E pueblo Hulandes a scohe!

Dia 8 di september mi a ricibi un mail pa por vota den e eleccion di Tweede Kamer na Hulanda, cu a tuma luga dia 22 di november. Na Aruba mi a vota prome pa Hulanda y mi a ricibi un invitacion dor cu mi tawata registra. Asina mi por a vota pa november na e Representacion Hulandes na L.G. Smith Boulevard 44 na Oranjestad, Aruba. Desde un tempo mi ta trata di sigui noticia politico di Hulanda. Kiko mi ke scohe pa vota e biaha aki? Ken ta merece mi voto awor?

Segun mi opinion, den e ultimo añanan, e pueblo Hulandes y e politica na Den Haag tin asina distancia cu e confiansa den e politica entre e hendenan tawata tristemente keda hopi abominabel. For di 2010, Mark Rutte di VVD a bira e minister-president nobo. Diesun anja despues, dia 7 di juli 2021, kabinet-Rutte III a mester a retira despues di e escandalonan di toeslag. Pero mesun partidonan a haya e oportunidad pa purba bek den un kabinet-Rutte IV nobo. Laga aden e crisis di corona, escandalonan di toeslag, problema di gas na Groningen, crisis di stikstof, skasez di kas, problema den e immigracion, hopi bezuinigingen y cambio den cuide, e kabinèt a kai dor di maneho di azilo. Despues di diestres aña cu Mark Rutte tawata na poder, e pueblo tawata anhela un cambio. E confiansa entre y pueblo mester a wordo restora.

Awendia tin politico nan cu ta crea un manera cu nan ta solamente na poder cu ta mira nan agenda so y nan mes un cartera propio. Nan no ta mira nada mas na e interes di e pueblo. E Hulandes lo rebeldia y lo no acepta esaki mas. Politica mester tuma responsabilidad atrobe y mester presente su mes pa e pueblo.

Na 1964, mi tata a bai Hulanda na e edas di 24 aña. Na e momento cu mi por a vota, mi a scohe Partido di e Trahado (PVDA), manera tambe mi tata a scohe. For di e momento cu mi a desaroya interes den politica, mi a bira simpatisante di Groen Links, bou liderasgo di Paul Rosenmöller. Por ta cu mi tawata den tempo di mi studio, algun aña despues mi a scohe pa Partido Socialista (SP), bou liderasgo di Jan Marijnissen y despues di Emile Roemer. Mi tata a keda vota pa PVDA te ora Pim Fortuyn a drenta den escena. Te su mudansa pa Aruba na 2021, mi tata a mira Hulanda cambia mas y mas, manera el a bisa, na manera negativo. Politica tawata y keda mucho leu for di e hendenan normal. Mi mes tambe tin e mesun opinion cu ne.

Tempo pasa gobierno tawata un sirbidor pa e pueblo. Hende tawata sostene e pueblo y yuda na logra nan speransa y meta. Awor, gobierno Hulandes, pero sigur tambe na Aruba, ta para hopi leu for di e pueblo y nan ta hasi cosnan cu hende normal no por compronde. Y niun hende por bringa cambio aki lihe. Simplemente tin falta di bista largo y nan ta traha politica cu no ta conforma cu e deseonan di e pueblo. Sigur, ta pa esnan cu ta asenti cu tur cos y ta fiel na e gobierno.

E problema ta riba gobierno, caminda e pueblo ta keda pasivo. Bo ta tende storianan di gobierno/orden establece/funcionarionan manera polis cu "supuestamente" ta horta, trafica droga, hit and run den trafico despues di bebe, y ainda nan ta logra scapa pa esaki! Ora un partido ta na poder, ta resulta cu tur cos ta posibel den e Partido y nan ta hustifica tur cos. Y si bo como hende normal a hasi algo malo, bo ta e persona cu mester wordo castiga duro. Unda ta e estado di derechi caminda nos semper tawata asina orguyoso di dje? Unda ta e derechonan y debernan igual cu ta valido pa tur hende? E situacion aki no lo cambia asina lihe. Te ora lo surgi un momento caminda e pueblo lo papia contra e gobierno. Derecho lo triunfa eventualmente den tur caso. Esei tambe mi no tin miedo di dje. Gobierno mester respeta e pueblo atrobe y yuda e lo mehor cu ta posibel.

Confiansa mester bolbe back den politica. E mentalidad di gobierno, pero tambe segur esnan di pueblo, mester cambia. E politico mester mustra cu e ta tras di e pueblo y cu e lo sirbi henter e pueblo manera gobierno semper mester hasi. Pieter Omtzigt, cu su parti nobo NSC (Nieuw Sociaal Contact), a demostra esaki pa mi dor di trece na cla e scandal di toeslag. Pa keda sostene e pueblo di e manera aki y lucha contra e fayonan cu gobierno y tuma su responsabilidad.

For di dialuna 13 di november por a vota na Aruba pa e eleccion di Tweede Kamer na Hulanda. Aunke mi ta biba na Aruba, mi a duna mi voto diaweps 16 di november na Representacion Hulandes. Den fin di cuenta, e votador a papia diaweps 22 di november. Por ta dor miedo pa un reaccion negativo pa vota pa PVV, e resultadonan tawata un sorpresa pa hopi. Algun tawata schrik di e resultadonan. Algun a mira esaki como un triunfo! PVV a subi di 17 asiento pa 37 asiento y awor ta e partido mas grandi di Hulanda. E motibonan pa scohe pa PVV tawata definitivamente pa 80 porciento contra immigracion, 75 porciento pa cambio den cuido di salud y 75 porciento pa e casto di bida cu ta mucho halto. Geert Wilders ta opta pa un forma modera y awor tambe kier clarifica cu e kier ta un primer minister pa tur hende, no importa di unda bo bin of kiko bo religion bo ta. Tin hende cu ta desea cu rei Willem-Alexander mester retira su disculpa pa pasado di esclavitud y su disculpa pa Indonesia. Con pa sigui? Con e futuro di Hulanda lo ta? Con mi tata lo ta sinti awor, si ainda e tawata na bida? Tambe e no a spera e triunfo aki. Of si? Mi tawatin gana di tende su reaccion riba esaki.