Pa solamente un receta?!? (Parti 2)

Dia 12 di juni 2022 mi a pone un articulo riba mi website tocante cuido di salud na Aruba cu e titulo: "Pa un solamente un receta?!? Prome cu mi a pone mi articulo online, dia 8 di juni mi a manda mi "keho" pa e comishon di keho. E comishon aki ta indica riba su website cu nan tin bes cu 6 siman pa trata un keho i despues di esei lo mi risibi un mensahe. Asina cu mi mester a warda cu paciencia riba esaki. Via e-mail mi a laga sa cu no tabata un keho pero mas bien un incidente, pa cual mester a mira. Tambe mi a manda un mail riba website di AZV tocante e incidente aki.

Dia siguiente mesora mi a risibi un mensahe bek. Nan a gradisi mi pa mi mensahe. Nan a lesa mi column i a bisa cu ta bon pa señala posibel trampanan den sistema pa por hasi mehorashon. E presidente di e comishon di keho HAVA tabatin preferensia pa informa e practica di dokter di cas i e Botica (Farmasia) tocante esaki via un mensahe.

Mi no a haña cu esaki ta mi tarea mes i despues mi a keda cu algun pregunta pa e comishon aki. Mi a manda un mail atrobe. Mi no tabata sa con un "keho" manera mi a manda ta wordo tratá na e comishon aki. Ya cu e comishon a contesta den un dia so. Mi tabata kere cu e comishon ta consisti di dokternan di cas, trahado di AZV i otro specialistanan cu mescos lo mester tin 6 siman pa trata un keho. Atrobe mi a enfatisa cu mi tabata contento di tende cu e presidente di e comishon aki tambe ta di opinion cu mester señala posibel trampanan den sistema pa por hasi mehorashon. Mi no a risibi un reaccion riba e mail aki.

Dia 13 di juli mi a risibi un yamada inespera di e trahado di comuniccion di AZV. Nan tabata druk i no por a contesta mi mail mas pronto. Normalmente por risibi un contesta di AZV den tres dia. Nan mester a contesta promé, pero na AZV nan ta sigur contesta riba pregunta i peticion. AZV ta facil pa yega i e trahado aki a scohe pa yama mi. Segun e trahado aki un combersashon ta solushona mas prome cu un reaccion skirbí. E por hasi cu tin mas empatia durante e combersashon. E tabata bai cu rason riba esaki. Tabata un combersashon agradabel i largo. Durante e combersashon mi a bisa cu e articulo tabata pa no manda un "keho" asina mes sino pa hasi cu ta conose di esaki i esaki por lider na un soluccion.

Su reaccion riba mi artículo tabata positivo. El a lesa esaki y a haya mi articulo a wordo construi de un manera constructivo. Unda tur di nos mester tuma responsabilidad. E sentimento tabata bon. Definitivamente un artículo cu ta urgi pa un solucion. Mas bien di e manera aki, via mi website y correo, cu comparti mensahenan negativo tocante AZV via radio pa pueblo di Aruba. Pero el a enfatiza cu clientenan tambe tin derechonan y obligacionnan. Clientenan tambe mester cuida pa nan medicina na tempo. Cu nan mester haci un peticion nobo pa nan medicina un par dia/siman prome. Mi a acorda cu esaki. Tur di nos mester keda pendiente di esaki. E empleado aki tambe a bisa cu tempo AZV tambe a atende kehonan di comision di dokter di cas. Pero esaki no ta parti di AZV mas.

Finalmente, mi a puntra e empleado di AZV kico lo ta e siguiente pasonan. Den e caso aki, e lo comparti mi articulo cu zorginkoop. Nan lo observa y monitorea esaki. Di e manera aki nan ta desea pa mehora. Ademas, e ta enfatiza un biaha mas cu clientenan semper mester haci peticion di nan medicina mas tempran.

Si bo mes tin un keho, pregunta of peticion pa AZV, no duda pa manda nan un mensahe. Asina nos por yuda pa nos sistema di cuido keda optimal. Tal vez no lo bo haya un contesta mesora, pero nan lo reacciona seguramente. Si bo mester haci un peticion pa bo medicina? Haci esaki na tempo pa evita problema.