e simbolo di resistencia contra apartheid.
Den historia tabatin hopi otro cu a lucha kontra apartheid. Nan a lucha kontra inhusticia i inkontensia. Aki ta trata di lucha contra inhusticia pa hendenan cu un otro color di piel, religion òf tras di fondo politico. Mi mester pensa riba loke a pasa cu e yudionan promé i durante di Segundo Guerra Mundial. Nan a keda sepera como grupo i nan no por a hasi hopi mas. Yudionan no por a bai mas na kine, teatro i eksposishon. Yudionan no por a bai mas na piscina, parke, zònder di bestia, bibliotheek i salanan di lesa. Na 1940 tur yudí mester a registrá i na 1942 tur yudí di 6 aña pa riba mester a bisti un estrella di yudí. Mi por sigui conta tur loke yudionan no por a hasi mas. Naturalmente e tabata un tempu completamente diferente i no ta comparabel cu tempu awendia. Pero mi no por comprondé cu cos asina ta pasa awor (na un estadio inicial di nos tempu) tambe.
Durante e conferensia di prensa di diadomingo 14 di september e cabesantá, bao guia di Mark Rutte, a informá cu pa 25 di september e sociedat di un-i-mei metro lo desaparesé. Si lo implementá un pase di corona caminda no tin akseso na horeca, weganan di deporte, conèrt òf teatro si no ta vacuná òf si no a hasi un test negativo. Na luga di horeca por keda habri te 12 or di anochi i na skol no mester mandá tur klas bai cas si un di e studiantenan ta infectá. Tapa boca no ta obligatorio mas na estashon i plataforma, pero e medida aki ta keda valido den transporte público. Empleadónan den cuido por registra si nan personal ta vacuna, pero den sectornan diferente por puntra esaki, pero no por registra. Empleadonan no tin cu contestá esaki. Lo bai manda un invitashon pa un tèrdè pik cu ta destiná pa hendenan cu un trastornu serio di imunidat i vacunánan cu ta biaha no mester bai cuarentena mas.
Mas o ménos diescinco dia pasa, minister di salubridat, Hugo de Jonge, a bisa cu segun lei no tin un obligashon pa vacuna. E ta contra derecho di privasidat i integridat di curpa. Bo mes por desidí loke ta pasa cu bo curpa. No por obliga bo. Diamars 18 di novèmber 2020 Hugo de Jonge mes a bisa den parlamento cu vacuna semper mester ta un desishon liber. E no ke pa un sociedat di kibra den dos riba mundu. Un obligashon pa vacuna lo desalenta hende i e no sa con pa implementá un obligashon asina. Tambe aña pasa e no ce un obligashon indirecto i a bisa cu mester tene cuenta si realmente kier aplica un paspoort di vacunashon. Si no lo tin obligashon nobo i esey no ta e meta. Mester ta cu reserva. Kiko a pasa den e tempu aki? Pakiko awor el a cambia di pensamento? Òf e ta di opinion cu e por duna un impreshon totalmente diferente na esaki awor?
Supone cu despues di 25 di sèptèmber bo no ta vacuna i bo kier bai na cine den un siman, dia otro bai come na un restorant i dia siguiente bai un terasa pa bebe un tiki. Esei lo nifica cu bo tin cu hasi un test tres biaha. Esei lo por resulta masha fastioso. Si bo ta vacuna bo por drenta sin test. Pareu cu un obligashon indirecto. I esey no ta permití. Den e Codigo di Neurenberg di 1947 ta skirbi diez punto caminda ta garantisa derechonan di personanan cu ta tuma parti na investigashon medico i experimento. Esei a keda skirbi despues di Segundo Guerra Mundial i ta contesta na e experimentonan nazi cu Josef Mengele a hasi. Den e Codigo na punto un ta bisa cu mester ta un eleccion liber sin intervenshon di forsa, fraude, engaño òf forma di limitashon òf obligashon. Pero awor ta paré cu bo tin un eleccion liber, pero cu consecuensia.
Mi ta haña dificil pa no hasi un conekshon cu pasado. Pero cu man kibra mi ta hasié. Ta bisa cu nunca nos ta siña di loke historia ta conta nos? Manera e scirbidó Ingles Aldous Huxley (1894-1963) a bisa: "That men do not learn very much from the lessons of history is the most important of all the lessons that history has to teach." Nos a mira i por siña cu semper tabatin momentonan den historia caminda hende a keda esscluí pa motibo di nan color di piel, religion, preferensia politico, orientashon sèxsual i diferensha òf pa nan opinionnan espesífico. No ta sinti bon pa mira caminda mundu ta bai cu nos. Kiko ora nos ta bisa na e orden establecí: "Basta ta basta!" Kiko ora nos ta cuminsa para riba pia?
Afortunadamente nos ta mira caba algun resistensia contra esaki. Hopi artista na Hulanda no kier presenta nan mes asina. Algun empresario di horeca kier boikoteá e pase di corona i sabotá. Ya tin algun hende cu a para riba pia contra esaki i mi ta ansioso pa mira con nan lo sinti si e medida aki bini mes. Parlamento ainda tin un último chèns pa cambiá esaki. Diadomingo 16 di september parlamento lo siña riba esaki i seguramente lo tin algun partido ku lo kier hasi tur cos pa e medidanan aki no bira valido. Mi mes ta pensa cu no tin hopi cos cu por hasi contra esaki. Despues di tanto promesa di cabesantá nan no lo plia. Parlamento tin hopi poco poder pa hasi algu contra esaki. Pero laga nos spera cu mi ta sali mal riba esaki.
Kiko lo pasa na Aruba awor si nan ta implementá e pase di corona na Hulanda? Lo nos tuma esaki sin pensa di e cabesantenan Hulandes na Den Haag? I lo nos laga nos mes dicta indirectamente otra bia? Mi ta spera cu como un estado separá den Reino nos no ta sigui cu esaki i no laga e sociedad di dos coriente sigui escalá. Pasobra despues ta keda un pregunta importante: "Na cua banda di historia bo kier para?"
TE persoonlijk!
DEMASIADO Personal!