Aruba, semper den nos curason - Parti 1

E famia real Hulandes ta un parti importante di identidad y tradicion Hulandes. Tin hopi Hulandes cu ta sinti orguyoso di e rei y famia real y ta aprecia loke nan ta haci pa e pais. Esaki ta e caso tambe na Aruba, e isla cu ta forma parti di Reino Hulandes.

E bishita di rei, reina Maxima y prinses Amalia di fin di januari y comienso di februari 2023 na e parti Caribense di Reino ta muestra cu Hulanda ta envolvi cu e partinan Caribensa di Hulanda. Ademas, ta e prome biaha cu Amalia ta topa cu e parti importante aki di Reino. Pa rei Willem-Alexander e prome encuentro cu e islanan tabata na 1987.

En total, famia Oranje a bishita e partinan aki 32 biaha. E prome biaha tabata na 1835, door di prins Hendrik di 15 aña, kende tabata den entrenamento como oficial di marina. Na 1863, esclavitud a wordo aboli. Aunke esaki a sosode riba base constitucional, antiguonan esclavo a kere cu nan a wordo libera door di nan rei Willem III.

E di dos bishita, un storia hopi notabel, tabata di prins Bernard durante Segunda Guerra Mundial riba 22 di october 1942. Prins Bernard a yega na Curaçao prome cu ora y a realisa cu e comité di recepcion ainda no tabata presente. El a deside di duna un bishita rond di e isla, causando cu un di e dos batterynan di defensa aereo Mericano a dispara un tiro di advertencia. Prins Bernard a probecha pa bay for di e lugar rapidamente y a aterriza na aeropuerto Hato. Aki el a warda den un bar pa gouverneur Kasteel. Ora e la yega, prins Bernard a baha for di avion pa laga tur cos tuma lugar oficialmente. Segun prensa nan no mag di menciona e incidente. Dos dia despues, prins Bernard a bishita refineria di petroleo na Aruba y despues a bula pa Suriname. Ademas di prins Bernard, ta prinses Beatrix y Koning Willem-Alexander ta esunnan cu a bishita e islanan mas di siete biaha.

Aunke algun hende na Hulanda por kere cu e famia real ta pasado di moda, mi ta kere cu na e islanan e famia real ta un parti crucial den e relacionnan diplomatico entre Hulanda y otro islanan. E ta un simbolo di estabilidad y continuidad y ta brinda, ademas di e Hulandes, tambe e Arubiano e sentimento di orguyo pa por presenta nos isla asina fantasticamente. Y ora nos ta ricibi bishitantenan for di exterior, tur cos mester ta bon y ordena. Y si mester pone asfalt special pa esaki, nos lo haci esaki. Tur esaki pa haci bishitante sinti na cas mas tanto cu ta posibel. Segun e prime minister di Aruba, esaki ta tipicamente Arubiano. Ora hende bin Aruba, nos mester haci tur cos bunita.

E bishita di e famia real na e parti Caribe di Reino a ser experimencia un biaha mas como masha agradabel. E momentonan positivo di e bishita na Aruba tabata e bishitanan na Museo Industrial, Parke Nacional Arikok y Royal Aruba Aloë. E empresa cu a ricibi titulo Real desde 12 di december 2022. E prome empresa den Reino den Caribe cu por bisti e titulo aki. Tambe a haci un bishita na parlamento y ministerionan na Oranjestad, unda e premier a regala un regalo na e rey. Un statue di oro, traha door di Ciro Abath, di un Watapana, cu ta simbolo pa Caribe, pasobra e ramonan semper ta crece den un direccion debi na e biento permanente zuidwest. E rey a enfatisa cu su famia semper a sinti bon bini aki y cu Aruba ta keda semper den nan curason.

Un di e momentonan positivo tambe mester ta e poema recita door di Kay Quandus na prinses Amalia. Segun Kay, Amalia tabata masha conmovi y e tabata conta cu e prinses tabatin lagrima den su wowo. Con hermoso ta pa mira dos mucha muher for di diferente parti di Reino topa otro na un manera hopi bunita.

No ta facil pa Amalia, despues di tur e critica tocante su apariencia y e amenazanan di criminalnan. E a acepta e rol como prinses heredero, pero no a scoge pa sinti tanto presion di sociedad. Mi tin compasion pa dje, pero tambe ta haya cu e sa di mantene su mes bon. Mi ta spera cu durante su prome bishita na e islanan, e por sinti e calor y hospitalidad di tur habitante, cual el merece pa su posicion como futuro reina.