Laga tur hende tin nan balor!

Both can spread the virus

Both can contract the virus

Both can be hospitalized from the virus

Both can still die from the virus

And Both can remain completely healthy and have no issues at all!

But yet ………

Both seem to be at war like one choice out ranks the other.

I respect everyone’s choice!

Do whatever makes you feel good, secure and safe, but stop judging others for their choices.

It’s creating way too much separation!

Be safe out there and keep those immune systems right whether vaccinated or not.

That’s you real cure!”

Mi a topa cu e texto aki riba Facebook. Mi kier a reacciona riba esaki, ya cu mi a papia recientemente cu un hende cu a experiencia algo cu a haci nan furioso. E persona aki no sa si nan mester presenta un keho. Por ta cu esaki lo wordo usa contra nan. Y talbes especialmente den e tempo cu nos ta biba awor. Nan lo kier keda anonimo, pero nan ta kere cu e storia mester wordo conta. 

Tur cos a cuminsa ora cu nan a bira malo durante vacacion. Nan a haya Covid y nan no a wordo vacuna ainda. Awor bo por pensa? Dicon bo no ta vacuna bo mes? Pero ainda tin hopi hende cu pa diferente motibo no ta vacuna nan mes. Por ehempel, religioso of medico. Otronan kier warda un rato mas y otronan simplemente no ta gusta e idea y nan ta kere mas den e teorianan di conspiracion cu ta wordo divulga awor den mundo. Por duna un opinion riba tur e motibonan aki. Pero mirando mi mes, mi ta di opinion cu cada hende por decide pa nan mes loke nan kier hasi. Bo por duna conseho, pero sigur no obliga ningun hende.

Esey ta nifica cu e no a wordo vacuna ainda. Pa cualkier motibo, pero esey no ta relevante awor. E a yama e fundacion caminda e ta traha y a conta e persona riba telefono cu e ta malo. E persona riba telefono a puntra kico e tin. Pero e no ta un pregunta cu bo mester haci, pero e no tabata tin nada di skonde y a bisa cu e tin Covid. E di dos pregunta tabata si e a wordo vacuna of no. E tabata para keto, sin sa kico pa bisa. Ta concerni e si e ta concerni e? Ta un pregunta cu ta permiti pa haci? Finalmente e a bisa cu e no a wordo vacuna. Inmediatamente a sigui un reaccion desprofesional. "Bo sa cu bo por haya complicacion y mester bai hospital?" Kico e mester a contesta riba esaki? E a haya e reaccion desprofesional. Tabata manera si e tabata wordo acusa di algo y mester a defende su mes. E a probecha pa splica e motibo di no vacuna, pero nadie a tende. Na contrario, nan a pone tur cos na duda bisando: "Si, pero bo tin un lista largo di specialistanan y e vacuna ta riba mercado pa mas di un aña". Pues e por a vacuna su mes facil prome. Nan a cuminsa critica y menosprecia e simplemente. Mientras cu e tabatin Covid.

Bo ta pensa cu esey tabata e final. E siguiente dia e a yama e oficina di SVB pa papia cu un dokter. E a bisa cu e tin Covid y no a wordo vacuna. Na otro banda di e linya e a tende un sospiro grandi. Tambe aki un reaccion cu e no a spera. 

Hendenan, laga tur hende tin nan balor. Bo por duna conseho, pero ta un derecho pa cada un decide kico nan ta hasi cu nan mesun curpa. No ta asina blanco/preto. Hopi hende simplemente no por vacuna nan mes y nan ta wordo mira como ciudadanonan di segunda clase. Nan ta sinti nan discrimina y asina bo ta crea sin saber un conflicto entre grupo di hende. Tambe e medionan y politica por tuma un posicion mas neutral. Un biaha mas, bo por duna conseho, pero no juzga ningun hende pa e decision di nan mes.