E trein di bida

E trein di bida ta sigui su caminda. Kada dia, bo ta wordo hinca den e actividad nan di dia y obligacion unda bo no por scapa di nan. Ta solamente pa un ratu chikito cu e trein para y bo mester warda un rato riba e platform prome cu e sigui su caminda atrobe. Bo no ta haya chens pa para un rato den bida y refleha ora bo mester.

Bida no ta semper facil. Ora e trein para, bo por puntra bo mes si e caminda di e trein den bida ta sigui. Ki ora e destino ta dirigi bo bida? Ki ora e momento desagradabel, ademas di e momento agradabel, ta bay sosode? E mester a sosode asina simplemente? Bo no tin ningun influencia aki? Of bo tin influencia? Ta e lesnan den bida cu mester duna mas aclara na algun momento?

Den e momento nan pisa di bida bo ta perde hopi cos. Cu e material insignificante, manera placa y cos, bo por perde bo mes tambe. Bo no ta segur y na momento determina bo no por pensa bon. Bo ta prefera di distancia bo mes di otro, pasobra ken bo por tin confiansa of bo ta kere ainda den e mundo aki? Bondad di hende ta dificil di topa. Por ta dor di bo mes? Of dor cu bo no sa con e mundo ta bira? Despues ta parce manera bo a hasi tur cos fout of bo a mira tur cos fout. Ta parce manera si algun hende ta desea bo morto y kier ignora of evita kada contacto cu bo ser querido. Esaki ta hasi bo tristo. Bo ta puntra bo mes si berdad tur cos a cuminsa dor di bo.

E momento di refleha no ta existi. E trein ta sigui su caminda. Algun momento no ta compronde tur bo accion, pero bo mester sigui pa dilanti. Buscando e bon caminda di bida. Con dificil ta pa lubida tur e momento nan bunita y agradabel. Con dificil e ta cu e momento nan bunita y bo atencion personal pa otro no tabata tin balor ni importancia. Cu aki bo ta haña cu e por tabata e ordo di bida.

Algun momento bo ta pensa cu bo por mira e luz di bida leu na e distancia. E luz cu bo ta mira ta bin mas serka dilanti cu ta move rapidamente. Lamentablemente, dor di e perdida di un ser querido of un otro momento desagradabel, e luz aki a keda leu na horizonte y bo mester sigui biba. Unda e falta ta grandi.

Un periodo di ambiente a cuminsa di nobo. Sinterklaas, dianan di pascu y aña nobo. Un luna yen di amor y momento nan agradabel pa fiesta hunto cu tur bo ser querido. Bo por fiesta e dianan aki? Of lo ta mas un momento di refleha y pensa riba e momento nan bunita? Tene careño e momento nan agradabel cu bo ainda por tin den e luna aki. Bo no mester haci gran cos, semper cu bo ta buska e momento nan caminda bo por disfruta hunto y refleha.

Bo por tin un momento pa refleha. Prome cu e trein ta bay, bo pensamento ta bay na e pregunta si nos bida ta stipula. Y con esaki lo sinti? Tur esaki mester a sosode? Pero pakiko? Cu e experencia y e recuperacion, cu ainda no ta caba, bo ta nota cu bo ta cominsa reconoce bo mes poco poco. Kita for di hende no ta un bon idea, sigur no si esaki no ta coreponde cu bo personalidad. Bo mester sigui duna atencion na otro, con dificil esey por ta. Simplemente no por biba sin otro. Aunke nan a hasi hopi malo na bo confiansa. Con facil esey ta? Den un tempo unda e trein no ta duna un momento di recreo. Ta asina nos mester sigui bida? Lo e destino ta guia bo bida? E spoor di trein den bo bida ya ta stipula? Ta e lesnan den bida cu mester clarifica algun momento? Pakiko bo mester pasa tur esaki? Y con bo mester sigui pa dilanti? Ta sigui busca contesta, na unda segur lo bo hanja e contesta na un bon momento. Dios lo sa con, pakiko y na cua manera!

Y esey ta bida. Bida aparentemente ta stipula y nos ta siña di tur cos cu ta bin riba nos caminda. Dor di esey nos ta bira cada biaha “mas sabi” y nos ta siña maneha e situacion nan. Bo ta desaroya mas intuicion y reflexion personal caminda angel di proteccion lo yuda bo. Bida ta un test... bo mester expresa esaki bo mes. Y cada biaha bo ta purba hasi miho. Te ora cu bo meta di bida a logra.