Ami ta Michel

Life has challenged me many times, but that isn’t going to stop me. Every time I fall, I try to find a way to get back up again. I am a survivor, and I will keep on fighting. Though I have gotten hurt too many times before, I have become so much stronger.

Un mensahe cu Facebook a genera automaticamente pa mi. Un mensahe cu mi por identifica cu ne. Probablemente boso no ta compronde cuanto amor mi a duna cierto personanan y cuanto mi a yudanan. Probablemente boso no ta compronde cuanto cierto personanan a significa pa mi. Mientras cu e personanan aki a trata mi malo na un momento dado. Mi no ta compronde pakico mi mester a merece esaki. Nan a haci mi hopi dolor. E unico cos cu mi por a spera di nan, ta cu nan tabata ehrlich y sincero cu mi. Cada biaha mi tabata busca pa reconcilia y pa un solucion ehrlich pa e situacion. Nan a scoge pa no haci esaki. Nan a scoge pa sigui bisa mentira na mi, sigui manipula mi y pa hunga e wega asina cu nan ta trata di saca mi for di e armario y asina pintami malo. Y no malinterpreta mi, mi tambe a laga cosnan cai. Mi tambe a comete foutnan. Awor mi ta compronde cu door di cierto personanan mi a conoce un banda malo di mi mes cu mi no sa cu mi tabatin esaki aden.

Aruba ta chikito. E por ta cu esaki ta berdad, pero esey no ta nenga mi e derecho di kier describi mi opinion, mi sentimentonan y mi experiencianan detayadamente. Aparentemente, mi a wordo bibá. Na momento cu mi a scoge pa mi mes, mi a scoge pa describi mi sentimentonan riba papel. Un parti chikito di hende a bisa cu mi no mester a haci esaki. Claro, culturalmente, no ta custumber pa pone "laba suci" pafor. Tur cos mester keda secreto. Specialmente e "actonan malo" cu algun hende ta hasi. Nan ta kere cu e no lo sali na cla. Te ora cu e sali na cla y nan ta wordo confronta cu ne.

Bo por duna un juicio bon mes ora bo a lesa tur cos y no solamente un parti chikito. Sorto, un parti grandi di lesadonan ta di acuerdo cu mi sentimentonan y mi experiencianan no ta skirbi for di rabia/odio, pero mas bien pa e hopi preguntanan sin contesta y incertezanan cu a surgi for di amor incomplento. Pa esaki ta necesario hopi curashi, manera mi a tende di hopi hende. Bo no por puntra pregunta mas. Awor ta wordo bisa cu nos famia kier sconde tur cos. Nan tabata curioso y kier a sa tur cos. Tabata esaki un motibo extra pa describi mi experiencianan? Pa asina nan no por bisa esaki mas?

Kico ta esaki cu hende gusta di hasi malo prome, pero ora nan wordo confronta cu ne nan no kier mira e consecuencianan. Aparentemente, berdad ta duru! Kico ta esaki cu algun ta pensa cu nan ta riba ley? Y cu nan ta pensa cu nan tin cierto privilegionan door di nan contactonan den gobierno y/of husticia. Ta bon cu nos ta haci e personanan aki consciente tur biaha cu nan no ta mas cu otro hende. Nos mester trece na cla tur malpractica den forma abierto y nunca pone den un scondi. Mi nunca lo bai calla riba esaki. Aki tambe hende tin derechonan igual. Mi ta lamentabel mes con tur cos a bay. E ta haci mi tristo algun momento. E unico cu nos por keda hasi, ta sigui bisa oracion pa nan. Nan sa loke nan a hasi y nan conciencia lo sigur hunga un rol. Mi ta spera cu ora e momento yega, Dios lo perdona nan. Mi a perdona nan, pero mi no lo bai lubida.



Na final, mi kier termina cu un reaccion riba mi mensahe genera riba Facebook:

In 2 Timothy 4:7, Paul says, “I have fought the good fight, I have finished the race, I have kept the faith. Philippians 4:13: I can do all things through Christ which strengthened me.