Bo no a gana Lotto! Awo kico?

Diamars anochi 2 di Augustus 2022 tabata e momento. Mini Mega Plus di loteria di Fl. 3.300.000,- finalmente a cay! No mucho despues 24ora, website di noticia di Aruba, tabata na cas di famia Tromp-Geerman, ganadonan. Un perspectiva bunita den tempu dificil, unda nan ta sigur por a haci bon uso di e placa. Den tempu cu prijs di petroleo subiendo, prijs di awa i electricidad ta determina e noticia di dia.

E dia despues, pa medio di mesun website di noticia, hendenan na caya a wordo entrevista pa haya nan punto di bista riba economisa riba gastu di awa i electricidad. Mi mes tabata curioso pa sa nan contesta. Kiko tabata nan ehempelnan personal pa economisa tanto como posibel?

Malamente, no tabatin ehempelnan real. Nan a duna ehempelnan manera: usa menos awa, paga bo airco, sali menos, come menos of compra cuminda no saludabel i trata di spaar y no hasi gastonan innecesario. E no ta den nos cultura y mentalidad di economisa den cierto momentonan. Nos ta un pueblo orguyoso y no kier mustra cu cos no ta bai bon. Pueblo kier pa gobierno bin cu un solushon pa prijsnan halto di awa i electricidad.

Si nos por kere gobierno Hulandes, señora Ollongren, kende den Oktober 2021 tabata minister di Relashonnan di Reino den gabinete-Rutte III, a bisa cu na e islanan di Caribe Hulandes hendenan mester baña mas corticu i menos biaha pone airco. Segun dje, consumo di awa i electricidad ta mas halto na Caribe Hulandes, cu na Hulanda. E no a cai bon na Boneiro i hendenan no tabata contento. Reaccionan a bin via medionan social i preguntanan caminda hendenan ta puntra con hopi biaha señora Ollongren lo baña si ta casi 30 grado tur dia. I con e lo por drumi sin airco. Mi sa cu na Hulanda no ta custumber pa baña tur dia. Pero mi no por a tuma e tradishon aki. Na Hulanda, pero tambe sigur na Aruba, mi mester baña un of dos biaha pa dia. Tambe na Aruba, un baña caloroso tur dia ta un necesidad pa mi. Naturalmente tin hendenan cu a keda den situashon dificil unda nan awa a wordo corta, pero baña tur dia ta un necesidaa aki ainda.

Si mi lo a wordo entrevista? Loke lo mi a bisa? Mi mes lo a pensa, na e momento ey, no lo por a bin cu hopi ehempelnan di economisa. Mi mester a para keto un rato. Finalmente esaki a duna hopi ehempelnan, unda hendenan na Aruba por economisa y tin mas placa den nan bolsa.

Mi ehempelnan pa economisa ta:

• Plant un tereno chikito pa bo por cultiva bo propio fruta i berdura. Bo ta dedica un tiki tempo, pero satisfacion ta sigur ora bo por a cultiva bo produktonan mes.
• Bende bo cosnan di cas ku bo no ta usa mas pa un bon prijs.
• Prome cu bo tira bo cosnan, puntra bo mes si bo realmente no lo tin mester mas. Talbes bo por ainda uza pa algo.
• Cumpra un baki di awa pa laba bo coi kibra. E awa bo usa despues bo por duna awa na bo plantanan. Asina tambe bo beerput no lo yena lihe i bo por spaar. Of talbes un idea miho, inverti den un sistema di Waste Water. Asina bo por reusa tur awa, cu no ta awa di wc.
• Si bo ainda no a scohe pa pone panel solar, hasi esaki lo pronto posibel. Mi lo bai pa B-Energie! No solamente nan ta e distribuidor oficial di tur nan produkto na Aruba i otro islanan den Reino Hulandes. Tambe nan ta duna un bon servicio despues. Ta parese un invershon grandi, pero despues bo por haya un gran beneficio. I no solamente finansiero, pero tambe pa medio ambiente.
• Laga bo airco keda on i no sigui e conseho di señora Ollongren. Tin cu si bo ta paga bo airco tur ora on i off, bo lo gasta mas electricidad cu si bo airco ta keda on tur ora. I si bo tin panel solar tambe, bo no mester preocupa cu bo gasto di electricidad lo subi.
• Personalmente mi ta bebe biña, pero un cerbes friu tambe ta bon riba un dia caluroso. Hiba pa boter di cerbes cu statiegeld i no tire afo. Bo por spaar hopi ora bo ta inverti e boternan na punta di Tropical Bottling Company na Aruba. Pero manera mi a menciona den mi column, corda pa no perde tempo extra ora bo ta inverti bo boternan den e kratinan berde bashi. Esei no ta un servicio cu e compania aki ta ofrese. Bo mes mester wak pa bo por risibi bo statiegeld. Un tip di oro: Wak pa bo hiba un kratin cu un balor di 1 florin statiegeld pa bo por warde facil na cas. Esei ta trese mas comodidat ora bo ta inverti bo boternan bashi.
• Si bo presupuesto ta permiti, cumpra grandi cantidad di cuminda cu bo por warda largo. Por ehempel cuminda den bliki, arroz i pasta. Prijs di produkto tambe lo subi i asina bo por spaar un tiki.

Algun ehempel di forma pa bo spaar den tempo dificil. Talbes cumpra un lot nobo ta e solushon. Of talbes bo mes tin idea. Gobierno tambe por pensa riba manera pa spaar. Pone mente na e diferente auto nobo cu algun ministernan ta uza. Nan por facilmente bende esakinan pa un bon preis i usa e placa pa yuda pueblo den diferente manera. Òf tur cos ta bon i gobierno no ta mira e seriedad di e problema? No por ta asina. No por ta asina cu e mundo di experiencia entre gobierno i pueblo ta distansia asina leu?