Nos no mester lubida!

Desde un edad hoben mi a keda inspira pa e historia di Boy Ecury. Un persona cu a biaha for di Aruba pa Hulanda pa studia na 1937. Desde comienso di Segundo Guerra Mundial el a decidi di uni cu e resistensia. El no por a scohe tampoco, pero el a mira esaki como su deber pa lucha contra inisiguridad i libertat di tur Hulandes den Reino Hulandes. I sigur pa su cariño pa Aruba. Un persona cu a tin e curashi di 22 aña pa no doblega contra inisiguridad. Aki bo por admira so. Cu a bisa su compañero, riba su ultimo anochi, cu e lo muri cu un sonrisa riba su boca. Sigur un persona cu nos no mester lubida nunca.

Mi ta kere cu e muchanan Arubiano gustosamente lo ke identifica cu un persona manera Boy Ecury. Aunke tal vez solamente pasobra el a nase na Aruba. Orguyoso mi por haña mi mes den esaki. Tal vez ta hopi facil pa papia cu bo lo a hasi meskos cu Boy Ecury durante un guera. Hopi biaha bo tin bo mes rasonan i no ta tur ora obvio cu bo mester pone bo bida na peliger pa libertad di otro. Bo ta skohe mas frecuentemente, loke ta spiert, pa bo mes. Sigur den e tempo aki caminda nos ta trata otro duru. I cu bo mes ta skohe pa keda para na bo prinsipionan, bo normanan i balornan pa un mundu mas hustu. Aki mi por admira solamente mas. Pero mi sa tambe cu hopi biaha bo honestidad i husticia no ta agrada. Nan ta haya bo molesto i desprecia bo. Bo ta hasi bon, pero nan gusta bo di mira bo fala. Na momentunan algun ta dificil pa keda para na bo normanan i balornan. Pero ken ta un persona sin normanan i balornan? Ken ta un persona cu no ta kere den nada i no ke lucha pa husticia?

Durante Segundo Guerra Mundial Aruba no a wordo ocupa i aki Dia di Libertad 5 mei no ta tin ningun significado. Pues tampoco ta wordo comemora. Dia 4 mei, Homenahe pa Defuntonan, na Aruba pa hopi hende ta un dia normal. Felismente algun hende cada aña ta para keto i comemora tur habitantenan i militarnan cu a muri desde comienso di Segundo Guerra Mundial. Awor aki, na plaza di A. Lacle Boulevard, lo tin dos minute di silencio pa 18:00. Despues lo pone krans na e monumento pa 192 Antiano for di Aruba, Boneiro i Corsou cu a duna nan bida pa libertad pa otro durante Segundo Guerra Mundial.

Mi tambe ta para keto e dia aki i ta pensa specialmente riba e heroismonan di Boy Ecury. Pero tambe riba nos propio libertad, cu no ta obvio. Cu bo por bai i para unda bo kier. Cu bo por papia loke bo kier i forma bo mesun opinion. I cu hopi speransa bo por yuda na bo manera pa un mundu mas hustu.