Dia di Rey na Aruba

Na Hulanda tur aña ta celebra Dia di Rey riba 27 di april, cu honor di e cumpleaños di rey di Hulanda. Esaki ta un dia yen di festividad y alegria. E aña aki Dia di Rey na Hulanda tawata na Rotterdam y nan a celebra den un manera extravagante. E rey a celebra e dia aki hunto cu su famia. No tur hende tabata contento cu esaki. Diez aña pasa, durante e inauguracion di e rey, 80 porciento di hulandes tawata pa e monarkia. Awor mas cu mitar di nan ta desea di mantene e sistema aki. Algun hende a protesta contra e rey y nan a mustra nan mal contento cu e dia aki, cu a costa cuater mion euro, tambe por a ser inverti den otro cos. Mi no a logra sigui Dia di Rey na Hulanda riba television completo pa motibo di e diferencia di seis ora. Pa mi e no tawata algo pa lanta trempan pa mira. Pero di e parti cu mi a mira, mi a wak cu e tawata un gran fiesta y hopi hende a gosa di e dia bunita aki.

Dia di Rey na Aruba ta cuminsa tempran mainta cu e tradicional di e 'aubade', unda nan ta toca e himno nacional. Despues di esaki, na algun lugar tin algun festividad chikito caminda algun hende ta bisti oranje y cora-blanco-azul, e kleur di bandera Hulandes. Ayera, algun Arubiano a ser reconosi y a risibi nan lintje meresi, cu a ser presenta pa Gobernador na nomber di e rey.

Mainta mi a hisa e bandera Hulandes y mi a Sali cu mi polo oranje. Mi a nota cu compara cu Dia di Himno y Bandera na 18 di maart, e dia aki no ta un fiesta extravagante. Pa motibo di seguridad di trafico, Aruba a remplasa hopi crusada den e ultimo añanan cu rotondes. Casi tur rotonde awor ta ser decora extra cu bandera Hulandes y/of bandera Arubiano. Tambe, algun cas a hisa bandera Hulandes cu of sin wimpel oranje. Pero e dia aki no tin hopi cos pa experencia.

E ta keda hopi bunita pa mira con e comunidad di Aruba ta brasa e dia aki na un nivel chikito como un festividad di e relacion cu Hulanda, apesar di e distancia geografico entre e dos paisnan. Ta un dia unda hende, sin importa nan origen of trasfondo, ta yega hunto pa disfruta di e festividad y tradicion. Na Super Food tabata tin un mercado, unda nan tabata bende diferente cos. Tambe por a cumpra e delicioso oliebol aki. No por perde e oportunidad aki. Na mi opinion, e miho oliebol di e isla.

E aña aki, nos a hisa e bandera Hulandes na cas. Nos a prepara oliebol pa algun famia y amigonan, y nos a disfruta di un sabroso barbecue hunto cu algun bon biña cora. Bo por nota cu Koningsdag no ta un celebracion grandi. Pa hopi hende e dia ta mas un dia cu bo ta liber y un dia pa pasa hunto cu famia y amigonan. Algun por wak Koningsdag na Aruba cu e no ta un beneficio concreto pa e isla. Pesey, e ta un pregunta si e celebracion di dia di Rey na Aruba tin relevancia.

E fiesta aki sigur ta beneficioso. E ta pa un miho relacion entre Hulanda y Aruba. Ta importante pa mantene e relacion pa asina por ta duradero. Pero ta un beneficio abstracto y nos no por traduci e beneficioso concreto pa e isla. Mesora, e celebracion di Dia di Rey por causa mas turismo, pero esaki ta un efecto temporal y no structural.

Ademas, por mira e Dia di Rey como un simbolo di e relacionnan colonial ainda presente entre Hulanda y Aruba. Ta un dia unda Hulanda como un pais grandi ta wordo celebra, mientras cu e cultura y historia di Aruba no ta mensiona. Esaki por causa sentimento di desigualdat y inhusticia den e poblacion Arubiano. Tambe e celebracion di Dia di Rey por wordo un evento cu lo por costa hopi. For di e gobierno ta wordo saca hopi placa pa organisa algun festividad nan aki, mientras e placa aki por wordo inverti den otro cosnan mas necesario manera educacion, cuido di salud y infrastructura.

Esaki no ta nifica cu dia di Rey na Aruba mester wordo aboli completo. Ta importante pa hasi e pregunta si e manera actual di fiesta ta relevante y si ta necesario pa duna mas espacio na cultura y historia di Aruba. Dia di Rey na Aruba ta un dia cu algun festividad nan, pero ta importante pa hasi e pregunta si e fiesta ainda ta relevante y kico e beneficio concreto ta pa e isla. Ta un dia pa un bon relacion entre Hulanda y Aruba. Cu e fiesta nos por conecta cu otro y conserva e conexion aki. Pero tambe pa wak con nos pro duna mas invulling pa dia di Rey na Aruba y con e fiesta por ta mas den liña cu e necesidad y prioridad nan di e comunidad di Aruba.