E fin ainda no ta na bista!

For di 7 di oktober, e dia cu, mainta tempran un atake a ser cometi dor di Hamas contra Israël, mi mester tabata pensa tur dia un rato riba un les di mi maestro di religion di tempo pasa. Esaki tabata durante mi estudio di Informatica cu mi a sigui, entre 1998 y 2003, na Scutos College na Utrecht.

No tur les di religion a keda den mi pensamento, pero e les aki a keda pega den mi memoria te awe. Un les di segur 23 aña pasa. Mi no sa pakiko e maestro a cuminsa cu e les aki, pero probablemente tabata un noticia cu a sosode cu el a hanja importante pa papia tocante e conflckto entre Israël y Palestino den Gaza na e momento aya.

Asina e maestro a conta nos loke tabata den e bijbel. Cu tambe e bijbel ta papia tocante e conflicto entre Israël y Palestino y loke lo sucede den futuro. Ambos Israël y Palestino ta pretende e tera pasobra nan ta descendiente di Abraham. Dios supuestamente a duna nan e tera segun un promesa duna na Abraham y su disidente (Genesis 17:8 - "I lo duna bo y bo desendencia e tera di bo estranheria henter, e tera Kanaän completo, como posesion eterno; y Mi lo ta nan Dios.")"

Pero ken awor ta pertenece e tera aki? Nos por bisa cu si Abraham y su esposa Sara a tin confiansa den e promesa di Dios, cu nan lo hanja un yiu di nomber Isaak na edad halto, e conflicto aki no a cuminsa. Abraham a keda influencia pa e plan di su esposa y nan a bai hunto cu un sirbiente yama Hagar y nan a hanja un yiu prome na nomber di Ismaël (Genesis 16:1-6). Despues Sara y Hagar a keda rabia cu otro unda Hagar y su yiu a mester hui. Finalmente, tambe Ismaël lo hanja un disidente abundante.

E maestro di religion a bisa nos cu lo tin un tempo caminda e pueblo na Gaza lo ser destera, pa nan no tin caminda mas pa bay y finalmente nan lo ser destera te den Middellandse Zee. Ademas, e mundo tambe lo bira su lomba for di Israël y lo cuminsa un guerra di tur nacion contra Israël.

Diadomingo, 14 di oktober, e soldaat nan di Israël a informa cu nan lo no causa danjo na dos ruta importante cu ta bay pa zuid di Gaza. Mas cu 1,1 mion di hende na noord a hanja un oportunidad pa hui bay zuid den 24 ora. Algun ta scogi pa no bay, manera trahadonan di cuido, cu no kier laga nan patient nan. Pero tambe hende cu kier keda cu nan famia dor cu nan mes no por move.

Siman pasa, segun investigacion di Nacion Uni (UN) y Corte Internacional di Husticia, ta raporta cu banda di e dos parti nan a comete crimen di guera. Cu Hamas ta trata di asesinato di civilnan Israeliano. Cu Israël ta trata di corta electricidad, awa, y yudansa. Israël ta alega cu nan ta bombardia preisamente obhetonan na Gaza caminda Hamas ta sconde. Pero esaki ta dificil pa kere ora bo mes ta mira e imagenan, caminda barionan completo ta keda bombardia na suelo y specialmente muchanan inocente ta confronta cu morto den nan wowo.

Hopi hende ta scohe un banda, pero mi mes preferi no scohe un banda aki. Y si mi mester scohe un banda, mi ta scohe e banda di tur victima. Victima cu ta keda afecta na tur banda. Pa tur civilnan cu ta biba den insiguridad y ta biba cu preocupacion tocante e destino di nan famianan cu Hamas ta teni captando. Pa tur civilnan cu mester abandona nan cas y no sa caminda nan por bay. Pa tur civilnan cu na tur banda ta den peliger y no sa con nan futuro lo sera na final. Kiko e futuro ta trese den caso aki? Si nos mester kere e maestro di religion di mas cu 23 aña pasa, lo tin mas momentonan preocupante cu lo sosode y fin di e conflicto aki tristemente ainda no ta den bista.