Lo bo ta presente e próximo biaha?

Siman 47 di aña 2021. Tabata un siman ocupa y productivo, unda hopi cos a sosode. Lo e ta e siman unda finalmente gobierno ta wordo jega pa e desaroyonan den enseñansa? Lo ta e momento pa mehoracionnan pa tur studiante y tambe pa tur docente?

Riba diahuebs 11 di november e prome reunion di Simar a tuma luga. Tabata tin alrededor di 50 persona presente. Comienso di siman, riba diadomingo 22 di november, tur docente a wordo yama pa e sindicato di docentenan pa un di dos reunion. E reunion a cuminsa 8:00 di mainta. Na comienso di e reunion no tabatin hopi hende, pero tabata bon pa mira cu tabata bira mas y mas yen. Nos a wordo informa cu mas cu 700 docente a tuma e yamada na cuenta. Algun di nan mester a para dilanti pa e multitud. Sperando cu nan a tende tur loke a wordo discuti.

Asina ta, tabatin un gran asistencia y esaki a confirma mi cu hopi docente ta preocupa manera mi cu e desaroyo den enseñansa. Awor mes algo mester pasa. No por sigui asina. Riba e dia aki hopi a papia tocante di e 12.6% di e salario, cu nos mester a paga for di mei 2020 y cu lo keda asina te ora cu tin un otro aviso. Na mes momento tabatin un otro reunion cu e ministro-presidente. Tabata un forma pa trabou e reunion di Simar? Of tabata un coincidencia?

Tur hende por a expresa nan preocupacion como docente y tur hende tabata di acuerdo. Te ora cu a wordo puntra si lo no ta un bon idea pa bai for di edificio di Simar pa bestuurkantoor, pa protesta cu un gran cantidad di hende y asina por mustra nos descontento. A surgi desacuerdo tocante di tuma accion mesora. Ta posible cu esaki ta loke gobierno kier? Cu door di nos divicion nan por keda goberna? Segun Simar e dia ey no tabata e intencion pa bai mesora pa bestuurkantoor. Nos a promete cu tur hende lo ta na scol na ora. Nos no por a haci esaki na e mayornan pero tampoco na e studiantenan. Despues si e por a bira un posibilidad, si no tabata papia hopi largo y tuma accion mesora pa bai. Pero talbes nos no por a cumpli cu nos promesa di ta na scol na ora. Nos lo a wordo poni den un luz negativo pa e mayornan y gobierno pasobra nos lo a actua incorectamente. Pero un comienso a wordo haci y cu e cantidad grandi aki gobierno mester realisa cu un grupo grandi di maestronan ta di opinion cu no por sigui asina. Nan ta pidiendo accion! Pero con? Con nos ta sigui?

Simar a informa nos diadomingo cu nos lo reuni atrobe dia 24 di november for di 17:00 pa 19:00. Esaki lo tuma luga na Frans Figaroa Station hunto cu otro sindicatonan (ALVAST, SCCA, IOWUA, UEA, S.T.T, OPPA, S.I.W.A, S.P.A, FTS, SABA y S.E.P.P.A). Diahuebs 25 di november, for di 15:00, e sindicatonan lo camin'e for di Boy Ecury Park, na Juliana School na Oranjestad, pa bestuurkantoor pa entrega nan manifest na gobierno. Tur docente a wordo invita pa participa.

Despues di e reunion di dialuna 22 di november, hopi docente tabata di opinion cu e asistencia di diamars y diaranson lo ta hopi menos. E docenten ta opinion cu hopi docente despues di 15:00 tin compromisonan cu nan no por cancela. Nan kier, pero helas nan no por. Talvez esaki por ta asina. Pero ta esaki no ta un tiki demasiado comodo? Cada lucha tin su sacrificio. Naturalmente tur hende despues di trabou tin nan compromisonan. Hopi hende ta pensa cu den enseñansa e docentenan ta traha mei dia. Pero realmente ta frecuente pa docentenan despues di nan oranan regular di scol tambe bai cas cu trabou. Como cu e manifestacion no lo tuma luga durante oranan di les, gobierno no por nada contra esaki. Lo gobierno finalmente comprende e seriedad di e problema? Of nos como docenten mester sali na caya durante oranan di les? Nos como docenten mester ta consciente di e hecho cu un dia sin salario lo ta menos malo cu e 12,6% te na mas aviso.

E menahe prome pa diaweps i dialuna tabata trankilamente un poko mas chikito, pero esaki no tabata menos importante. Dialuna e asistensia tabata sufisiente pa hasi un posishon. Na edificio di parlamento, prome nan a toca himno di Aruba na un forma solemne. Loke a sobresali pa mi ta cu tur hende, menos un gran parti di polis, a kita nan sombreronan. Pakico no? E polis no ta pa e pueblo? E polis no ta un parti di Aruba? Of ta asina cu na e forma aki ta cita simpatia pa e manifestantenan, loke ta contraproducente? Personalmente mi lo a spera un tiki mas di respet pa e himno.

Despues a papia cu algun miembro di parlamento na ofisina di parlamento. For di aki e menahe a sigui bay oficina di gobierno unda a entrega un manifest na e minister presidente y e minister di enseñansa, na nomber di sindicato di docentenan. Den e manifest aki nan a representa e puntonan di salida y di bista di enseñansa. Loke a sobresali pa mi ta cu den e manifest aki e mucha cu ta studia ta central. Aki nan no a enfoca riba e 12,6% y esey segun mi ta un bon movida. Naturalmente nos salario ta importante. Pero e seriedad di tur e recortenan no ta solamente nos salario. Justamente e hopi problemanan den enseñansa, ta igualmente importante y merece atencion tambe. Enseñansa ta e fundeshi di nos economia y futuro di nos muchanan. Talvez nos no lo mira esaki awor mes, pero si nos sigui asina nos lo sinti esaki despues di algun aña pa henter Aruba. Nos lo ta obliga pa sigui traha hende y conocemento for di exterior. Ken lo goberna nos?

Den enseñansa tin hopi problema ora ta trata e aspecto sosial-pedagogico. Problemanan cu concentracion, comportacion, emocion, salud mental y aspectonan socio-economico caminda muchanan no ta capaz di ricibi un bon enseñansa. Docentenan no semper tin e espacio, tempo y den algun caso no e experticio pa trata e problema aki. Y ainda asina gobierno kier corta mas den docentenan remedial of guia interno. Tambe caba tin hopi problemanan cu material y infrastructura bieuw. No tin suficiente material pa por duna un les completo y efectivo. Sillonnan di scol ta kibra na algun scol y na algun scol higiena ta un problema. Y tur biaha gobierno ta bisa cu no tin placa pa esaki tambe. Ademas di nos muchanan, awor nos kier un trato husto y respetuoso. E minister presidente y minister di enseñansa mester traha riba esaki. Despues a entrega un manifest tambe na minister presidente na nomber di otro sindicatonan presente y a toca himno otra biaha.

Ta na gobierno pa dicidi awor. E tema aki lo wordo discuti den ministerio. Kico lo ta e resultado di esaki? Lo nos por ta satisfecho cu esaki? Of nos mester laga nos trabou bandona durante ora di scol? Nos a mira awor cu sigur por spera un asistensia mas halto promé cu 3or. Cu esaki den mente, lo bo ta presente atrobe e siguiente biaha?