E impacto di musica

Musica ta un idioma universal cu ta conecta hende di tur cultura. E tin e abilidad pa subi nos estado di animo, trankilisa, inspira y divirti nos. E impacto di musica riba nos bida ta enormi y no por wordo subraya sufisiente. Musica tin un efecto terapeutico. E por yudabo pa reduci stress, ansiedad y hasta trata depresion. Investigacion nan cientifico a demostra cu musica ta activa e celebro y ta stimula dopamina y endorfina, pa asina nos sinti miho. No ta sorpresa cu terapia di musica ta bira mas popular den cuido di salud.

Pero musica no tin impacto solamente riba individuo nan. E por ta un medio poderoso pa cambio social y expresion politico. Piensa riba “Man in the mirror” di Michael Jackson di 1988, John Lennon cu “Imagine”, of durante e periodo di Guera di Vietnam unda hopi artista manera “Country Joe & the Fish” cu “Vietnam Song”, a expresa nan mal contento di e guerra aki di diferente manera di musica.

Hopi musica a dedica nan mes den topico nan social y a yega di uza nan musica pa transmiti mensahe nan di pas y tolerancia. Musica tin e poder pa mobilisa hende y uni nan pa un meta comun. Pa loke ta trata di musica, tur hende tin nan gusto propio. Tambe e meta di musica pa diferente hende ta diferenti. Den momento di tristesa, musica ta trata punto di bida. Di kico bo ta of kico bo ke ta. Musica por refleha bo sentimento y experencia di un manera grandisimo.

Asina e cantica "De echte vent" di Racoon di 2019 a hasi un impacto pa mi. Realmente, mi tabata conose e grupo di musica Racoon prome, pero awor mi tin mas aprecio pa e grupo aki. E cantica ta pone e pregunta di kico ta un homber berdadero segun sociedad. E cantica a ataca mi dor cu e ta vulnerabilidad y resilienia. E ta enfatisa e importancia di vulnerabilidad den bida y con por bira mas fuerte. E ta anima nos pa habri nos pa mundo y pa pidi yudansa ora cu nos tin mester di dje. Pero tambe pa keda para riba nos credo nan. Esaki ta mustra curashi, integridad y perseverancia. Esey tambe ta nifica cu nos por keda nos so. E ta recorda nos cu exito no ta trata di rikesa, status y poder. Pero ta trata di e calidad interno cu nos tin y con nos ta biba nos bida. E cantica ta anima nos pa crea nos propio definicion di exito y pa no laga opinion di otro hasi nos desanima. Esaki ta trata di resiliencia y e abilidad pa cuminsa bek despues di un sufrimento. "De echte vent" no ta laga nan desanima dor di e reto cu ta bini na nan caminda.

E cantica "Grijs" di Niels Littooij na 2018 ta conta e storia di un persona cu ta sinti perdi den bida y ta busca sentido y conexion. E ta enfatisa cu mesora cu nos ta sinti nos mes perdi, semper tin un caminda pa bay retroba nos caminda den bida.

"Sorry" di Karsu/André Hazes ta un cantica cu ta trata di un persona cu tin sori pa e falta cu e a comete den bida. Ta un cantica inspirador cu ta recorda nos cu nunca ta laat pa coregi nos eror nan y conecta cu e hende den nos bida.

E mayoria di e musica ta trata di amor. Den e momento agradabel, pa nos inspira, trankilisa, entretene y pa duna señal di speransa den bida tin diferente canticanan cu ta hunga un rol importante. En fin, e impacto di musica riba nos bida ta enorme. E tin e habilidad pa conecta nos, cura nos, educa nos y inspira nos. Musica ta un lenguahe poderoso cu por yuda nos mehora nos bida y cambia e mundo rond di nos. Laga nos sigi gradici e lenguahe aki y tuma beneficio di dje.