Ken ta traha pa ken?

Un sabado mainta, nos a plania pa bishita e negoshi unda bo por entrega bo boternan di bia bashi. Mi cunja y mi a logra di aplaza esaki tur biaha, pero despues di binti dos caha di boternan bashi, e tabata e momento pa entrega tur e cahanan pa recupera placa. Ademas cu bo ta haya placa bek, bo tambe ta yuda medio ambiente.

Ora nos a yega, ya tabata basta druk. Ya tabatin auto par'i warda pa entrega nan cahanan. Finalmente nos a drenta y por a para patras di otro auto. Nos a mira un cantidad di hende cu tabata pone nan boternan bashi den kratnan berde di plastic. Nan mester a rompe nan cahanan bashi y pone den un container pa papel bashi. Nos a bay na e loket y a bisa cu nos tin binti dos caha pa entrega. E homber na e loket a bisa mesora cu nos mester a pone e boternan den e kratnan berde. Mi cunja a bisa mesora cu e no lo haci esaki. E no ta traha pa e negoshi y e kier solamente haya su placa bek. Asina nos a cuminsa saca e cahanan for di auto y un trahado a puntra si no tabata sensato pa caba di pasa pa pidi algun krat berde pa pone e boternan den dje. Mi cunja no tabata di acuerdo cu esaki. Nos tabata aki solamente pa nos placa bek. Ningun caminda ta menciona cu pa entrega bo mester tambe traha pa e negoshi pa pone e boternan den e kratnan. E no ta su trabou, e no ta wordo paga pa esaki.

E homber di e loket a sali for di su loket y a cuminsa camina un tiki rond. E mester a splica un biaha mas cu e boternan bashi mester wordo poni den e kratnan berde. Mi cunja a bisa atrobe cu e no lo haci esaki. E otro hendenan cu tabata presente, cu a pone nan boternan manera corderonan den e kratnan, tabata mira e show completo cu interest. Pueblo por ta mas expresivo y critico y no kier bira cordero di otro. "Si esey ta e caso, bo ta bolbe cune!" e homber di e loket a bisa un tiki perdi. "Si esey ta e caso, mi lo laga nan kai aki mes" mi cunja a bisa. E homber di e loket a bisa cu e lo yama e manager. E a bai su loket, a cera su porta demonstrativamente y a tuma contacto cu e manager.

Nos a saca tur e cahanan for di auto. E manager a bisa atrobe cu nos mester pone e boternan den e kratnan berde. Mi cunja a bisa atrobe cu e no ta wordo paga pa esaki. "Pero tur hende ta haci esaki!" e manager a bisa. "Pero mi no ta tur hende", mi cunja a bisa. "Si ta menciona algun caminda, e lo ta diferente, pero mi ta aki solamente pa mi placa bek". E manager no tabata sa kico pa bisa. Si e negoshi ta bende e boternan den kratnan berde den tienda, lo tabata mas facil. E manager a bisa cu bo por huur kratnan berde pa un florin, y ora bo entrega e kratnan aki, bo ta haya bo placa bek. Pa e biaha aki, nan lo laga pasa y no mester pone e boternan bashi den e kratnan berde. Si, nan a pidi nos pa rompe e cahanan bashi y pone den e container. Nos lo haci esaki pa e biaha aki. Finalmente nos a haya nos statiegeld na e cas di cambio i a cumpra mesora cuater caha berde cu nos por a presta den cambio.

Tal vez e ta sona mucho kinderachtig. Pero e cliente semper no mester ta rei? Pakiko ta hacie asina dificil pa e cliente? E oranan largo cu bo tin cu tin pa habri un cuenta di banko. E filanan largo na e departamento di belasting ora bo tin mester di gobierno. Nos mester papia diferente, gobierno tin mester di nos. Pero ta concentra riba e cliente i informa of facilita e cliente ta bai un poko leu. Awor nos sa cu nos por presta caha di plastico bashi i e biaha siguiente nos por entrega esakinan banda di boternan bashi.

Busca un solushon pa e problema. Prome cu tur, por bende e caha berde di cerbes den tiendanan cu e cerbes. Bo mester empaketa e caha bon pa preveni robo. Bo por recicla e caha i no ta masha amigabel cu medio ambiente pa usa caha di carton. Mi sa tambe cu e empresa aki lo mester produci hopi caha di plastico i no sa si bo clientenan lo haña e statiegeld di un florin bek. Pero lo ta menos tempo i trabou. Bo no mester kibra e caha di carton un biaha i drenta den un contenedor. Tambe no mester drenta boternan bashi den caha di plastico. Si e ta bai lihe, informa e cliente cla pa evita momentonan frustrante. Pa e empresa, pero tambe pa e cliente cu mester sinti manera rei, manera un turista na Aruba.