Teacher mode off!

E ta casi e ora! Awor cu e periodo ocupa di examenn di scol pa studiantenan y maestronan casi caba y nos ta moviendo riba e fin di e aña escolar, e vakantie ta den porta. Un vacacion bon merece pa nos maestronan trahado. Despues di un aña yen di dedicacion, esfuerso y formacion di mente hobennan, nos maestronan merece un periodo di descanse pa recupera y carga nan mes pa e siguiente aña di scol. Mi ta warda e momento aki cu entusiasmo!

No ta un secreto cu enseñansa ta un profesion exigido. For di mainta tempran te ora anochi, maestronan ta traha sin caba pa siña e muchanan di Aruba y duna nan e abilidadnan y conosemento nan cu nan mester pa bira exitoso. Nan ta dedica na crea un ambiente di aprecio positivo, guia studiantenan y yuda nan busca nan potencial completo den bida. Aki e independencia di studiantenan ta hopi importante. Durante henter e aña di scol, maestronan enfrenta hopi desafio. Nan mester traha plan di les, prepara materialnan educativo, kijk na, hasi combersacion cu mayornan y hopi otro cos mas. Nos no ta traha solamente den e cuater murayanan di e klas, pero pafo di klas tambe nos mester mantene nos mes na altura di e desaroyonan den enseñansa y continuamente mehora nos abilidad nan y conosemento. Esaki ta basta duro algun biaha, pasobra no tur or abo ta hanja bon apoyo y bo no ta haya algo back. No tin hopi cambio den esaki.

Un periodo di vacacion ta duna maestronan e oportunidad pa tuma distancia di e dianan pisa na scol y focus riba nan propio bienestar. Ta esencial pa maestronan haya tempo pa relaha, carga nan mes y recupera nan energia. Esaki ta contribui nan cresemento personal y profesional, pasobra nan por descubri ideanan nobo y metodo nan cu nan por aplica despues den nan klasnan. Ademas, un vacacion ta duna e oportunidad pa maestronan pasa tempo cu nan famia y ser keri y dedica atencion na otro pasatempo agradabel afo di trabou escolar. Pa haya un balansa entre trabou y bida priva, maestronan por renoba nan mes y bolbe mas fuerte pa nan tarea den klas. Esaki ta definitivamente necesario den un periodo di innovacion y progreso. Un mente saludabel y un curason felis ta contribui na un abilidad positivo tanto pa maestronan como pa studiantenan.

Naturalmente, un periodo di vacation no nifica cu maestronan laga nan responsabilidad nan profesional liber completemente. Sinembargo, nan por usa e tempo aki pa refleha riba e aña di scol anterior, fiesta nan exito y pone nan metanan pa futuro. Pregunta manera: "Kico a bay bon, kico a bay menos y kico mester cambia?" Maestronan por explora oportunidad nan pa desaroyo profesional durante e periodo aki, investiga metodo nan nobo di les y prepara nan mes pa e aña nobo di scol cu ta bin.

No lubida cu maestronan ta e piedranan fundamental di nos comunidad. Nan ta inverti den futuro di bo yuinan y hunga un rol crucial den forma e siguiente generacion. Lamentablemente, no tur hende ta mira esaki asina y ta mira un maestro como un babysit, cu ta tuma un rato pa cuida bo yuinan. Pesey, e maestronan aki ta merece, mas cu nunca, un descansa, recupera y por disfuta nan bida personal.

Pa nos maestronan, ta casi asina leu. E ultimo esfuerso,... un rato mas,... y despues,... un vacacion delisioso! Disfrut'é!