Blog Layout
Respeta bo mayornan
Carlos Michel Nicolaas • 24 oktober 2021
Respeta bo mayornan
Con agradabel ta pa tin bo mayornan cerca. Ta como dos siman pasa cu mi mayornan a bini pa Aruba. Y ta sinti bon. Durante lockdown na Hulanda, e contacto entre mi mayornan tabata bon, pero den e sorto di tempo aki bo kier simplemente ta hunto. Mi mayornan a haya yudansa di nan vecina y esaki tabata un gran ayudo pa nan. Tambe pa nos aki na Aruba esaki tabata un tranquilisacion. Mi mayornan tabatin asina algun forma di contacto cu un hende y ora mester a yuda nan, nan tabata yuda nan hopi bon. Nos ta eternamente agradecido na e vecina y mi sa sigur cu mi mayornan lo sinti falta di dje den algun momento. Nos ta spera di mira su pronto aki na Aruba, pa nos por experiencia momentonan agradabel cu ne tambe. Pero manera mi a bisa, no ta importa unda, bo kier pa bo mayornan ta cerca durante momentonan dificil. No ta cu e vecina no kier a yuda, pero awor ta nos tarea pa cuida mi mayornan lo mihor posible. Nan ta na un edad respetabel halto y nan semper a cuida nos bon.
Si mi mester bisa pakico mi mayornan ta nifica asina hopi pa mi, algun evento ta bin na mente sigur. Naturalmente mi ruman muher y mi no a falta nada na Hulanda. Den e prome momentonan di bida, decisionnan tabata tuma pa nos, cu nos no tabata siempre di acuerdo cune. Pero tur bes nos a haya sa despues cu mi mayornan tabata tin nos bon interes na corazon. Tambe nos a haya e cosnan cu necesario, nos orea a wordo tira y nos a wordo stracu, na momentonan cu nos no por a sinta keto den compania di famia.
Antes mi tabata hunga hopi pafo, loke awendia no ta sosode mas cu e muchanan di awendia. Awor bo ta mira un solo mucha hunga pafo. Unda e muchanan a bay? Ta Netflix y Playstation a bira asina importante, cu muchanan no sa mas kico pa haci? Tambe nos tabata tin e Nintendo, pero nos tabata creativo ora tabata trata di hunga pafo. Mi ta lubida frecuentemente e ora y normalmente mi tabata laat pa come na cas. No tabata tur ora cu mi tabata keda na ora y algun biaha mi tabata bini cas sushi. Algun biaha mi tabata wordo castiga pa esaki y despues mi a haya cu e castigonan tabata bal e pena. Pero hunga pafo tabata duna bo cierto libertad.
Durante e añanan cu mi a bira un tiki mas grandi, mi a haya mas permiso. Mi a haya e impresion cu mi mayornan tabata haya importante pa nos forma nos mesun opinion y toma nos mesun decision y expresa nan de manera respetuoso. Mi por a recorda e momento ey ora mi tata a duna mi e escogencia si mi kier a keda hospeda mas largo cerca mi primo of no. Mi a gusta cu tabata discuti hunto riba tur cos y nos por a duna nos opinion na hopi momento. Mi a gusta cu mi mayornan a duna mi espacio pa determina mi mes kico mi kier a studia. Nan tabata gusta tur cos, si mi kier a sigui studia.
Mi ta sumamente agradecido pa tur cos cu nan a hasi pa mi. Awendia ta nos tarea pa cuida nan bon posibel. Nan guia den mi infancia y nan norma y balornan mi por aprecia nan sigur. Mi ta ken mi ta pa causa di mi mayornan. Nan a mustra nos semper pa respeta nos mayor. Cu nos mester a papia dos palabra. Algun biaha tabata straño durante momentonan di estadia na Hulanda. Bo tabata papia cu mayor semper cu "u", unda bo por a haya comentario di e persona concerni cu ta sinti su mes lihe viejo. Pero e manera con nos tabata acerca hende respetuoso tabata inculca den nos sistema y tabata dificil pa bisa "je" na lugar di "u" na cierto momento.
Nan ta na edad awor y nan ta necesita yudansa practico. Mi mester honra nan awor door di atene na nan tin tur loke nan mester por haya. Awor mi no kier ta demasiado religioso, pero tambe den Bijbel ta considera honra bo tata y bo mama como sumamente importante. Aki tin un promesa atacha na esaki cu bo lo haya un bida largo den e tera cu Dios ta duna bo. Awor mi kier dedica mi mes completamente na esaki y mi ta obliga nan. P'esey tambe mi ta sinti mi sumamente bon cu nan ta cerca di nos, pa asina nos por cuida nan mas mihor posibel. Manera nan a cuida nos.
1 di juni ta e dia internashonal di mayornan. Realmente pa mi tur dia ta e dia di mayornan. Proba pa yuda bo mayornan na tur momento na un manera adecuado. Yuda nan ora nan tin mester di dje. Haci nan sonri y duna nan momentonan di felisidat. Duna nan un abrazo grandi ora cu nan mester di dje y mustra cu bo ta stima nan hopi. Mustra cu bo ta orguyoso di nan pa tur loke nan a hasi pa bo. Y si tristamente nan no ta aki mas, recorda nan cu bon ricuerdo y conserva nan video y potretnan cu tanto atencion posibel. Nan ta esnan cu a forma bo den e persona cu bo ta awe.
TE persoonlijk!
DEMASIADO Personal!