Logronan di landra sin precedente!

Maarten van der Weijden ta un landrador Hulandes. Probablemente nos ta conoci'le via e Weganan Olimpico di 2008. Despues di gana hopi medaya y un bataya di dos aña contra leukemia limfatico agudo, el a gana oro den e 10 km di landrado liber den Beijing. Na final di e Weganan Olimpico el a haya e honor di carga e bandera Hulandes durante e ceremonia.

Na final di e mesun aña Maarten a anuncia cu e lo stop di landra. Asina el a bisa cu e ciclo a caba y cu el a mustra loke ta posibel despues di cancer. Sin embargo, el a sigui lucha contra cancer y a nada e IJsselmeer y a recauda 20.000 euro pa KWF Kankerbestrijding. Den 2018 el a bat e record mundial di landramento den Amsterdam, despues di un intento den 2017, door di nada 102.8 km den 24 ora. Despues di esaki el a nada 12 ora mas pa entrena pa augustus 2018.

24 juni 2019, Hulanda

E ultimo Elfstedentocht a tuma luga na 4 di januari 1997. Mi por recorda e mainta friu di diasabra ainda. Mi a lanta tempran hunto cu mi tata pa mira e evento aki via television cu chocolate caliente. Te ainda mi tata ta conta cu orguyo cu el a cumpra un moneda special di e 15e Elfstedentocht e tempo ey y despues di hopi peticion pa bende'le, el a logra conserv'e ainda bon. E Elfstedentocht no por tuma luga mas. Maarten lo kier completa e tocht aki dor di landra pa un bon causa. Su prome intento a fracasa, pero riba 24 di juni 2019 el a bira e prome persona cu a nada e Elfstedentocht di aproximadamente 200 km den 75 ora. El a recauda mas di 6.1 miyon euro pa investigacion contra cancer.

7 augustus 1988, Aruba

Roly Bisslik, un landrador Arubano, cu nos ta conoci aki na Aruba como e prome landrador cu a nada for di Venezuela pa Aruba. E dia cu e logro aki di Roly Bisslik a tuma luga, mi tabata ocho aña. Mi tabata de vacacion na Aruba y mi tio y tata a sali mainta tempran cu un boto special pa yuda Roly Bisslik. Un boto cu no por a falta di cuminda y bebida. Un distancia di 30 km, cu el a nada den diez ora, pa recauda placa pa por cumpra un tereno pa por construi un piscina olimpico na Aruba. Finalmente e piscina a yega y ta yama "Piscina Olimpico Roly Bisslik" na Savaneta.

11 november 2018, Aruba

Davy Bisslik, Romar Arendsz, Wendy Kock-Croes, Stephan Thijsen, Deaxo Croes, cinco landrado Arubano di Club di Aruba Dolpins, kende a nada e mesun ruta cu Roly Bisslik, for di Venezuela pa Aruba den un biaha di 10 ora i 20 minute i 12 seconde. Roly Bisslik a entrena e cinco landradonan aki i via nan campaña "Crossing for hope" nan a logra reuni fondonan pa Fondo Contra Cancer Reina Wilhelmina na Aruba. Aki tambe a demostra un biaha mas cu si bo kere den bo mes, si bo ta pashene i determina, bo por logra tur cos.

1 oktober 2022, Aruba

E dia di siman pasa, despues di hopi preparacion cu a tuma luga desde 2020, Deaxo Croes a drenta su evento di open water "Punta pa Punta", caminda el a landra for di Arashi Beach contra coriente pa Baby Beach. El a cuminsa banda di 2:30 di mainta i el a haya guia di hendenan riba kajak i boto. Cu autonan cu a toca i spetadonan entusiasma, Deaxo a yega, despues di aproksimadamente 13 ora, canto di laman. E distancia tabata 38.1 km. Danki na e laman halto i e biento, esaki ya ta un logro grandi, pero el ainda no ta satisfecho. E logro aki tabata un preparacion pa su siguiente meta di 19 di november 2022.

19 di november 2022, Bonaire

Deaxo Croes lo bai landra un ruta di aproksimadamente 53 km di Bonaire pa Curaçao mainta tempran. Un biahe di, segun spera, 16 ora. Un grupo lo guiaé den e biahe aki door di landra hunto cu ne. Un evento di open water caminda Deaxo Croes ta tratando di reuni fondonan pa Fondo Cancer Bonaire, Fundashon Prevenshon Curaçao i Fundacion CORESA (Colorectal Screening Aruba) via su fundashon "Crossing for prevention". Un donashon por wordo duna via e website www.crossingforprevention.com. Ta masha emoshonante i hopi hende ta spera e evento aki cu entusiasmo. Laga nos spera cu e evento di 19 di november lo trese mas conciencia i tambe sigur mas donashon den tempu dificil. Quizás e evento aki lo ta un preparacion pa un siguiente meta, pa nada for di Curaçao pa Aruba, un ruta di aproksimadamente 62 km. Esaki no lo sorprende mi.

Cada biaha e ser humano, manera e personanan manera Maarten van der Weijden, Roly Bisslik y Deaxo Croes, ta trata di haci e imposible realidad door di tuma desafionan y pone nan mes na servicio di un causa bon. Nos mester keda aprecia e logronan aki. Solamente por papia cu hopi comprension y admiracion riba e tema aki. Talbes algun dia lo sali un moneda special pa e causa aki, cu mi tata lo cumpra y conta nos tur orguyosamente riba dje.

Cu bo, manera e personanan aki, lo sigui kere den bo mes, lo tin pasion den loke bo ta excelente aden y lo keda determina pa logra bo meta final. Cu bo por laga algo atras den e forma aki y inspira e generacionnan siguiente door di mustra nan cu bo por logra tur cos si bo ta kere den bo mes.