Blog Layout
Igual i oportunidad hustu pa e muhé
Carlos Michel Nicolaas • 13 september 2021
Igual i oportunidad hustu pa e muhé
Na aña 1977, Lucina Elena de Costa Gomez-Matheeuws a bira prome muhé premier di Antia Hulandes. E tabata e di cinco prome muhé premier den mundu. Cuater muhé a bai promé cu ne. E promé premier muhé eligi tabata Sirimavo Bandaranaike, viuda di Solomon Bandaranaike. For di 1960 te 2000 e tabata promé minister di Sri Lanka. Despues di dje a sigui Indira Gandhi di India, kende tabata e di dos premier den mundu (1966-1984) den historia. Indira tabata yiu di Jawaharlal Nehru. Na Israel, for di 1969 te 1974, Golda Meir a ser considera e di tres premier den mundu. E di cuatro premier den mundu tabata Elisabeth Domitien di República Centroafricana, kende a goberna pa un aña (1975-1976).
Lucina de Costa Gomez-Matheeuws a bira donc e di cinco persona pa bira premier den mundu y for di 1977 te 2010 el a bira prome muhé premier di Antia Hulandes. Esaki a sosode promé cu Margaret Thatcher, kende pa Reino Uní a goberna for di 1979 te 1990. Despues di Lucina, den total ainda cinco muhé a bira premier di Antia Hulandes. Emily de Jongh-Elhage a bira e último minister-presidente, ora na 2010 Antia Hulandes no tabata existi mas como unidat político den Reino Hulandes. Awor Bonaire, Saba i St. Eustatius ta municipio special di Hulanda y Curaçao i St. Maarten tin nan status separá den Reino. Aruba a haya su status separá na 1986.
Sarah Wescot-Williams a bira na 2010 na St. Maarten e promé minister-president i a sigui e tradicion di premiers muhé den Reino Hulandes. E tradicion aki a wordo sigui despues na St. Maarten pa Leona Marlin-Romeo (2018-2019) i Silveria Jacobs, kende for di 2019 ta ainda minister-president di St. Maarten. E caminda pa e muhé no tabata semper fácil. E muhé mester a demostra semper extra. Un muhé mester a lucha pa su caminda i semper mester a lucha pa igualdat i husticia contra di e homber. E homber tabata na cabes di famia te ainda den siglo 19. Den algun caso esaki ta e caso ainda. Den 600 promé cu Cristo na Grecia, e por a deshereda su yiunan i determiná ken su yiunan muhe mester a casa cu ne. E hombernan tabata ocupa cu politica i e muhernan no por a vota. Ya hopi cos a pasa i ta agradabel pa mira cu for di 1960 a eligi un premier muhé kende ta inspira otro muhénan pa ocupa un funshon halto den un mundu cu ainda ta wordo determina pa hombernan.
Na 2009 Aruba a haya su promé presidente di Banco Central muhé, tambe e promé muhé den Reino. Na Aruba for di 2017 nos tin un minister-president muhé. E ta na luga di ochenta i ocho di tur lider muhé den mundu. Hopi interesante, considerando cu Hulanda ainda no a haya un premier muhé. Ta gusta mira un muhé den e funshon aki na Hulanda? Hulanda ainda no ta cla pa esaki? Despues di tur e desaroyonan ultimo dianan pa Rutte, lo por ta cu Sigrid Kaag lo bira e promé minister-president di Hulanda? Pero ta esaki kico ta kier? E parti Caribense di Reino ta mas adelanta cu Hulanda den esaki. Sinembargo, no tin motibo pa no sigui atende e emansipashon di muhé, pasobra tambe den krincu muhé tin invidiosisimo of nan ta hunga wega sucio.
E candela di cumplaños no tabata ni sopla, e pastechi di cumplaños no tabata ni corta ainda i comisario principal di polis, Korpschef Vanessa Tjon-Kock a haya di e minister-president e dia di su cumplaños cu e mester laga su responsabilidatnan temporalmente. Esaki pa un periodo te ora e gobierno Wever-Croes II lo wordo poni un fin na ne. Lo e mester warda cuater aña largo? Of e minister-president ta kere cu su gobierno lo no tin un duracion largo i mester haci eleccionnan promé? Y kico lo pasa despues di cuater aña? Lo un otro partido politico kier mira su persona como comisario principal di polis? E por kier mira algu otro den e posishon aki. E motibo di e retiro temporal aki ta relaciona cu un conflicto di interes cu lo por surgi door di su casá Rocco Tjon, kende pronto lo bira minister di Husticia. Kico su funshon lo ta no ta conoci ainda.
Durante tempu di Corona, Vanessa Tjon-Kock a yuda e minister-president cu conseho y a pensa hunto riba e medidanan necesario. No tur hende tabata contento cu e diferente desicionnan, pero e tabata pari mancu como un muhé. Tambe e minister-president a pari mancu durante e promé medidanan di Corona i a tuma desicionnan valiente. Di fuente bon mi a tende cu lucha di Vanessa pa bira polis no tabata facil. Como un muhé, durante su formacion e mester a demostra dos biaha mas duru pa wordo tuma serio como polis. I awor parece manera e ta haya hinkamentu pa su esfuerso i mester bay for di e campo. Door di un homber, manera mi a tende di hopi fuente confiabel, ta comparti cama cu hopi muhé i no kier firma pa un divorcio. I e ta papia tanto di integridad. E mester por trece transparencia i confiabilidad i ta responsabel pa su accion y eleccionnan? Mi mester bisa boso berdad, mi mes a vota pa dje na e promé gobierno di Wever-Croes.
Door di su discurso di integridad i su bon intencionnan, mi a pensa cu e ta un persona adecuado. P'esey mi a vota pa dje. Pero despues di tende hopi storia di hende, mi ta di opinion cu no ta tur cos ta manera cu e ta parce. Despues mi a haya sa cu Sra. Vanessa Tjon-Kock no ta contento cu e desicion di e minister-president. Pakico un biaha mas un muhé mester bay for di e campo pa un homber? P'esey nan no por firma pa un divorcio, pa e por keda den su posishon? Un biaha mas e posishon di un muhé ta wordo abouga. Pero awor no so lo un homber ta haci esaki, pero tambe un muhé. E ta bon sabi con hopi lucha un muhé mester haci pa yega na un posishon cu e ta ambishona. No ta facil. Ta bini patras algo aki? Ta hunga cu interesnan grandi aki? Ta trata di poder, placa, reconocimento of un posishon halto? Of e cuerpo di polis na Aruba ta pa solamente pa hombernan macho cu no tin suficiente sentido di integridad y empatia pa e poblacion femenino?
TE persoonlijk!
DEMASIADO Personal!