18 di maart, nos discusion di Zwarte Piet!

18 di maart, un dia sumamente importante pa Aruba. Un fecha cu mester asegura unidad den e comunidad Arubano. Un fecha unda tur hende por ta orguyoso. Algun ta pensa cu 18 di maart a bira un fecha importante for di 1976. Pero e hende cu ta conoce nan historia bon, sa cu e fecha aki ya tabata importante pa Aruba desde 1948. Sinembargo, un parti di e poblacion Arubano ta prefera no sa of tende esaki. Enbes di unidad, e celebracion di e fecha aki ta causa division entre e poblacion. Cada anja, e celebracion na e monumento di 18 di maart ta ser poni na duda. Ta parce casi manera si e dia aki ta nos discusion di "Zwarte Piet", manera ta sucede na Hulanda cada anja rond di november/december.

Na Aruba, riba 18 di maart, durante e Conferencia di Mesa di 1948 na Hulanda, un pedido oficial a ser presenta na Reina Wilhelmina pa autonomia pa Aruba. Pa reforsa e pedido aki, esaki a ser firma dor di 2147 Arubano. Mas o menos un anja pasa mi a papia tocante esaki y tabata di opinion cu e 2147 persona nan aki a firma por nada, pasobra e evento historico aki no ta ser conmemora dignamente dor di tur hende y cu algun hende ta mira esaki mas manera un trampa politico of ta politicamente influencia. Of otro ta pensa cu door di esaki enbes di e 2147 persona nan, ta conmemora Shon A. Eman. Y si esaki ta berdad, kiko ta e problema aki? Antes e clima politico naturalmente tabata hopi diferente y e partido politico MEP ainda no tabata existi y rivalidad entre partido politico ainda no tabata presente realmente. 18 di maart mester ta un momento pa unidad y respet pa loke nos ancestro a logra.

Tambe Betico Croes a wak e fecha aki manera sumamente importante pa Aruba y a mira e importancia di unidad den e comunidad Arubano. El a laga esaki keda adicional durante un reunion den eilandsraad cu e palabranan aki:

“Señor Presidente, 18 di maart a wordo scogi pa motibo di e fecha 18 di maart 1948. E mester ta un dia di Aruba an unda tur conciudadano uni cu un sentiment y cu e mesun anhelo ta bay Wilhelmina Stadion y bisa porfin nos por canta nos Himno Nacional official, porfin nos por hisa nos bandera official di Aruba.”

Pa 12 di maart mi a haci un pregunta chikito via Facebook na e personanan den gobierno. Mi tabata puntra ken lo ta representa gobierno durante e ceremonia di 18 di maart na e monumento di 18 di maart riba dialuna. Pa conmemora e 2147 Arubano. Kizas mi tabata spera, pero ainda mi tabata spera pa un respuesta. Lastimamente, esaki no a wordo hasi.

Por ta algun persona por mira e pregunta manera politicamente influenca of sugestivo. Pero seguramente esaki no tabata mi intencion. Aki ta trata hopi mas di conexion y di crea unidad. Lo ta un gesto bunita pa asina tambe honra e hendenan cu a hunga un papel importante den historia di Aruba door di gobierno. Aparentemente, e dos partido politico importante kier promove nan propio historia. Un lo celebra 18 di maart na e monumento di 18 di maart y e otro lo haci esaki na Plaza di Betico. Esaki lo cambia algun dia?

Tambe a pasa hopi entre e partidonan politico grandi y un contact entre otro no lo tuma luga lihe. Kisas eventualmente den futuro esaki por bira realistico y alcanzabel. Ken lo por spera esaki? Kisas "Fundacion 18 maart" no a invita gobierno of gobierno mes no ta duna balor na esaki. A pasa hopi entre e partidonan politico geel y berde.

Bo por kere cu pa e partidonan nobo den gobierno esaki ta un momento y un oportunidad sumamente adecua pa participa. Pues ainda nan no tin un historial historico den politico grandi unda ainda no a crea sentidonan negativo. Nan por haci un punta pa stimula e unidad. Pa un futuro nobo unda nan no kier crea division entre e pueblo. Pero ta kere den conexion, asina cu un persona den nan propio partido y den gobierno por representa nan na e conmemoracion. Hopi esperansa pa e aña venidero! Laga nos spera!