Tuma bo responsabilidad!

Diabierna awor, 7 di januari, lo tin e prome parada oficial di flambeu di carnaval na Aruba. E ta un temporada di alegria y fiesta na Aruba, pero helaas tambe ta un temporada cu abuso di alcohol ta un problema extra grandi. Cada aña tin hopi caso di borrachera y violencia durante carnaval, loke ta resulta den heridanan y algun biaha hasta den morto.

Ta comprensibel cu hende kier fiesta y divertí durante carnaval, pero ta importante pa corda cu bebemento di alcohol mester sosode cu moderacion. Tambe ta importante pa tuma responsabilidad pa nos propio comportacion y pa nos sigur nos mes hunto cu amigonan y famia. No solamente durante carnaval, pero tambe den trafico.

Na Aruba ultimamente tin mas y mas caso di hit and run den trafico. E subida preocupante di e casonan aki ta un problema grandi pa e comunidad Arubano. E casonan aki ta trata di accidente di auto caminda e chofer ta laga e luga di e accidente sin yuda e otro personanan involucra of sin tuma nan responsabilidad. E casonan aki por tin consecuencia serio pa e victimanan y nan famianan.

Ta necesario pa comunidad Arubano traha hunto pa combati e casonan aki. Mester haci mas pa mantene chofernan responsabel pa nan actonan. Mester haci mas pa mantene ley. Mester tuma mas iniciativa pa promove seguridad den trafico pa haci chofernan consciente di e importancia di core responsabel. No solamente esaki ta aplicabel pa ciudadanonan, pero desafortunadamente tambe pa polis!

Tambe den e temporada aki turistanan kier disfruta di nos carnaval. Tratamento di turistanan na Aruba ta excelente. For di e momento cu nan yega e isla, nan ta wordo bonbini pa hende amabel cu ta dispuesto pa yuda y duna conseho. E hotelnan y resortnan na Aruba ta ofrece comfort y luho, y e empleadonan ta siempre dispuesto y profesional. Ademas, tin hopi actividad y atraccion pa disfruta, manera bishita na lama pa sambuya of snorkel, explora e naturaleza hermoso y bishita luga historico. Loke ta haci tratamento di turistanan na Aruba realmente notabel, ta e cordialidad y hospitalidad di e habitantenan di e isla. E hendenan di Aruba ta orguyoso di nan cultura y nan isla, y nan ta gusta comparti nan conocemento y experiencia cu bishitantenan. Esaki ta haci bishita na Aruba no solamente divertido, pero tambe enriquecedor.

Desafortunadamente, recientemente a sosode un caso conoci, caminda un turista for di Canada a wordo trata hopi malo. Asina e a wordo golpi duro door di tres persona. E ta tristo y hopi hende a papia tocante e asunto aki cu asco. Prome cu esaki, polis y empleadonan di e crucero no a tuma e asunto aki na serio. Sin embargo, polis merece un aplauso pa esaki. E portavoz di polis pa media ta keda profeshonal i despues cu Aruba a nombra un comisario nobo na polis anja pasa, ta logra mas metanan exitoso. Awor si solamente por haya algun polis incapaz pa haya nan formacion atrobe y lo ta riba e caminda corecto.

Afortunadamente, polis a logra detecta y aresta e ladronnan desde siman pasa. E noticia local tabata presente na e arresto y a raporta tocante esaki. E ladronnan a trata di tapa nan cara, pero nan nomber y edad a wordo menciona. Normalmente solamente nan inicialnan cu apellido ta wordo duna, pero awor nan nomber completo a wordo menciona. Den e forma aki, ta mustra e comunidad cu den e situacion aki, trata maltrato di un turista na un manera hopi brutal, polis ta actuando fuerte y rapido pa detecta y aresta e ladronnan. Pa obliga e ladronnan pa tuma responsabilidad pa nan accionnan criminal. E tabata trata di un muher Colombiano di 22 aña y dos homber Arubano di 21 y 24 aña. Ainda tin un tercer homber cu mester wordo detecta.

Naturalmente no ta husto pa huzga henter e poblacion di Aruba basa riba algun actor malo. Pero si ta importante pa atende e problema rapido y pa asegura cu turistanan cu bin e isla, sigui wordo trata cu respet y servicio profesional. Ta na gobierno Arubano y e poblacion local pa tuma responsabilidad y pa asina asegura cu tur turista cu bin e isla, por experiencia e mihor posibel.

Durante e discurso di aña nobo di e prome minister di Aruba, Evelyn Wever-Croes, e tabata enfoca riba e importancia di unidad den e comunidad. Ta parce manera cu e la lesa mi column di 12 di december cu e titulo: "Hunto nos por logra hopi mas!" (“Samen kunnen we zoveel meer”), unda mi a indica cu door di unidad nos por logra hopi mas na Aruba. Pues 2023 mester bira e aña di unidad y positivismo.

Tambe tur hende, segun nos primo minister, mester tuma responsabilidad. Pa asina ofrece progreso positivo pa Aruba y fortalece esaki. Mi ta completamente di acuerdo cu e. Tur hende mester reflexiona riba nan propio accion y kier tuma responsabilidad pa esaki. No mester warda pa otro pa obliga pa tuma responsabilidad, pero mester haci esaki for di iniciativa propio. Aunke e primo minister ta na cabes di gobierno, e ministronan tambe mester duna cuenta di nan accion. Manera den e caso di IBIS, situacion den Arubahuis of e incidente di Netflix den Eerste Kamer di un parlamentario na 2019. Den e ultimo caso aki, e consecuencia y responsabilidad a wordo asumi pa e parlamentario. Talvez forsa, pero ainda mi tin respet pa esaki. No ta facil pa admiti cu bo a haci fout. Pakico nan no ta tuma responsabilidad den e caso di Arubahuis? Pakico e minister di asuntonan social na 2017 no por a baha for di su mes? Ora el a sinta den prizon y por a mantene su puesto di minister? Tur biaha ta tene man un hende su cabes. Solamente pa motibo di un funcion particular of pa un seguidor di un partido politico. No, gobierno tambe mester tuma su responsabilidad!

Ta asina orguyoso como pueblo pa no kier tuma responsabilidad? Ta algo cultural caminda nos ta prefera di no reconoce nos falta na otro? Cu nos ta prefera pa sigui y pensa cu tur cos lo pasa? Ta parce manera nos no por haci fout na Aruba den enseñansa, politica of den mundo di negoshi. Algun tin privilegio special y no mester duna cuenta pa esaki. Pero e persona normal si ta wordo trata duro!

Tuma bo responsabilidad! Purba reconoce cu bo por haci fout. Duna bo disculpa un biaha pa loke bo a haci robes y purba haci mihor e siguiente biaha. Ta husto na otro. Solamente asina nos por progresa na Aruba. Defende bo mes! Tuma bo responsabilidad y bebe durante carnaval cu medida. Of ta esun cu ta duna lift den auto. Tuma bo responsabilidad ora bo tin un accidente di auto y no huy. No causa un hit and run, ni si bo ta un agente di polis of simplemente un ciudadano cu un posicion halto. Tuma bo responsabilidad pa e comunidad y e turistanan cu ta bishita Aruba. Pa asina tur hende por sinti nan mes sigur y nos como sociedad por contribui na manera positivo pa un futuro mihor pa Aruba.