Te notificacion nobo

Michel, 

Disculpa, pero un persona mester bisa bo berdad. Bo Nederlands y bo nivel di scirbi ta pa hari. Ademas bo 'analisis' di e situacion aki no ta klop; e situacion di SKOA ta hopi mas complica y delicado; bo no ta menciona por ehempel cu e gobierno anterior a causa mas problema y cu e gobierno actual ta e unico cu por limpia e problema aki.

SKOA teoreticamente ta un fundacion independiente cu simplemente no tin su asuntonan financiero na ordo y pesey ta pidi gobierno pa mas placa continuamente. No ta e responsabilidad di gobierno pa asegura cu e trahadonan di limpieza ta wordo paga; ta e responsabilidad di SKOA pa asegura cu nan tin nan finanzas na ordo y nan no a haci esaki pa anjanan, pesey e trahadonan di limpieza ta e victimanan pa anjanan. E Obispado di Curacao, cu SKOA ta bou di dje, tin miyones na nan cuenta bancario pero nan ta nenga pa suporta su scolnan financieramente. Esun cu ta fout ta e Obispado, no gobierno.

Bo tin urgentemente lecion di idioma y/of un editor. Desde bo prome frase ya ta bayendo robes; bo ta cuminsa den tempo pasado, pa despues cambia pa tempo presente den bo siguiente frase. Despues bo ta haci esaki den bo henter 'columna', bo ta cambia continuamente di un tempo verbal pa otro, y pa no papia di e monton di otro erornan di idioma: "E" trabou necesario haci enbes di 'e', un limpiadora 'a merita' enbes di 'ta merece', y un monton di frase cu no ta haci sentido: "E ta mira su limpiadornan como personal y esakinan ta cay bou di gastonan di personal". "No ta su cartera y cu e ministro di Enseñanza ta responsabel pa esaki". "Con ta regla awor bou di e otro scolnan na Aruba cu no ta cay bou di SKOA?" "Desde dos aña caba e problema aki ta tumando luga" y asina mucho mas. Mi por saca literalmente 50+ eror for di esaki..

Jongen, busca un editor of laga skirbi pa esnan cu por haci esaki.

Reaccion riba e mensahe di Michel:

Estimado "Alguien cu ta conta e berdad",

Danki pa bo reaccion. Mi a haci algun cambio y adicion riba e texto. Indudablemente, no a pasa pa un editor, loke normalmente ta e caso. Danki, ta masha bon cu tin algu cu ta tuma e tempo pa manda un mail extenso riba su diabierna anochi. Felizmente, nos tur ta comete erornan. Y nos por siña for di nos erornan. Den e mundo aki, nos mester yuda otro, pues hopi danki pa esey. Lastima cu bo no kier menciona bo nomber. Apparentemente, skirbi carta anonimo ta algo cu bo gusta haci. Pero bo mensahe lo wordo publica online sigur.

Pero manera mi a menciona, a haci algun cambio y pa esey mi ta gradici bo hopi. Si bo a lesa un di mi blognan prome, bo probablemente tambe por a lesa cu mi ta di opinion cu e gobierno anterior tambe a comete hopi fayo. Mi ta kere cu nos por yega na e conclusion cu limpiadoran y specialmente studiantenan ta e victimanan. Sea ta falta di SKOA of di gobierno.

Atrobe, danki!

Promé cu mi lubida, no lubida di ordena un copia di mi prome buki nobo "Schoon Bedrog". Tin un par di e 500 copianan faltante y mi ta kere cu bo no kier laga falta esaki den bo coleccion. Lo haci bo bon.

Cu saludo amistoso, Michel