Pidiendo pordon?

Bo por puntra algo pa perdon? Talbes algo cu añas pasa tabata tin problema cu bo y despues nunca mas bo a mira e persona ey? Cu bo por tuma e paso pa bay na dje y pidi perdon? Mi ta tende bo posiblemente ta pensa awor: “E lo mira mi bin! Talbes mi por pidi Señor pa perdon, pero bay na e persona aki? No, esey no lo pasa nunca!”

Algun persona a puntra bo pa perdon algun biaha? Cu despues di un problema fuerte, bo nunca mas a mira un persona y bo tambe no tin gana di mira e persona ey mas. Y cu justamente e persona ta para na bo porta pa pidi perdon. Bo lo laga e persona ey drenta? Of mi ta tende bo pensa awor: “Increible, esey siguramente no lo pasa. Mi no tin problema cu e persona ey, pero mi ta prefera di no tin contacto. Ta bon asina mes!”

Mi mes a pensa inmediatamente riba dos programa di television Hulandes: “Het Familiediner” y “Het spijt me”. Caminda e presentadornan ta tuma e papel di intermediario, pa haci pordonan despues di un problema entre miembronan di famia, amigonan y cosnan similar. Lo por traha esey tambe na Aruba? Of lo un ekipo di television asina aki wordo manda for di Aruba cu man duro? Ta posible cu ta un cualidad humano pa prefera di no mira bo mes eror? Of ta posible cu ta debi na un cierto orguyo? Of mester e persona contrario siempre tuma e prome paso? Y bo ta habri pa esey?

Ainda asina, esey a pasa cu mi siman pasa. No cu un intermediario, pero justamente e persona en cuestion. Asina un conocido a yama mi. Mi no tabata tin contacto cu ne pa un tempo largo y el a puntra si el por a bin. Ora el a drenta, el a puntra si por ta si algo a pasa entre nos, el kier pidi perdon. Mi a keda keto. “E ta bisa esey seriamente? Kico por a pasa?” Mi a mira cu e tabata serio y mi no tabata spera esey. Segun mi, no tabatin nada negativo cu a pasa. No tabata necesario y aunque el no tabata tin nada pa perdonami, el tabata sinti cu e mester a haci esey. Enorme corage y humildad cu el a haci esey. Tambe mi a puntra perdon, si mi a haci algo na dje. Pero talbes esaki tabata mas bien un momento pa haci esey. Un cierto tipo di señal di respet mutuo talbes?

Mi a tende despues cu mi no tabata e unico. Asina el a bisa mi cu el tambe a bishita otronan amigonan y famia. Talves tin un problema cu a pasa cu ne. Cuanto fuerza y alivio lo a cai riba nan. No ta facil pa laga algu bini cu bo tabatin problema of cu e persona kier pidi perdon. Mi ta kere cu e anochi aya un last enorme a cay for di su schouder.

7 di october, un dia unda mi ta cumpli un aña mas bieu. No ta necesario pa celebra, pero unda mi kier tuma un decision pa haci un comienzo nobo y cera cierto cosnan. Talvez mi a cuminsa caba cu mi column di 28 di september. Mi ta perdona, pero mi no lo lubida nunca!

E proceso di supera un separacion ta diferente pa cada un. Tin cinco fase cu ta sali. Ta cuminsa cu negacion, rabia, negosha y lucha. Despues depresion y e ultimo fase cu aceptacion. Den mi propio proceso mi a nota cu den cuminsamento tabatin hopi emocion cu tabata hunga un rol. Cada biaha momentonan cambiante di negacion, rabia, tristeza, impotencia y speranza. Tabata un caminda largo unda ainda tin pregunta cu no lo wordo contesta. E ta bon asina, mi a forma un imagen caba. Algun biaha mi tabata sinti cu na cada fase mi tabata haci tres paso atras pa haci un paso pa dilanti. Ora lo mi ta den mi ultimo fase?

Cada un ta busca un manera pa supera. Mi a haci esey door di skirbi for di mi mes. No pa rabia of venganza, pero mas bien pasobra no tabata papia di e manera husto y sincere. Pregunta y cosnan cu a pasa a keda incierto, unda mi mester a pone tur cos na un luga y puntra mi mes unda tur cos a bay robes. Kico tabata causa, berdad y ken tabata responsabel? Den ki medida tabata mi falta? Ta dificil pa compronde unda bo mes a faya. Talves na cuminsamento mi no a puntra e seriedad di e problema, cu a causa cu el a sinti cu mi no tabata sostene completamente. Si esey ta asina, mi mester pidi mi disculpa sincero pa esaki.

Por ta mi mester a comunica miho. Mester a bira menos naif òf mester a distancia mi mes ora di tur conflicto cu a hinka mi den mas problema. Por ta mi mester a acepta esaki mes ora. E pasonan aki tabata dificil pa tuma, especialmente cu hende cu mi ta stima hopi. E parti mas dificil di tur cos ta e bon memorianan, cu awor algun biaha ta causa dolor i cu ta desea lubida mas pronto posibel. Mi a spera cu e proseso di separashon por a regla den forma husto, sincero i den tur transparensia pa tur dos partido. Apparentemente nos no por a hasi esaki i te ainda mi no ta comprende pakiko nos no a opta pa esaki. Despues di hopi intento tampoco mi no a logra, pues tambe e proceso di elaborashon a bira dificil.

Tabata necesario pa mi skirbi for di mi? Despues mi no tin niun culpa, pero toch ta sinti un duda chikito. Mi por imagina cu otro hende ta mira esaki diferente. Algun hende a mira esaki manera vengansa, pero asina mi mes no ta mira. Sin embargo, mi kier a pidi disculpa pa esaki, si mi a causa dolor na hende. Mester a yega na esaki? No, contrario, pero mi a keda obliga pa elabora solamente den mi mes un forma. Despues a resulta tambe cu esaki tabata un fuente positivo di reconosemento, caminda persona por a identifica nan mes. Mi no tabata desea di cai den depresion. Mi a pensa cu mi no lo drenta den depresion. Sin embargo, por ta mi mester a experimenta. Sentimento di tristeza, remordimento, miedo i inseguridad a subi. Bo ta sinti bo sin poder i mi a tira porta di contacto. E skirbi tabata brinda tur biaha mas tranquilidad, forsa i claridad.

Riba 1 di oktober mi a lesa un articulo di pastoor Marcel Balootje. Mi a haña esaki un relato basta compronde. E tabata duna na conose cu hopi hende ta cana cu depresion pasobra nan no por bisa “sorry” i ta keda hunga den pasado. Cu hende ta keda hunga den nan pekado, ta sigui hasi malo i no kier mira consecuencia di esaki. Cu bo ta anima e malo pa asina por agrada otro hende.

Bo ta blokia Dios i esaki solamente por resulta den mas dolor pa bo mes i bo famia. Unda tur esaki ta bini for di? Su conclucion tabata sin embargo pa un motibo simpel cu hende ta hasie solamente pa placa i poseshon. Nan ta pone esakinan riba amistad, unda e verdadero reconciliamento ta falta.

Den ki fase mi ta awor? Mi ta caba of lo mi experimenta un retbolt? Mi ta riba e bon caminda? Mi ta kere cu si, pero honestamente mi no lo sa. E ta varia pa persona i situashon. Algun ta pas cu e proseso den un otro orden. Apparentemente e mester di tempo pa por elabora tur cos. Mi ta spera cu e parti mas dificil di e proceso ta tras di lomba, e fase di aseptashon.

Mi ta pronto pa esaki? No ta prematuro? Mester mi no pidi primero disculpa na otro i mi mes? Hende kier lubida eror lihe, pero Dios ta desea cu nos mustra remordimento i por perdona. Mi ta nota cu awor ta un bon momento pa perdona tur cos na dje. Perdona, pa asina mi tambe por hasi un paso adelanta pa futuro. Unda mi kier duna sentido na mi bida di un otro manera. Mi no lo lubida, pero mester perdona.