Mega pint of biña cora!

Despues di mas cu seis siman, finalmente ayera a yega un fin na e caso entre Amber Heard i Johnny Depp. E dos actor aki tabata casa entre 2015 i 2017, pero na 2016 Amber a pidi un divorcio. Segun dje, Johnny Depp a comete violensia domestico. Ambos a keda den corte pa difamacion i despues di hopi interogashon di diferente hende, un jurado di shete hende mester a duna un fallo. Pa demostra apoyo durante e proseso, tabatin hopi hende ku tabata pa Johnny òf pa Amber. Tur cos tabata wordo transmiti en vivo rond mundo i mionen di hende no kier a perde esaki. Berdad un spectaculo, cu siciera por tuma luga di e manera aki na Merca. Ayera finalmente a duna sentencia. Johnny mester a paga Amber dos mion dólar. Amber mester a paga Johnny 15 mion dólar. Johnny a bai cu e gana. Awor Johnny Depp siguramente lo bebe un "mega pinta di biña cora" pa celebra e victoria aki."

Pa ken bo ta? Of miho bisa, pa ken bo tabata? Pa Amber òf Johnny? Si, kon un pregunta. Mi a para un ratu riba e pregunta aki. Mi realmente no por a scohe. Naturalmente lo mi bisa, manera hopi hende, pa Johnny. Algo cu a wordo acusa pa su ex-muhe di cosnan cu despues a sali cu no tabata cla. Pa medio di e mentira sospechoso cu Amber a conta, e tabata wordo burla algun biaha. Si esaki ta husto of su propio falta, pa mi ta dificil di bisa. Talbes tin algu robes cu dje i e mes no por hasi nada. Pa e victimanan feminino di violencia domestico si ta un derota. Mi no ke cu lo crese situashonnan caminda e muhernan aki mester defende nan mes ainda mas. Cu nan no lo tin e curashi pa esaki, pasobra hende no lo kere nan mas lihe.

Pero bon, Amber segun e jurado a menti varios biaha, asina e mes a hasi. Pero ademas Johnny tampoco no tabata semper un criatura di amor. Den mayoria caso, ta muhe a wordo mira como e victima. E homber ta mas fuerte fiscamente i ta wordo mira den mayoria caso como un machoman cu a trata e muhe di un manera teribel. Pero den algun momento por ta algo diferente. Pa bisa berdad, mi mes no a sigui e proseso di tur e simannan aki. Mi a haña algo di dje, pero mi mes no tabata cu esaki dia pa dia. I pa scohe pa Johnny òf Amber, mi mes realmente no por. Ken a gana entonses? Pa mi ta e dos abogado i e cadenanan di televicion. Nan seguramente a gana hopi plaka cu esaki.

Talbes mi a bai deliberadamente pa no mira e proceso aki, pasobra mi mes mester a pensa riba mi propio proceso di separashon cu dos abogado. Cua, segun mi punto di bista, no tabata nesesario. Nos por a yega na un solucion hunto i facil cu un abogado so. Lastima cu no a scohe pa esaki i cu e tabata mester bai asina. E proceso di separa ta bai brasa e karakter negativo di algo. Loke por a wordo solushona facil i lihe, a bira un periodo di tira i tira bek i sin fin di e-mail caminda no a yega na un solushon final. E importansia pa solushona esaki di un manera husto i rasonabel no tabata mas den e cuadro. Awor a scohe pa saca cantidad maximo di placa i no paga bek den e situashon aki. Finalmente mi no tabatin gana pa esaki mas. Aparentemente mi a perde. Na un momento tabata mas inteligente pa tira e tualete mes den e ring. Mi tabata ser bisa cu si algo ta risibi di un manera robes, e no lo ta felis cuné i lo perde mesora. I cu e pensamento aki mi sa cu mi no mester preocupa i cu semper e berdad lo sali pa otro. Se cu mi a maneha semper cu dignidad i consenshi.

Naturalmente un abogado semper ta busca e manera miho pa gana un caso, pero esaki ta pone di nan riba honestidad? Na algun abogado nan esei si ta e caso. Justicia, berdad i honestidad no ta importante i nan ta hasi tur posibel pa logra nan rason. No, son e abogadonan cu semper ta gana na ambos banda. Nan ta trata pa prolonga e proseso pa mas tempo posibel pa haña mas placa. Pero tambe aki mi ta puntra mi mes. Na cua momento bo consenshi lo bira un factor? Sea cu ta asina, nan lo topa nan mes cu nan mes finalmente. I e berdad lo dal duru pa nan i nan lo tin cu presenta nan mes cu shame. Despues di tur e dolo, aki ta un futuro nobo pa mi. Lo mi sobra pa keda saca un bon boter di biña cu mi lo habri. Pone un glas grandi pa mi i un “mega pint di biña cora” pa mi mes. Bo ta suma tambe? Proost!!"