Cuanto mucha mester muri ainda? (Parti 2)

Israel i Palestina…, dos pais cu si bo mencioná nan den un orashon, por causa un topico cargá. Pero despues di e sucedidonan di e ultimos dianan i e argumento di Trevor Noah, un komico i presentador di televishon for di Sur Africa cu for di december 2014 a bira un kolaborador fiho di e programa di noticia "The Daily Show", mi mester a dedica atenshon na e tema aki. Riba 31 di jüli 2006 mi a skirbi un column (wak columnanan bieu riba mi website) cu como titulo: "Cuanto mucha mester muri ainda?" Tocante e gera entre Israel i Hezbollah na Libano. E gera aki a dura mas cu tres siman cu hopi victima.

Na 2009 mi a sigui un minor den mi estudio tocante historia di Judaísmo i Cristianismo. Pa e estudio aki nos a biaha cu un grupo di estudio pa Israel. A bira siete dianonan inolvidabel, caminda mi a mira hopi i experiencia hopi. Un pais hermoso. Bo ta drenta den un mundu diferente caminda na Jeruzalem bo ta haña contacto fásil cu e habitantenan Judío, Islámiko i Cristian di e siudat aki, cu semper ta probechá pa biba den paz cu otro. Nos a bishitá hopi lugánan diferente. Manera e dode zee, Masada, Qumran, Ein Gedi, Beit Shean, Jordania, Kafernaüm, Tiberias, Nazaret, Akko i Tel Aviv. E promé dianan nos a bishitá e siudat bieu di Jeruzalem. Nos a mira e Montaña di Olivo i Getsemani i a drenta e siudat bieu di Jeruzalem via e caminda Doloroso. Nos a mira e muraya di clamamentu i e Moske di Al-Aqsa. Esei ku su cupola dorá cu ta dominá e bista di Jeruzalem pa mas cu mil trescientos aña.

E sentensia di Corte Supremo a wordo posponé pa trinta dia, pero riba 12 di mei caba tabatin mas cu trescientos habitantenan Palestino heridá i mas cu doscientos habitantenan Israelí heridá. I e pelea ta sigui. Orando e imágennan, bo por mira e víctimanan na ambos banda. Na Gaza además di e heridonan, a registra 120 morto, inkluyendo muchanan. Na Israel a registra heridonan i ocho morto. Gran diferensia, pero esaki tambe ta dependé di e sistema di defensa di misil avansá di Israel. Aparentemente Israel ta mobilisando su ehercito awor na frontera di Gaza. P’esei ta parse cu esaki ta leu for di bo cama, pero ora bo mira e imágennan na television, e ta bira hopi mas serka.

E ora mi ta cere cu mi por a haya esaki den e discurso di Trevor Noah. Den su "Let's talk about the Israel-Palestine conflict" di tres dia pasa, e ta describi e conflictio hopi bon i completamente. Mi no por a hasi otro cu admirá esaki. Despues di a tende e discurso aki, mi a pensa riba mi column di mas o menos diescinco aña pasa. Aunke tabata un pelea entre Libanon i Israel, mi ta puntra mi mes mesora tambe awor: cuanto mucha mester muri ainda? Ta trata di un pelea igual i hustu? Ta bisa cu Israel ta pueblo eksihí di Dios i cu nan a pasa tristura durante e Segundo Guerra Mundial, pero esaki no ta hustifiká e comportashon pa motibo di morto di muchanan inocente tanto na banda Palestino, pero tambe na banda Israelí. Un pelea cu no kier para, cu a cuminsá desde cu a funda Estado di Israel na 1948. Diamars ultimo a keda cla cu tres misil a sali for di Libanon den direcshon di Israel. Asina tantu

Den e lucha aki entre Israel i Palestina ta continuando despues di mas cu tres siman. Como mi a skirbi un column den 2006 tocante e tema aki, mi a pensa riba dje atrobe despues di e sucedido di e ultimo dianan. Mi ta spera cu pronto e lucha aki lo stop y cu e dos bandanan por yega na un acuerdo pa paz. Mi ta spera cu e dolor y sufrimento di e muchanan no lo sigui.