Awe ta e dia!

Boneiro, Corsou i Aruba ta conmemorando un dia historico awe diasabra 19 di november. Ta trata aki di e celebrashon di 25 aña di existencia di Genootschap Nederland-Aruba na Hulanda? Of ta trata di e kampionato mundial di futbol na Qatar di mamanan? Apesar cu e dos temanan aki sigur ta interesante pa dedica atencion na nan, esaki no ta e caso awor. Awor, diasabra 19 di november, lo skirbi historia di landramento atrobe.

Desde 3or di marduga, Deaxo Croes a cuminsa su desafio pa nada for di Boneiro pa Curaçao. E ta un evento di awa abierto di mas o menos 53 km, unda e lo yega costa di Corsou den oranan di mainta. Via "Crossing for prevention" e ta tratando di recauda fondo pa tres fundashonnan na Boneiro, Curaçao i Aruba. E Kanker Fonds Boneiro, Fundashon Prevenshon Curaçao i Fundacion CORESA Aruba. Tur ta ensera den prevenshon i detecta cancer na un estado temprano.

Deaxo lo mester landra den scur pa tres pa cuater ora. E lo ta acompañá pa su team riba boto i tres kajak. Despues di un ora di landramento, e lo tuma un pauze chikito den awa pa come. Despues di esei, e lo tuma un pauze cada mei ora pa asina keda fuerte. Su destinashon ta un terreno di propiedad na costa di Corsou. Despues di yega, e lo wordo acompaña pa Caracasbaai "The Pier" pa a wordo bon bini.

Deaxo Croes a landra for di Venezuela pa Aruba caba riba 11 di november 2018 cu un grupo di otro landradonan Arubano. Den diez ora i 20 minute nan a yega costa di Aruba. Pa e evento aki nan a recauda 123.000 florin pa KWF na Aruba. Awor ta na nos pa saca nos cartera i duna pa un bon causa.

Dia 28 di november 2018, un columnista masha conoci i aprecia, Ariën Rasmijn, a publica un column na su página web "Den Cayente" tocante e evento di 11 di november. Un column cu e titulo: "Geef". Aki e a constata cu na e momento ey nan a recauda 30.000 florin. Un cantidad cu na Aruba nan mester a sinti nan mes avergonzá pa esaki. Nan a spera cu nan lo a recauda un cantidad di dos mil florin. E no por a imagina cu pa un cantidad di 30.000 florin, cinco atleta a pone nan bida na peliger pa nada for di Venezuela pa Aruba pa e cantidad avergonzoso aki.

Awe ta e dia atrobe. Tambe e biaha aki ta na nos pa tuma nos cartera i hinca un bon cantidad di placa na un di e tres fundashonnan aki. Tur aporte ta yuda, asina cu diez florin tambe lo mester ta suficiente aki. Claro cu bo tambe ta bon bini pa duna un donashon na cualkier di e tres fundashonnan aki. Of pidi riba e website www.crossingforprevention.com un camisa cu 75% di e cantidad lo bay pa Fundacion CORESA Aruba. Sigur un bon recuerdo na e evento histórico aki. Ademas di un gran logro di Deaxo, tambe nos ta spera cu Crossing for Prevention a recauda un bon cantidad di placa.

Pa haci un bon gesto promé cu Deaxo yega na costa di Corsou. Duna i sostené Fundacion CORESA Aruba door di hinca placa na e number di cuenta 6031390190, na Aruba Bank. Pa Kanker Fonds Bonaire, via e number di cuenta 84000000180282769, na RBC Bank NV i pa Fundashon Prevenshon, via e number di cuenta 21684310, na MCB. Mentioná e nomber: "Crossing for Prevention" cu bo donashon den e descripcion. Pa mas informashon bishitá e website www.crossingforprevention.com.

Ya caba danki!!!

Aunke awe lo menshona e bon desempeño di Deaxo Croes den libronan di historia. Qui sa si e evento di 19 di november lo por ta un preparashon pa un siguiente meta. Pa den futuro nada for di Corsou pa Aruba, un ruta di mas o menos 63 km. Pues lo sigui!