E slice di bida

Den "Slice of Life", e nomber di e boto di Dexter Morgan. Un nomber como palabra scherpi pa su bida diario como asesino di serie. Un hende cu den e serie di televishon Americano desde 2006 ta ricibi solamente respet y fama pa su actonan caminda e ta enfoca principalmente riba e malechornan. Un homber cu no ta kere den un religión en particular, pero den su propio principionan. E sunu frio y vacio, pero e tin su propio reglanan con e kier biba y con e mester comporta pa no yega den problema. P'esey e no tin necesidad di un religión.

Prome su bida tabata trata riba dje, pero despues di busca un scol di pre-school pa su yiu Harrison, e cuminsa cuestiona e fe Katholico. E tabatin un tiki problema cu tur e imagennan Katholico den y rond di e scol aki, pero segun su colega Angel Batista, tabata trata aki di lesa e catecismo, un lista di e enseñansa di e iglesia Katholico. Segun Batista, Dios a duna cada un di nos un caracteristica poderoso pa bondat moral. Fe ta un forma di con bo ta sinti y ta dificil pa splica den palabra. Segun Dexter, e tabata keda di pensa cu ta totalmente estupida pa kere den algo cu no por wordo splica.

Ta nos religion ta sincero cu nos actonan y comportacion? Cu nos ta actua den e manera corecto debi na nos religion? Un religion cu nos a scoge of simplemente a wordo duna na nos pa nos mayornan? Of nos no ta duna valor mas na religion y ta kere den otro cosnan cu ta lleva nos probablemente pa un caminda robes? Nos ta scoge nos propio manera di biba cu nos propio normanan y balornan cu nos a desaroya den transcurso di añanan? Hopi di nos aparentemente no ta duna importancia mas na un religion Cristian manera Katolicismo, Protestantismo of un otro forma di religion.

Den e corant Diario dia 25 di October 2010, e comunidad Katolico na Aruba a baha for di 84% pa 64%. Na 2000 tabata 80,8%. Asina Censo, un parti di CBS a duna a conoce esaki via un censo. Cada 10 aña nan ta tene esaki y ta confirma esaki via un anuncio.

Na Aruba, loke ta sali manera champiñon for di tera, ademas di e puntanan di benta di loteria, ta e diferente religionnan Cristian. Religionnan cu tin un enseñanza modera of asta mucho mas estricto, di cual mi mes no sa mucho. Mi ta teme cu algun di nan ta parecido na cierto secta y aki e fe den Dios ta wordo obscureci pa poder y interes propio di hendenan cu ta kere den esaki. Naturalmente, esaki ta keda na mi opinion.

Den mi opinion tin un gran diferencia entre religión y fe y nos mester separa e dos cosnan aki. Religion pa mi ta e diferente religionnan cu nos conoce, manera Katolicismo, Protestantismo, Islam, Judaísmo, etc. Fe ta separa di religión pa mi y ta mas toca e relashon cu Dios y e forma corecto cu bo ta actua den bo bida.

Den e corant di 2010, pastor Szpila a duna diferente motibo pa cual hende no ta duna hopi balor na Katolicismo. E prome motibo ta gran parti debi na e scandal mundano cu ta reina rond di Katolicismo, tocante pedofilia. Esaki ta un motibo pa baha for di e religion aki. E di dos motibo ta bin di Hulanda y ta expande pa otro paisnan Europeo. Tempo cu e religion aki tabata grandi y respeta, e forma di pensa a cambia y ta laga lugar pa frieza y poco balornan moral. E factornan aki ta causa cu esaki ta dal over na e diferente islanan den Reino, cu ta spera hopi di Hulanda. Hopi hoben bou di nos ta bay studia Hulanda y despues di a studia un cantidad di aña nan mentalidad ta cambia. Ora nan bolbe bek pa e isla nan ta bin cu otro normanan y balornan, cu no a wordo duna na nan pa medio di nan educacion di nan mayornan of cuidadornan. E di tres motibo ta tocante amor pa materialismo. Awendia hopi biaha tur cos ta draai rond di cosnan materialista, cu hopi biaha ta wordo causa pa propaganda riba television.

Si nos ta kere internet, e comunidad Katólico na 2022 ta awor 75.3 porciento. Si esaki ta berdad mes no por wordo confirma. Desafortunadamente no a haya e resultado di 2020 di Censo aki. Pero por bisa cu e ultimo trinta aña e cantidad di divorcio so a subi. Awendia den diez aña, e mitad di e matrimonionan ta termina den un divorcio.

Sin embargo, e comunidad Arubano ta ainda estrechamente relaciona cu Katolicismo. Ta simplemente un apariencia fingi y resulta cu ta un costumber di nos? Cu e ta un parti di nos identidad cultural, pero nos no ta actuando na momentonan? Nos ta bai iglesia tur Domingo, nos ta comporta nos mes manera nos ta santo, pero pa hopi nos careta verdadero pa ken nos ta ta keda escondi. Naturalmente tur hende ta comete falta y ningun hende ta santo. Mi no kier bisa cu mi sa miho aki. Tambe mi tin preguntanan cu ainda mi no tin contesta.

Si mi por uza mi mes como ehempel, mi a crece cu Katolicismo. Durante bida na Hulanda, nos lo bai iglesia algun momento Domingo. Specialmente durante mi estudio pa maestro di Historia, mi tabata interesa y mi no a mira bai iglesia como un castigo. Sinembargo, Katolicismo no a hunga un rol specifico. Pero esaki a cambia ora mi a mudami pa Aruba. Aki mi a conoce Katolicismo miho y a bira un parti special y importante, unda mi tabatin hopi respect pa dje. Independientemente di e condicionnan malo den e iglesia aki, cu ciertamente no ta hustificabel.

Mi ta haci un kruis ora mi ta reza y ainda mi ta carga mi rosario y mi ta haci esaki pa respeta mi mayornan. Nan a duna mi e religion aki, pero awendia ainda mi tin hopi duda tocante e religión aki. Esaki ta debi na e hendenan cu mi a conoce na Aruba y cu a brinda mi un "extra" fe den Dios. Nan a haci e religion aki nan mes, pero despues di aña mi a descubri cu nan no ta biba segun e forma manera nos mester biba segun e Bijbel. Mi no mag oordeel, pero e ta algo cu mi no por pasa hala. Apparentemente ta normal pa casa den cas di Dios y despues di esey ainda bo por ta infiel na bo pareha. Tabata mi na e momento ey naif pa pensa cu nos a haci un promesa consciente na Dios pa semper sostene otro y ta pa semper pa otro? Den bon y malo momento yuda otro, sin mester ta infiel? Y cu hunto nos ta desea mantene e balornan y normanan di nos fe y nunca kier separa di dje? Of tabata tur cos sincero na e momento ey, pero despues busca un bida soltero atrobe pa casa?

Un parti di grupo ta casa pa motibo di un tradishon pa iglesia i consientemente ta scohe pa un bida nobo. Consientemente nan ta tuma nan bida bieuw bek i no ta duna balor na e promesa cu nan a hasi Dios. Pa algun, divorcio no ta un opcion. No pasobra nan no kier pa Dios, pero nan mes lo no kier keda soltero. Pero e pregunta aki ta bini den mi mente: "Bo serio ta felis?"

Mi ainda kere den un Dios. Un poder superior cu finalmente lo hasi husticia. Si esaki ta den e mundo aki of despues di nos morto. Hopi ta uza Dios pa cosnan robes i pensa cu pa medio di hopi tradishon i custumbernan cultural nan ta riba e rumbo corecto. Asina nan ta perde totalmente e rumbo.

Ta den nos natura humano cu nos mester kere den algo. Nos tur kier pa nos bida tin un meta. Mas bieuw nos ta bira, mas duru nos ta buska esaki. Mayor parti ora ta dificil pa haña esaki. Algun ta buska esaki den forma robes. Tur hende tin un libertad di scohe na nan mesun rumbo. Algun biaha e rumbo ta cla i algun biaha no ta asina. Cada bes ora bo rumbo ta bai den un direccion diferente, ta un desafio pa haña e rumbo corecto. I si nos bida no tin un meta, loke nos ta laga pa e hendenan cu nos ta stima tanto? Loke nos kier duna pa otro? Kiko di nos bida "The Slice of life" nos kier duna positivo pa otro? Talbes esaki ta duna nos pensamento.