Solo so ta subi sin gasto!

Awendia hopi hende ta inverti den solarpanel. Nan no ta bibando solamente consientisa pa cu e medio ambiente pero tambe escoje pa sostenibilidad. Sigur nan lo escoje pa e  beneficionan financiero a largo plazo cu e inversion aki lo trece cune. Sigur awor cu e tempo ta cambiando y cu dia pa dia e temparatura ambiental na Aruba ta cambiando y ta birando dia pa dia mas calor. Energia Solar ta ofreciendo un solucion positive.

Ami tambe a laga instala solar panels riba mi dak, e compania B-Energie a hasi encargo di esaki. Ademas di duna un bon servicio y un gran atencion na cliente, tambe nan tin conocimiento di energia sostenibel, y nan por ofrece diferente opcionnan pa problemanan di energia aki riba e isla aki.

Di e dia cu nan a instala e solar panel cerca mi, mi consume di coriente a baha, pero desde algun luna pasa mi ta pagando doble pa coriente. Awor mi ta usando más o menos mescos cu ora mi no tawata tin solar panels. Cón asina? Mi no sa! Mi a compronde di otronan cu tambe a laga instala SP cu nan tambe ta enfrentando cu e mesun problema. Pa un razon desconoci, nan factura di coriente a subi drasticamente. Algun a tribe di manda un email na Elmar pa expresa nan descontento.



 Cu segiridad mi por bisa cu nada no a cambia na mi cas tur cos a keda mescos ta mescos  ta mi factura di Elamr so a subi, mi no a cumpra ningún equipo electronico den ultimo temponan aki, por ejempel mi no a cumpra un airco extra. Ta pasobra cu e clima extremadamente cayente? Esaki ta mustrami hopi improbal. Pakiko? Logicamente si ta asina calor y solo ta kima pisa e SP mester produci mas energia ainda!.

Mi tawata kier un contesta di Elmar. Den mi prome email mi a puntra nan dikon mi factura ta asina halto y esaki ta di juni 2023 padilanti? Lamentablemente mi no a recibi ningun contesta concreto riba mi pregunta. Nan prome reaccion tawatacu e “smart meter” ta funcionando perfecto. Tambe nan a mandami un lista cu e midi di e ultimo luna, pero esaki no a yudami cu nada, mi no a haya contesta riba mi pregunta. Den mi di dos email na Elmar nan a contestami un biaha mas cu e “smart meter” ta traha correcto, nan a dunami e conseho pa busca un electrician, quizas e por resolve mi problema. Elmar a mandami un lista cu electricienan cu ta reconoci pa DTI y a laba man.

Na Aruba, bo ta paga 0,3580 cent pa kWh pa e prome 500 kWh, entre 501 te na 1000 kWh e ta 0,3684 cent pa kWh, y pa mas cu 1000 kWh e ta 0,4847 cent pa kWh. Ariba e suma aki, cliente tin cu paga un suma di 12,50 florin pa gastonan di transport y mantencion pa e suministro di electricidad na cas.

Na Europa, Hulanda ta hibando e delantera den Solar panels, aña pasa e instalacion a subi cu mas di 30%. Di December aña pasa mas cu dos millon cas tin SP. Pa coinsidencia, diamars dia 19 di September mi a wordo recomda pa wak e programa “ RADAR” na television Hulandes. Aki nan a trata e caso di SP unda cu e compania productor di energia ta desconecta e inverter sin duna aviso ora cu e red electrico ta sobrecarga. E invertersnan ta e aparato cu ta garantiza cu energia di solo ta wordo cambia den electricidad. Den e dia dianan di calor extremo, e consumo di energia por ta mas, Cu un voltage mas halto cu 253 Volt tur equipo electronico por daña. Si e coriente ta demasiado halto, esaki lo produsi un piek di carga den e inverter cu consequencia cu esaki lo paga. E resultado lo ta cu e energía cu e SP ta produciendo lo desaparere esaki ta e momento cu abo como consumidor tin cu cumpra coriente caro bek cerca Elmar pasobra e red electrico ta riba su capacidad maximo.

A medida cu mas hende ta laga instala SPs, lo bira algo comun cu e inverters nan lo trip y asina no hasi locual nan tin cu hasi esta cambia energia solar den electricidad. Nos ta papiamdo di un network cu ta hopi anticua, e no ta diseña pa manda electricidad extra di solo pa WEB of Elmar den volts nan halto. E gobierno awor ta opta pa mas awor pa no hasi mas coneccion riba e red electrico. Pakiko? Pasobra gobierno y e opartors nan di e red no a inverti sufficiente pa renoba e red aki, Nan tin falta di vision, conocimiento estrategico y negligensia di problema di banda di e operator di e red. Na Hulanda nan ta teme cu no invert den innovacionnan y tur cos lo keda mescos! Investigacion parlamentario lo bai tuma lugar sigur sigur.

Tambe a ser demostra cu e calidad di e smart meters ta deficiente, e meters nan aki ta mustra regularmente un consumo exesivo di corriente ora cu e consumo riba red ta halto. Tin biaha esakinan por tres biaha mas e cantidad di electricidad cu bo ta usa. Consequencia bo ta paga mas! Atrobe ken ta beneficia? Na Hulanda tur aña miles y miles di meters ta wordo afgekeurd. Ki ora e problemanan aki ta sosode? Den piek hours, esaki ta duna e operador de red un beneficio finaciero. Ken ta gana riba esaki? Bo por bisa cu seguridad cu ta e companianan  di energia operando na Hulanda! Segun nan, esaki seguramente no a wordo haci cu mal intencion y nan kier busca un solucion. Nan ta inverti anualmente 2 miyon euro, cu por subi te na 8 miyon euro hasta. Nan a inverti esaki den 80,000 casita nan di  transformator y nan ta instalando 140,000 kilometer di kabel nobo. Sinembargo, na Hulanda e problemanan aki ta keda actual pa e proximo diez aña.

Biniendo bek riba e situacion na Aruba, con esaki lo ta aki? Esaki ta susediendo na Aruba tambe? Con confiabel e smart meters nan ta na Aruba? Tambe aki na Aruba tin hopi hende cu ta scohe pa solar y ainda. E netwerk electrico na Aruba ta wordo sobrecarga cada biaha? Esaki lo ta e motibo pakico awor nos ta experencia mas blackouts di coriente? Pero Elmar, ta na haltura y tin bon conocimiento di e problema? Ta pa e motibo aki cu na Aruba consumidornan ta sintiendo esaki den nan cartera? E cuenta di coriente ta haltisimo? Cu of sin solar panels bo cuenta ta halto! Of esaki no ta un problema grandi na Aruba? Ta Elmar so lo sa!

Fuera di e factura halto di coriente, mi mester constata cu pa keur bo solar door di Elmar bo tin cu warda  hopi largo prome cu esaki wordo gekeur. Na ken su beneficio? Mi por bisa cu siguridad cu esaki ta na beneficio di Elmar. Laga nos hasi un calculo cortico. Laga nos bisa cu bo a usa bo solar pa 11 luna depues cu e la wordo instala, pero ainda nan no a wordo gekeur. Bo a produci un total di mas of menos 15.000 kWh, di cual 798 kWh y promedio pa luna ta pa uso propio. E ta 798 kWh x 11 = 8778 kWh pa e 11 lunanan. Kiko ta pasa cu e resto? E 6222 kWh! Elmar, ta haye pornada pero ta bendele bek cu e consumidor, esei kiermeen cu ami ta produci y duna Elmar pornada durante e periodo ei y na manera di bisa e ta bendemi bek loque ami mes a produci.. Esey ta, 6222 kWh x 0,3580 cent pa kWh = 2227,48 AWG. Un ganashi enorme cu Elmar ta ricibi sin nan mester di haci nada. Esaki ta un ehemplo pa un cas. Cuanto lo ta e ganashi total di Elmar ora cu e tarda pa keur e sistema solar di nan cliente? E suma aki lo ta astronomico!

Elmar, calcula bo ganashi cu 5000 casnan cu solar unda promedio 600 kWh no ta wordo usa. 5000 x 600 = 3.000.000 x 0,43 cent ta AWG 1.290.000 pa luna. Ta haci un total di AWG 15.480.000 pa ana. Unda e ganashi aki ta bay? Na e debe di estado di Aruba? Of ta na e salario di Elmar y nan afiliado nan ta cu ta excesivamente halto? Kiko ta e beneficio real di tin solar panel awor pa e consumidor? NADA!

Elmar tin un vision pa largo plazo, of ta manera na Hulanda cu nan ta falta vision, estrategia y negligencia innovativo? Of nan prefera di cera wowo pa problema pasobra nan sa cu cliente ta sera boca y lo paga e gasto adicional!  Tin un organisacion manera un ombudsman cu por yuda nos como consumidor? E ombudsman aki den situacion actual  seguramente lo busca un solucion batiendo riba e portanan di e mandatarionan!

Y si esaki ta e problema na Aruba, con Elmar ta buscando un solucion? Cuanto placa Elmar of gobierno ta dispuesto pa inverti pa resolve e problema aki, sea long term of short term? Un parti di e inversion nos como consumidor ta pagandom caba, durante e periodo largo cu bo tin cu warda riba keur bo ta produciendo y mandando energia pa Elmar pornada y nan ta bende esaki cubo mes y ta hasiendo un ganashi astronomico cu esaki, envez di huinka den sako usa e placa aki pa inversion den ideanan inovativo! Of nan ta sigui sera horea pa critica edificante, pasobra nan sa cu gobierno, cu of sin un ombudsman, ta prefera di no cuminsa un investigacion parlamentario! Nos como Arubiano no ta costumbra di duna critica aki na Aruba, un bunita un qualidad, pero esaki ta habri caminda pa otro abusa! Si, nos ta solamente produciendo energia pa Elmar y WEB y tene nos boca cera, asina nan por sigui cu nan bida sin preocupacion! Pero nos sa, cu e solo ta unico fuente di energia cu ta gratis!