Pa duna critica ta inpuso?

“Kleine jongen. Je bent op deze wereld. Dus zal je moeten vechten net als ik. Ik kan het weten. Het leven is niet makkelijk. Er is tegenspoed op ieder ogenblik. Kleine jongen. Er zijn veel goeie mensen. Maar slechte zijn er ook, helaas ’t is waar. Je moet maar denken. Dat jij straks gaat beseffen. Dat eerlijk het langste duurt, geloof me maar.” - Parti di e musica: Kleine Jongen, André Hazes.

Bida no ta facil mes. Tin hende bon i malu. I mi ta kere segur cu honestidad ta dura mas largo. Pero ta honesto i inpuso no semper ta facil. Esei no semper ta apresia. I talbes na momentonan e caminda mas facil ta miho pa no duna critica riba asuntonan specífico. Sí na momentonan cu ta hopi sensibel. Ta mira critica como inpuso i negativo, mientras cu ta un manera pa nombra asuntonan i busca solushon pa nan. Sino lo no avansa i lo keda inventa e rueda tur ora.

Despues di Dia di Homenahe pa Defuntonan i despues un contesta desapuntante di e ceremonia i organisado mi a manda un mensahe via internet. Den esaki mi a referi na mi column i ta spera cu Dia di Homenahe pa Defuntonan na Aruba lo bai miho e aña aki. Bon pa tende cu Camarada lo evalua, mehora i prepara pa un otro hermento tambe. Mi a keda agradecí pa mi aporte. Nos Minister Presidente a indica riba Facebook cu tabata un ceremonia bon. E sa cu tabatin erornan? E mester sa. E ta presente tur aña. Duna critica no ta tur ora leuk, pero mi mester a bisa algo.

“Sorry, with all do respect. Pero mi no ta completamente di acuerdo cu e ceremonia a bai bunita. Mi sa cu tur hende tin nan opinion, pero toch mi kier a refire na mi column cu mi a skirbi tocante e Dodenherdenking 2022. Saludos”

Mi no a haña reaccion, pero esei tabata spera. E no ta esun cu ta organisa e hermento aki. Òf mi mester a keda sin bisa nada i sigui biba sin critica?

Casi tur luna aki na Aruba tin un buki nobo presenta i e prome ehemplar ta duna na un personalidad importante. Despues bo por haña e buki nobo na e tiendanan di buki na Aruba. Poco hende na Aruba ta conose e buki: "Boa - Aruba in de wurggreep" di señora Rita Zecher cu a sali na 2012. Ta varios aña caba, pero awor na Aruba no por haña un ehemplar mas. Ningun gana òf e pedido di transporte ta un molester extra? Den bibliotheek di Aruba ainda por presta e buki.

Na 2008 señora. Zecher a bin Aruba pa dedica su mes na abuso sexual. Esaki tabata na e tempo cu e partido politico mas grandi, MEP, tabata na poder. Un aña despues AVP a gana eleccion di Staten. Como unico psicologo infantil e ta topa cu polis, culpado i abogado. E problema na Aruba ta grandi, pasobra e culpadonan no ta keda detene. Husticia i polis ta un di e culpabelnan. Tur hende ta conose otro i no kier problema. Tambe falta di conocementu den husticia ta un motibo mas pa no por hasi nada. Mi mester bisa tambe cu e problema no ta solamente na Aruba, na Hulanda tambe abuso di mucha ta un problema grandi. Despues di dos aña señora. Zecher, despues di un còombersashon cu diferente minister, no ta sinti su mes mas sigur na Aruba i ta bai bek Hulanda.

Na 9 di mei 2012, Jeugdzorg Dark Horse a publica un articulo riba internet caminda ta indica cu señora Zecher tabata menasa na Aruba i cu e no ke bin Aruba mas. Diamars 10 di mei 2012 a duna un presentacion di buki na Apeldoorn, Hulanda. Un articulo tocante un presentacion di buki na Aruba mi no a logra hanja. I e prome ehemplar na un persona di confiansa of na Arubahuis no a wordo duna. Tabata cu no a yega na esaki? Of tabata un tema hopi sensibel, hopi personal cu aki p’esei un presentacion nunca a tuma luga? I con ta posibel cu un hende na Aruba ta keda menasa i no ke bin Aruba mas? Mi no por imagina esaki. Si esaki ta asina, mi ta sinti hopi berguensa pa esaki. Pero e problema ta keda. Despues di morto di e ruman chikito Rishandro i Roshandrik na 2017, e cantidad di caso di abuso di mucha a crece cinco biaha mas. Mi no por a kere. Nos i gobierno a siña di esaki? Awor ta momento pa tuma medida mas duro? Mi a tende recientemente cu gobierno a bin cu un ley na 2021 unda abuso sexual no lo caduca nunca mas. Esaki ta nifica cu un victima por acudi na ley na cualkier edad. Lamentablemente abuso sexual di mucha ta un problema mundial y ta wordo tolera pa gobierno cu ta complice den e asunto aki.

Durante e periodo di Corona, señora. Sharina Henriquez, editor di Amigoe Aruba, a traha duro pa libertad di prensa na Aruba. El a wordo deteni durante e oranan di anochi y a wordo aresta. E consecuencia ta daño na su imagen y el a haci un denuncia pa esaki. E caso a wordo sepone door di Ministerio Publico, pero e la sigui cu su denuncia.

E periodista cu ta yama Morillo, a manda un carta di queja pa Gobernador Alfonso Boekhoudt na April di e aña aki. E ta bisa den e carta cu na Aruba no tin libertad di expresion ni libertad di prensa. Periodistanan ta wordo amenaza. E primo-ministro a papia cu e periodista aki y a bisa durante un conferencia di prensa cu nan ta di acuerdo cu no tin restriccion riba libertad di prensa. Sinembargo, esaki no tabata e caso y e periodista a pidi un rectificacion di parti di e primo-ministro. Lamentablemente, mi no sa si esaki a sosode.

Diabierna 12 mei 2022, un articulo a wordo publica riba 24ora.com tocante un funcionario cu a critica e prijsnan di benzina halto. E ta critica e primo-ministro den e articulo aki. P'esey, e la wordo suspendi pa seis siman for di su trabou te ora cu nan haci mas investigacion. Lamentablemente, mi no sa kico e funcionario aki a bisa exactamente, pero ta parce cu tabata insultante y amenazante. Si e investigacion no ta keda cla, e lo wordo extendi pa otro seis siman. E ta haci mi haya hopi pregunta. "Kico e la bisa exactamente na e primo-ministro?" "Ta asina malo mes?" "Y kico nan ta investigando mes?"

Nos por tin un poco mas critica. Specialmente si e ta wordo sosteni pa hechonan y de un manera educa. Mi ta contento di mira cu lesadonan ta lesa mi columnanan y ta pone nan reaccionnan riba mi website. Aunque algun momento nan ta anonimo, esey no ta importa. Lo importante ta cu nan ta pensa riba esaki. Cu nan ta forma nan opinion y kier papia tocante esaki. Pesey cu algun tema por ta asina sensibel, nos mester papia tocante nan. Nos mester por habri nos mes pa critica y por acepta opinionnan. Nos no mester mira critica como algo injusto, pero mas bien pa soluciona problema. Nos no por bira weg mas y pensa cu e problema lo soluciona su mes.