Pa procesa experencia miserabel

Algun biaha nos tur tin di pasa un momento desagradabel. Si ta un dia malo na trabou, un pleito cu un amigo of famia, un separacion, morto di un ser queri of otro cousa cu ta causa tristesa y/of stress. Cousa cu por pasa cu tur hende. Experencia desagradabel cu por tin un impacto grandi riba nos bida. Con ta posibel pa lidia cu experencia negativo? Con bo por procesa un experencia desagradabel mas miho cu posibel?

Cada experencia negativo ta diferente. Pero den e mayoria di caso, ta un situavion dificil. Esaki ta mas dificil ainda den un mundo caminda ta spera cu bo semper por rende na e mas halto nivel. Con bo por hasi esaki si bo no sinti bo mes bon? Den algun caso, afortunadamente, si ta tuma cuenta di esaki. Den otro caso, nos ta preferí pa no papia di esaki y pa lubida mas lihe cu ta posibel. Aunke esaki no ta sali bon. E ta causa un pregunta si e ta posibel pa semper ta hopi sincero y bisa con nos ta sinti ora cu hende puntra nos con ta cu nos. Normalmente nos ta bisa cu nos ta bon. Nos no kier carga otro cu nos problema.

Na prome luga e ta importante pa considera y accepta nos emocionnan. Ta normal pa sinti nos tristo, rabia, gestresst of ansioso despues di un experencia negativo. Ta importante pa no suprimi of ignora e sentimientonan, pero pa considera y accepta nan como reaccion natural na e situacion.

Ta importante pa tuma tempo pa bo mes y cuida di bo mes tambe. Por ta cu bo kier treat bo mes cu un bon baño, un cuminda saludabel of lesa un bon buki. Loke cu ta, pa tuma tempo pa bo mes ta yuda bo relaha bo mes. Asina bo por laga e experencia negativo tras di bo y dirigi riba algo positivo.

Tambe tin otro cos cu por yuda, manera papia riba e experencia cu un persona cu bo ta confia. E persona aki por ta un amigo, famia of un profesional. Dor di papia riba e experencia aki, por yuda bo organisa bo pensamento y sintimentonan. Esaki por yuda bo pa procesay duna e exprerenca un luga den bo bida.

Cada persona ta procesa cosnan riba nan propio manera. Mi mes no sa sib o por procesa tur experencia negative complete. Den algun caso, ainda e ta dolor tey y bo mester haña un manera pa lidia cu e dolor aki. Bo ta bira un persona diferente sin cu bo mes a scohe esaki. Mi ta spera cu bo ta un persona cu a cambia di manera positivo, pasobra esaki berdad bo no por tin siguransa. Bo ta keda cu duda algun biaha y ta busca e meta di bida. Mi ta kere cu bo lo sa e meta aki ora bo ta sera bo wowonan. Solamente asina e Creador por bisa bo. Mi ta kere cu nos Creador lo hasi husticia riba bo bida si bo a bida bon. Si bo no a biba bon, eventualmente, ningun hende lo por scapa di e castigo.

Durante un bonito entrevista na television cu Frans Bauer den e programa "De kist", Frans a termina e conversacion cu e palabra impresionante:

"Bo sa bo caminda despues cu bo ta sera bo wowonan. Pasobra nos ta riba caminda. Nos ta biaha. Pa un destinacion cu nos no ta conose. Si ta dificil of un alivio? Mi por bisa esaki ora mi yega ey."

Palabra bunita caminda mi por a identifica mi mes. En general, maneho di experenciannan malo no ta facil, pero pa reconese nos emocion, tuma tempo pa nos mes, papia cu otro y bay pa dilanti. Nos por yuda nos mes pa bira mas fuerte y crese di nos expereciannan. No tur biaha ta facil, pero ta importante pa recorda cu bo no ta bo so. Tin semper hende cu por yuda bo. Nan por pone bo na estado pa logra meta nobo y conseha bo pa enfoca riba e cosnan importante pa bo. Un comienso nobo pa un capitulo nobo di bo bida.