Bo ta biba conscientemente?

Conscientemente?!? Kico ta biba conscientemente pa bo? Ta trata di come saludabel of disfruta di bida? Por biba verdaderamente conscientemente? Ta trata aki di un topico amplio y general of facil pa defini? Aki mi tabata siman pasa, cu un bon glas di vino y cu un bon amigo y cuñao, pensando riba esaki. Y pa sincero, ta mas dificil cu nos a pensa. Asina a haci e pregunta na un momento, ora un persona por tuma e decision di biba conscientemente. Ta ora cu un persona a recupera for di un malesa grave? Cu bo a hanja un segundo oportunidad y kier sigui biba na un manera totalmente diferente? Cu bo kier disfruta di bida na un manera diferente? Cu bo ta tuma pauze y disfruta di loke bo ta haci na e momento ey. No mester ta algo grandi, tambe di cos chikito por disfruta. Por ta cualkier cos. Ta esey e momento cu bo por biba conscientemente?

Y ora mi ta mira mi mes. Mi ta biba conscientemente? Mi a probe di e forma aki diasabra. Mi a sali cu mi famia pa cena y a bishita algun famia. Tabata bon pa tuma e tempo aki y disfruta na e miho manera posibel. Cu bo na e momento ey no ta pensa riba nada otro y asina bo ta tuma e decision conscientemente pa tuma e tempo aki liber. Y cu bo no, manera mi por a recorda na e pasado, bay bishita famia y despues despues di un ora cortico mester a bay bai. Bo ta disfruta asina?!? Of no ta importante pa bo?

Disfrutando y bibando conscientemente a yega di logra diasabra. Pero tabata durante findi. Por lo menos. Por bo haya e momentonan aki den un siman ocupa? Sigur por, pero mi ta kere cu mester busca esaki mes y tuma e tempo pa esaki. Awendia tur hende tin hopi obligacion. Desafortunadamente algun obligacion nos no por evita. Pensa aki riba bo trabou of e obligacionnan cu gobierno ta impone riba bo. Otro obligacionnan nos ta impone riba nos mes mes cu nos bida ta bira cada biaha mas ocupa y hektico. Tur cos mester ta lihe y tur informacion cu nos tin mester wordi procesa mesora. Media social awendia ta asina importante cu nos no por biba sin ne. Pero nos ta escoge pa biba asina. Nos ta biba nos bida manera otro ta spera di nos. Y mi pregunta ta.. Bo ta biba conscientemente? Bo ta disfruta realmente di bida? Bo ta biba verdaderamente liber den e decision cu bo tuma? Otro hende por ta di opinion cu bo ta biba verdaderamente liber ora bo no ta mas aki. Asina ta resulta cu biba conscientemente ta mas facil pa papia cu pa haci.

Mi ta kere cu biba conscientemente tin di haber cu tuma decisionnan conscientemente. Cual decision ta haci bo feliz y cual ta importante pa bo. Y aki no mester pensa riba cosnan material, pero e momentonan bunita y precioso di bida. Door di biba conscientemente bo ta crea bo mes libertad. Mi semper a intenta di biba conscientemente. Mi ta kere cu asina bo ta keda bo mes y no lo perde bo mes. Bo ta scoge pa bo mes y pa otro, kendenan bo ta stima hopi. Na algun momento por ta cu door di circunstancia bo ta perde di bista e importancia di esaki. Talvez bo mes no ta nota, pero asina bo no ta bibando conscientemente. Anjanan por ta tabata un ilusion, unda tur cos tabata parce bunita, pero no tabata real y bo mes no tabata sa di esaki.

Mi ta nota cu awendia mi ta purba di biba conscientemente mas cu prome. Y toch ta dificil. Mester tuma e tempo liber pa esaki. Purba un biaha. Purba busca e momentonan aki den bo bida. Busca loke ta haci bo feliz y loke ta importante pa bo. Bo lo nota cu no ta tur biaha e ta facil. Pero ora bo haya nan, yuda di disfruta di nan hopi. Bo no sa nunca ora lo ta bo ultimo biaha. Bo lo nota cu bo por disfruta realmente di bo bida. Talvez esaki finalmente lo conduci na e libertad cu semper bo kier a haya.