Bruheria

Despues di un tempo largo mi tawata pensando tocante bruheria. Casualmente siman pasa den media tambe tawatin atencion pa e tema aki, unda nan a duna e conseho pa tuma distancia di esaki. Bruheria ta un coleccion di brua, spantamento, engaño etc. cu misterio. Bruheria ta un fenomeno cu existi pa siglo largo y ta manifesta den tur cultura y comunidad. Tambe manera na Aruba, Boneiro, Corsou y e islanan ariba. Bruheria ta un pensamento cu no ta sostene pa nada di pruba of splicacion sientifico. Hopi biaha nan ta basa riba folklore of tradicion. Por ta hende ta kere cu esun cu ta usa deferente paña ta trese suerte, evita algun numeronan, of evita un pushi preto of crusa otro den caminda. E forma aki ta wordo mira como inocente.

Na Hulanda mi no tawata topa hopi bruharia y no tawata perde tempo den esaki. Mi no tawata kere den esaki y pa mi e tawata mas un asunto unda otro por a kere den dje. Manera e numeronan 13, mira un pushi preto y crusa bao di un trapi ta duna desgracia. Den mi hubentud mi tawata bai un scol Protestant/Cristiano y mi a ricibi, cu mi education Catolico na cas e splicacion di e diferente storianan di Bijbel. Tur diadomingo den anochi mi mester a siña un salmo, pasobra dialuna e prome ora den les, tawatin e posiblidad cu e maestro por a pidi bo pa bisa e salmo cu bo a siña. No tur ora e tawata un exito. Mi tawata hopi interesa den e storianan di Bijbel riba un edad hoben. Kisas esei ta un motibo extra dicon mi a studia historia.

Na Aruba mi a cuminsa e fe Catolico y e la bira mas importante den mi bida. Mi a duna hopi balor na dje. Cu esaki mi a tuma mi sacramento di confirmacion solamente banda di mi edad di 35 aña y tawata bai misa mas tanto cu na Hulanda. Algo cual mi no tabatin conose antes, ta cu prome cu cada misa bo tin e posibilidad pa, contra un pago chikito, dedica e misa na un persona of pa pidi ayudo of yudansa di un di e hoi santonan cu ta conoci den e credo Catolico.

Mi ta kere cu fe, religion y bruheria ta nifica total diferente. Pero na momentonan especifico e tres elementonan aki ta relaciona cu otro. Mi no tawatin idea di kiko tawata pasando na Aruba riba e tereno di bruheria. Esey tawata normaal door cu mi no tawara kere den bruheria y e tawata algo cual te keda scondi. Specialmente ora ta trata di bruheria mas scur.

Den añanan sesenta y setenta Pater Paul Brenneker y Elis Juliana a cuminsa collecta informacion y studia conseha riba historia, cultura y tradicionnan di Corsou, Aruba y Boneiro. Nan a skirbi un seri di buki bou di nomber: Sambumbu. Aki nan tambe a trata di bruheria. Nan a bisa cu bruheria ta biba mas riba Boneiro y Aruba cu na Corsou. Kiko por ta e splicacion pa esei? Den mi opinion no ta asina. Ta pensa cu na Corsou mester tabata mas bruheria, pasobra Corsou tin mas historia di sclavitud y esnan cu tawata biba aya a trese cu nan e ritualnan "special" for di Afrika.

Aki na Aruba tawatin mas bruheria den pasado? Kiko ta e motibo pa esaki? Tin algo di hasi cu e gran cantidad di hende cu tin fe religioso den Iglesia Catolico? Cu tin un devocion religioso cu santonan (cu tin poder special) y ritualnan? Of ta dor di e cantidad grandi di migrantenan for di Caribe? Y kiko ta e situacion actual na Aruba? Cuanto percentage di hende ta involvi den bruheria awe? Esaki a wordo influencia dor di e migrantenan for di Sur America? Of dor di e migrantenan for di Haïti cu a bin aki na Aruba despues di e temblor di 2010? Of dor cu nos ta asina insigur di nos mes, cu nos ta preferi duna nos mes na bruheria? Mi mes no sa cuanto hende ta hasiendo bruheria na e islanan actualmente, pero dor di e experencianan desagradabel cu mi a pasa e ultimo añanan, mi a experencia fe, religion y tambe bruheria aki na Aruba.

Basta hende ta practica bruheria. Algun persona ta recomenda pa hasi bishita si bo ta sufri di depresion of di malcualidad. Algun ta conose e adresnan di esnan cu practica bruheria, pero nan no kier sali publicamente y nan no sa nada. Nan ta bisa cu publicidad ta trese mas malestar cu beneficio. Otro personanan ta hasi reclamo riba internet of den corant y ta organisa diferente workshops caminda bo por participa. Dor di esaki, ta parece cu riba prome bista tur cos ta inocente.

Tambe tin algun tienda na Aruba cu ta bende algun cosnan. Aki bo por pensa riba por ehempel candela di diferente color, estatua (religioso), piedra, siga, cadena sensia, habon y perfume/aroma. Mi no tawata sa con grandi e tienda tawata y con grandi e varidat di cosnan tawata. Un ramo di negoshi unda basta placa por ser gana.

Kico ainda nos por mira di bruheria of unda ta practicando bruheria na Aruba? Den un investigacion literario, a sali dilanti cu na añanan setenta por prik un speld riba e mapa di e islanan na tur luga unda nan ta practicando bruheria, y riba e luga ey, lo bo por mira e vegetacion grandi cu diferente casnan. Kiko ta keda awendi, mi no sa. E parti visibel ta ser mira pa mi opinion masha inocente, loke semper no por ta asina. Hopi di e practicanan ta tuma luga riba nivel personal, na manera secreto y ta ser relaciona cu religion manera den e iglesia Catolico. Por ta e religion ta necesario pa por mantene dignidad. E mayoria ta ser reconesi cu ta estafadornan. Algun ta bisa cu pastornan por bira inferior den rang na bruheria y cu bo mester ta alert riba dje. Paternan ta studia den klooster y cu esaki nan ta conose di e secretonan. Hopi ritualnan y tradicion ta tuma luga durante fiestanan di santo, luna di fasting, Diabierna Santo, Pasco y prome di aña nobo. Casnan ta wordo limpia di ariba y abou y den algun caso, nan ta sensia nan cas.

Na un investigacion mas detaya, ta resulta cu na e mayoria di caso, practica ta tuma luga pa busca suerte y desgracia. Den contraste cu Hulanda, e pushi completamente preto ta trese suerte na e islanan. Den mayoria caso, ora nan ta mira un barbulet preto, nan ta kere cu esaki ta trese desgracia y den cuarenta dianan, algo ta sosode cu un persona den famia lo muri. Basta muhe ta cumpra awa di suerte y perfume cu nan ta bende na e tiendanan special pa trese cierto homber. Si bo ta pone atencion, bo por haña na Aruba algun muhe cu tin un cabuya cora, un armband. Casi semper ta keda na e man robez. E cabuya ta pa suerte y/of pa proteccion. Loke ta wordo usa mas como armband pa homber, ta e cadena di chakra cu ta bin den diferente color. Ora nan ta enfrenta hopi mal suerte, bo mester tuma un baño cu diferente yerba cu nan a cushina.

Den practicamente tur supermercado Chines, por haña un luga special pa un estatua di Buddha. Of den mayoria caso nan ta tin un pushi di oro cu ta pa suerte, traha di ceramica, cu ta trata di trese clientenan den e tienda. Algun hende ta scohe nan numero di loteria favorito. Segun e loteria, e numero nan di suerte ta: 12, 15, 24, 26 y 27. E numero nan di desgracia ta 3, 5, 16, 21 y 29. Pareu cu e numero impar ta trece mas desgracia. Menos visibel ta e imagenan di diferente santo cu ta wordo warda den e potmoni. Algun ta warda usa pa un meta of pa costumber. Den e añanan 70, manera pater Paul Brenneker a describi, den diferente workshops nan a brinda e oportunidad pa resa hunto na San Michaël pa un solucion pa nan dificultatnan. Pa ceremonia, tur a laga dies florin riba e mesa pa San Michaël.

Aunque algun hende por lo mihor ta kere cu bruheria ta un actividad inocente y hasta amusante, den realidad e por tin consecuencianan malo pa individuonan y pa e comunidad en general. Ta asina cu kere den bruheria por ta resulta den realisacion di ritualnan peligroso, manera e uso di remedianan tradicional en bes di medicina moderno y tambe por ta insulta of persegui cierto grupo di hende, manera cu a pasa den tempo Medieval cu brua.

Ademas, bruheria por contribui na un clima di ansiedad y incertidumbre. E por evita hende for di actua rasonabelmente. Mi mes tambe a topa cu e situacion y tristemente mi a aproba esaki. Pensando cu esaki finalmente lo ta pa rehabilitacion. Posibel cu mi mes no tabatin suficiente sushensia y no a mira e peliger cu tawatin den e situacion. Of mi mes tawata asina insigur y ansioso cu mi no por a enfrenta e realidad di e situacion, pa esaki mi no por a actua rasonabelmente.

Mi ta kere cu sigur tin mas entre cielo y tera. Cu e cousanan bon y malo. Awor mi ta duna mas balor na fe, cu religion of bruheria. Aunke mi ta Catolico, mi practica esaki manera un Irlandes orguyoso di Irlanda. Ta fe ta duna mi algun biaha un sentimento di seguridad. Sinembargo pa otro hende bruheria ta duna nan e sentido di seguridad den nan bida. Pero aki ta importante pa compronde cu evitando bruheria por resulta den un sentido mas grandi di control riba nos mes y nos futuro. Recogemento di realidad y actua riba base di preba y facto ta importante pa un comunidad salud y pa avansa. Asina laga nos ta consiente di nos mes den bruheria y discuti esaki. Concentra nos riba tuma decisionnan responsabel basa riba pruba y fakto, contribui na cria un comunidad unda nos no ta wordo diria dor di bruheria, sino dor di rason y inteligencia.