Bida nunca lo ta mesun cos

E perdida di un ser querido ta un di e experencia mas desgarrante cu mi a pasa. Sigur ora e ta hopi serka. E sentimento di sinti bashi y tristeza ta abrumador. Bida nunca lo ta mesun cos. E sentimento di sinti bashi y tristeza ta parecido cu e periodo di separacion, unda mi mes, sin speransa, a wordo forsa inesperadamente pa construi un bida nobo di un manera diferente. Lo mi por bira e mesun hende atrobe? Lo mi por inisia un relacion saludabel atrobe? Lo mi por adapta mi mes na e perdida di mi tata? Na algun momento, ta parce cu ta imposibel pa sigui bo bida. Awor tambe mi tin sentimento di sinti bashi y tristeza y mi ta forsa pa sigui atrobe. Na algun momento ta parse cu ta imposibel pa sigui pa dilanti. Bo ta wordo forsa pa biba atrobe den un ambiente nobo y den un situacion completamente diferente.

Pero ainda asina ta posibel pa eventualmente cuminsa un capitulo nobo den bida, pero esaki ta tuma tempo. Esaki ta cambia e manera con bo ta mira bida. E ta bira mas cla kiko ta e cos balioso den bida y con nos mes ta realmente vulnerabel y chikito. Cu e conflicto nan cu tabata tin prome, awor no tin niun importancia ni balor. Y toch no tur hende ta mira esaki asina. Odio, mentira y ignorancia/separacion te ked ana ordo di dia ainda.

Despues di e perdida di un ser querido ta importante pa duna bo mes tempo pa luto. Luto ta un proceso personal y cada persona ta haci esaki na nan propio manera y na nan propio ritmo. Ta bon pa laga bo tristeza sali, pa yora, pa tuma recuerdo y pa laga e dolor drenta. Tur e sosten cu mi por a ricibi y e yudansa cu mi por a pidi tabata hopi agradabel.

Ta agradable cu otro a duna mi sosten y mi por pidi ayudo na otro ora mi tin mester.

Despues di un tempo, ora e tristeza ta bira menos, bo por cuminsa busca manera pa sigui bida. Esaki ta tuma basta tempo. No ta un cuestion di lubida e persona cu bo a perde. Esaki no por. Na un of otro manera nan ta sigi biba den bo curason, mientras bo tambe ta trata di duna espacio na experencia nobo.

Personalmente mi por bisa cu ta hopi util pa tin un recurso di amigonan y famia durante e transicion aki. Ta agradable pa papia cu hende cu ta compronde kiko bo a pasa y cu ta duna sosten sin husga. Terapia por ta un balioso fuente di ayudo, pasobra e por yuda bo trata cu bo emocion y guia bo den e proceso cu bo ta den. Mi ta kere cu e terapia mester ta bon adapt ana bo y cu aki mester tin e persona adecua pa ayudo. Unda fé den Dios ta hunga un rol importante. Pero ainda ta posibel pa haya esaki?

E por yuda pa pone metanan nobo y persigui interes nobo. Esaki no ta nifica cu bo ta lubida bo ser keri, pero e ta habri porta pa experencia nan nobo y crecemento. Tambe por tin sentido pa haya un sentido den e perdida, pa ehempel dor di participa den actividad cu ta conecta cu e persona cu bo a perde.

For di experencia mi por bisa cu no tin un tempo definitive pa luto y pa cura. Algun biaha bo tin dia nan bon y dia nan malo. Y esey ta bon. Finalmente, e dolor lo keda dilanti pa laga un sentimento mas suave di falta y recuerdo di amor. Bida por tin algun biaha un color shinishi, pero finalmente lo bolbe haya su color y lo bo descubri cu bo ta capas di haya alegria y satisfaccion den tempo, mientras bo semper ta conserva e memoria di bo ser keri.