Paciencia, un cos bon?

Den e dianan aki, mi ta sinti hopi sentimento y duda riba tur sorto di cos. No semper ta facil pa saca e berdad afo. Y algun biaha bo ta puntra bo mes si hendenan aki ta dispuesto pa esaki. Si nan ta kere pa sa e berdad. Y ora un cos ta berdad? Si mi a investiga bon, lesa y/of mira diferente puntonan di bista riba un historia?

“De kogel is door de kerk. Entrante 1 juli lo stop recorte di salario di 5% y entrante 2023 lo stop e 12.6%! Pasenshi ta Gloria.”

Dia 20 di mei 2022, e promé ministro di Aruba a scirbi cu e decision a cay. Dia 1 di juli e falta di placa di 5% riba nos salario lo wordo stop y durante 2023 e 12,6% tambe lo wordo devolvi. Paciencia ta gloria. Tambe mi a menciona esaki den mi columna di 22 mei - Cambio mester bin for di abou.

Dia 20 di juni 2022, un conferencia di prensa a tuma lugar na Aruba cu e sekretario di estado pa asuntonan di Reino, Van Huffelen, y promé ministro di Aruba, Curaçao y Sint Maarten. Finalmente lo tin mas claridad riba e reduccion di salario. Mi mes no tabata consciente di mi ropa di color gris. Durante e dia mi a nota cu casi tur hende tabata bisti na preto. Casualidad of realmente consciente? Y esey no tabata tur, a wordo bisa cu e 5% cu nos promé ministro a promete, no lo sosode. Aruba no a cumpli cu e condicionnan cu Hulanda a pone. Durante e conferencia di prensa tur hende tabata mira un tiki triste. Excepto e promé ministro di Aruba, Eveline Wever-Croes, cu tabata bisti na color di amarillo y berde. Tal vez e ta den celebracion di Dera Gai, cu lo tuma lugar dia 26 di juni na Aruba. E resto tabata menos colorido. Manera Van Huffelen mes, cu tabata bisti completamente na preto cu un cadena di oro cu dos flor blanco.

Tabata e situacion tur cos treurig? Of Eveline sa mas y lo sali tur cos bon segun dje? Cu e ta gosa caba pa loke ta bay pasa y cu nos lo ricibi nos 5% sin falta dia 1 di juli. Of lo nos bay bahando celebrando? Manera e gobierno anterior a haci na 2017 tambe? Despues di hopi conferencia di prensa y promesa bo no sa ainda loke bo por of no por kere. Despues di tur mentira cu ta wordo conta, nos mester duna e beneficio di duda. Nos mester simplemente warda riba esaki? Paciencia ta gana Gloria.

Loke a ocupa e comunidad tambe durante e dianan aki, tabata e suicidio di e cantante di Soca conoci, Antoni Gario, dia 19 di juni. Asina el a wordo aresta door di polis di mucha y husticia dia 17 di juni cu prueba fuerte di su accionnan contra su yiu muhe. El a wordo interoga y a wordo lleva pa warda di polis na Shaba, unda el a bisa cu e lo ta inocente. Dos dia despues, dia di Tata, el a tuma su mesun bida den su celda. A specula con esaki por a pasa. El a hasi esaki realmente? Of nos mester kere den un conspiracion? Sperando cu lo investiga bon y lo bira publico pronto kico a pasa. Aunke awor a keda den man di Landsrecherche, mi ta di opinion cu polis no por investiga polis mes. Mi mes no tin confiansa den esaki mas. Loque tambe ta interesante ta cu no a duna un declaracion ainda di parti di polis. Nan ta warda riba e momento adecua? Pero ta trankil na e momentonan aki. Pakiko nan ta tene nan boca cera? Pakiko no ta papia riba dje? Nan ta defende nan accionnan, aunke nan ta fout? Of nan ta bira kibrá di verguenza pa papia riba dje? Ta mas aya di loke ta parce? Of nos mester warda riba e resultado di e investigacion?

Kico ta pasa awor na Arubahuis na Hulanda? Asina e ministro plenipotenciario Guilfred Besaril ta tuma su retiro pasobra aparentemente e no tabata contento cu e placa di cuido di yiu cu el a ricibi for di 2017. Mientras tanto tin un investigacion andando riba finanzas den Arubahuis. Lo tin un relacion cu esaki? E lo sa mas di esaki? Of nos mester simplemente warda riba esaki? Tal vez nan na Arubahuis por controla finanzas tambe ora ta trata di e trasladonan paga pa Arubahuis. Unda nan supuestamente ta saca un licitacion. Y asina nan ta eligi e "mas barata" y eligi un amigo cu un compania propio. Segun mi opinion esaki por ta hopi mas barata pa manda container pa Aruba. Pero siguramente esaki no ta e punto di discusion.

Kico ta pasa awor cu e corant di merdia Amigoe? Un corant respektabel cu a cuminsa for di 1884 y ta lesa na Aruba, Boneiro y Curacao. Seis biaha pa siman e corant aki tabata wordo entrega na cas. Desde e llegada di un doño nobo na Amigoe na Aruba, tur cos a bay robez. Pa algun aña caba, por a lesa e corant digitalmente tambe. Algun hende a renoba nan suscripcion y tabata bao di e impresion cu nan lo ricibi e corant digital y seis biaha pa siman tambe lo haya e corant entrega na cas. Pero awor bo por lesa e corant digitalmente solamente na Aruba y e corant lo wordo entrega na cas un biaha pa siman riba diasabra. E motibo? Papel a keda sin. Reaccionnan rabioso di lesadonan fiel a sigui y nan no tabata sa cu nan lo haya e corant solamente riba diasabra. Nan no tabata sa di esaki y ta desapunta. Lesadonan a haci un suscripcion y a paga pa online y un corant fisico. E suscripcion aki tabata mas caro, pero awor e corant aki no ta bin mas. Locual cu clientenan a paga pa esaki. Aparentemente Amigoe no a informa tur hende adecuadamente. Hopi hende a pidi splicacion, pero no a ricibi ningun reaccion riba nan mensahenan. Algun hende a cancelanan suscripcion. Y na Aruba no por pidi un suscripcion mas. Awor bo por suscribi na e corant di Boneiro y esun di Curacao solamente via e website di Amigoe. Kico lo pasa awor cu Amigoe di Aruba? Lo e keda asina? Of nos mester simplemente warda riba esaki?

Den ta tristo cu tanto incertidumbre y preguntanan cu cada un tin nan propio opinion riba dje. Hopi rumor y hecho nan cu no ta satisfactorio pa tur hende y/of ta corecto. Nos ta eligi pa ta husto, claro y sincero? Mester nos simplemente warda tranquilo na algun momento? Of ta pa tuma accion awor ta e solucion? Mester nos simplemente bisa e berdad na algun momento y no tin miedo cu otro ta desacuerdo cu bo y pa motibo di esaki otro hende no ta gusta bo mas? Ta esaki importante? Pakico ta eligi poder, estatus y placa y ganashi personal contra otro cu no por of no mag goza di esaki? Nos ta eligi pa tur biaha keda na banda y pensa cu otro lo resolvi e problema pa nos? Paciencia un cos bunita?