Berde of Geel?

Durante e anochinan cu mi tabata core pa y for di San Nicolaas, mi a mira e brug grandi cu ta enfatisa e separashon entre e parti west i e parti oost di Aruba. Awor mi a nota cu e brug aki pa poco tempo a bira ilumina den color berde. Mi a topa e aparensha aki interesante. Pesei e color berde? Ta un coneccion cu politica? Ta trata di e color berde di partido político AVP (Partido di Pueblo Arubano), cu awor ta den oposishon? Òf ta trata di un accion di caridad di partido politico MEP (Movimiento Electoral di Pueblo), cu enbes di nan color geel ta deseá di mustra nan gratitut pa nan rival, AVP, den e manera aki? Òf tin algo na DOW (Dienst Openbare Werken), cu e manera aki kier duna AVP un push? Miéntras cu e brug a wordo construí durante tempo di kabinete Mike Eman II i awor ta un parti di e “Green Corridor”. Òf ta trata di un otro manera di provocacion?

Bendishona mi a nota cu mi no ta e uniko cu a topa e iluminashon nobo. E brug aki no por pasa desapersepta tampoco. Pero otro hende a mira cu e brug aki tambe por a bira ilumina den color geel algun dia. Pesei algun anochi enbes di berde, e brug a bira ilumina den color geel. Esey ta berdad?

Mi ta lamenta cu mi no a poder experiencia esaki ainda. Pues, mi mester reconoci cu mi no sa ainda. Mi por bai cada anochi na e brug pa wak kico nan a cambia e kleur di e lusnan di e brug, pero den e tempo aki cu e prijs di gasolin ta halto, mi no ta pensa cu esaki ta un bon idea.

Mi a cuminsa fantasia cu ta poco probable cu tin dos empleado na DOW cu ta responsabel pa e lusnan di e brug aki. Naturalmente, e empleadonan aki ta fiel na nan partido politico y nan lo gusta mira e color di nan partido ilumina e brug durante anochi. Afortunadamente, nan no kier haci problema cu esaki. Mi fantasia a bai un poco mas leu. Pa yega na un acuerdo, e dos empleadonan aki a dicidi di uza e metodo di "kop of munt" pa determina ki color e brug lo ta ilumina esa anochi. Mi ta ansioso pa mira ken lo gana e anochi aki!

Despues di mas investigacion, mi a lesa riba Facebook cu despues di hopi conversacion cu Directie Natuur y Milieu, Parke Nacional Arikok, Consolidated Industries Corporation (CIC) N.V. y DOW, tocante e iluminacion di e brug. E brug mester a wordo ilumina pasobra e brug aki a wordo construi mas na nort cu e brug original. A scoge e color geel y berde pasobra e colornan aki ta menos afecta flora y fauna. Nan ta trahando riba programa e kleurnan aki y entretanto lo ilumina e brug cu e kleurnan alternativamente. Na cuminsamento di anochi e brug lo ta mas brilante cu oranan di anochi avansa.

Na e momentonan aki, pues, no tin nada di haber cu e preferencianan politico di un grupo of persona y e colornan aki a wordo scoge cu atencion pa yuda naturaleza. Tambe e personal di DOW, via cabes o cruz, no ta determina kico kleur e brug lo ta ilumina anochi. Tambe esaki lo sosode di un manera husto.

Aparentemente, un cooperacion entre e dos partidonan politico por sosode asina. Cu un bon combersacion, comprension, union y vision, por logra un bon cooperacion. Cu no tur ora, ora di cambia un periodo di gobierno nobo entre e dos partidonan, mester saca e ideanan y proyectonan for di mesa y cada biaha mester bolbe inventa e rueda. Esaki ta costa pueblo di Aruba solamente placa y mal gobernacion. E pleitamentonan y acusacionnan entre e partidonan ta mas cu suficiente ya caba. Nos ta falta un vision comun con nos kier desaroya nos mes ainda mas na Aruba. Nos tin un sol historia, y nos mester keda aprecia esaki completamente.