Bista Briljante

“E ta parse manera si mi ta bin di un otro planeta y no di aki. Cu Dios a plasa mi na un planeta incorecto cu un meta specifico: pa duna hende un mensahe. Mi ta pensa riba e storia di Superman. Mi por identifica mi mes cu Clark Kent. Un persona cu na e planeta aki ta pensa di un manera total diferente for di hopi otro hende y, pa esaki, su poder no semper por wordo mustra. Despues di e divorcio, mi a sinti mi mes hopi insegur, y pa motibo di bisti un bril, manera Clark, mi a purba di sconde mi mes den e mundo aki.” – Un parti di e buki Schoon Bedrog

Mi ta lesa hopi y mi ta pasa hopi tempo tras di un computer. Durante un tempo largo mi a nenga. Pero finalmento, mi no por a evit’é mas: mi tabatin di reconose. Un bril! Un par di siman pasa nan a conseha mi pa bishita un optica pa test mi wowo. No tabata necesario, pero ora di lesa, y mas tanto cu letra chikito, un bril tabata recomenda. Pa den caso mi lo tin cu usa un bril multifocal den futuro, mi a haña e oportunidad pa skohe un montura. Mi a scohe un bril cu ta parece hopi cu esun cu mi tabata usa den tempo pasá, un bril cu no tabatin sterkte, un bril pa mi por sconde den e mundo aki.

Tin hende cu ta usa un bril den momento dificil. Pa motibo di un entiero, pa ehempel, hende prefer pone un bril pa no mustra tristesa of lagrima. Of den un situacion caminda bo no ke saluda un sierto hende. Un bril di solo ta yuda hopi den esey. Un par di dia pasa, mi tabata na un bijeenkomst, caminda mi a mira un conosi cu tabata den sombra. E tambe a wak mi. E persona a pone hopi lihe su bril di solo. Probablemente pa trata pa no Saluda mi. Mi a tuma iniciativa y saluda. E no tabatin otro opcion cu pa saluda bek. Probablemente no ku hopi animo, pero kiko e lo por hasi? Nos ya tabatin un contact visual.

Un bril! Mi ta imagina cu un montura lo pone mi cara mas serio, y lo cambia mi imagen na esun di un maestro severo, of – pa – un "raton" cu ta keda casi invisibel. Pero e realidad a sorprende mi. Awe, 27 di januari, mi a busca mi bril nobo na e optica. E momento cu mi a pone e montura cu mi tabata scoge riba mi wowo pa e prome biaha, mi sinti manera si un switch secreto cu e mundo a bira activa. E randanan turbulente a bira helder, colornan a wak bida, y un epoca nobo cu mi por lesa buki cu pasenshi a cuminsa.

Caminda mi tabata pensa cu un bril ta un mascara pa mi sconde tras di dje, a bira un bentana pa e mundo. Literalmente y figurativamente. E momento mas bunita? E prome biaha cu mi a mira strea anochi. E strea a revela nan mes manera un coleccion briljant di diamant. Mi a sinti mi mes chikito y grandi na mes un tempo. Manera e mundo ta un regalo cu mi tabatin di habri algun tempo pasa.



Pone un bril no ta un signo di debilidad. Ta un oda na admiracion. Nos ta biba den un mundo yen di detaye – maraviyoso chikito cu bo por mira solamente ora bo ta wak helder. Mi bril no ta un escudo. E ta un invitacion pa continua descubri, cu wowo grandi habri.